LUKE 3:18 - DARA GADAIN N.T. with PSA and PRO (BSI)

¹⁸ Odehe, bo subung buthu khe gibin gibin graothai jang sibbring ba, ar subung buthu niha hamba graojma khe sainthi ba.

LUKE 3:18 Iomraidhean Croise

LUKE 3:17

Boni yao ha mai jaomane sangkhon dong. Maigrik khe boni maikhoh ha lusing ma, ode maijubu khe thih thaoyayaba waikhor ha saokhrip ma.

LUKE 3:19

Raja Herod, jarni buphlung Philip ni bihih Herodi khe noh jaba, ode gibin gibin hamya khusi dangbani balam ha Johan jo ba.

JOHN 1:15

Johan boni balam ha se sakhi ri ba, ode jirik khao hi thi ba, ‘Ebo ning bo se, sere ni balam ha ang sainthi ba. Sere ani yaohon ha phaiginyaba dong, bo ang tha gabang ning dedaoyaba se; bede thikhala, ang dong bani sagang ha ning bo dong.’

JOHN 1:29

Dakhna ni basain ha Johan boni gede Jisu phaiba khe nu ba, ode thi ba, Nai lah, Madaini Melmasa khe, sere phirthi ni phap khe horkhu ginyaba!

JOHN 1:34

Ang nu ba, ode sainthi ri ba, Ebo ning Madai ni Basa thihi thi ba.

DANGYASARAO 2:40

Peter, bonsi khe gabang grao gibin gibin lahi sakhi rihi thi ba, Duhani jugni subung hamyayarao ni phrang jar khe jar dimkhao lah, thihi bonsi khe sibring ba.

DANGYASARAO 20:2

Jarni yaohon rikphayarao khe gibin gibin grao bujai phalang hi bo raji ha thang thar hi, Akaia raji ha bo sohi kha.

ROM 12:8

sibringyaba bo, khah muh jang sibring la thing; jinis riyaba bo, khaithiya hi ri la thing; hojabo hamsisi langsmai la thing; khasaoyaba de khajama jang khasao la thing.