LUKE 3:16 - DARA GADAIN N.T. with PSA and PRO (BSI)

¹⁶ Odebani, bonsi khrip niha Johan thi ba, Ang de nisi khe dih jang baptisma ri du, thikhabo ang tha dedaoyaba phai du. Ang de boni yaphadap ni wadu khruma bo gathaya. Bo de nisi khe Bese Gathar ar wai jang baptisma ri nang.

LUKE 3:16 Iomraidhean Croise

GYAN NI GRAO BUTHU 1:23

Ang joyaba khe nisi khna kha de Ani khah khe nisine ang khna ri kha mu! Ani baothai khe nisine khna ri ma mu!

MATTHEW 3:11

Ang nisi khe khah slaima ne dih jang baptisma ri du. Thikhabo, ani yaohon ha phaiginyaba de anthane dedao. Ang boni yaphadap ni wadu khe khru manebo gathaya. Bo nisi khe Bese Gathar jang ar wai jang baptisma ri nang.

MATTHEW 3:12

Boni sangkhon boni yao ha ning dong; ar bo jar ning maijibu khe ragao sisi khlai hi sipkhao nang. Odehe, jar ni mai khe maikhoh ha bojom khlai nang, maijibu mudi khe thaoglao ni waikhor ha saokhrip nang.

JOHN 1:26

Johan bonsi khe thiphin ba, Ang de dih jang baptisma ri du; thikhabo nisi ni gejer ha saosi subung songhi dong, bokhe nisi tharmaiya.

JOHN 1:27

Bo ani yaohon ha phaiginyaba se, thikhabo boni yapha ni wadu khe khru manebo ang gathaya.

JOHN 1:33

Ang bokhe tharmaiya, thikhabo sere dih jang baptisma ri mane angkhe haiha ba, bo anthane sainthi ri ba, sere ni basao ha Bese Gathar birkhlai ba khe ode baba khe ning nu ma, bo ning Bese Gathar jang baptisma riginyaba se.

JOHN 7:38

Sere ang khe lon re, Madai ni Laisi ha thiba lai ning, boni khuh ni phrang hayuni dikhong buthu baigo lang ma se, thihi thi ba.

DANGYASARAO 1:5

Johan de dih jang bo baptisma khlai re, thikhabo khaisa basain ni yaohon ha nisi Bese Gathar ni baptisma mai nang, bo ode thi ba.

DANGYASARAO 10:44

Odehe, Peter grao khe thisaiba ha ning grao khnayarao khrip ni basao ha Bese Gathar sophai kha.

DANGYASARAO 2:33

Madai ni yaoda gede ha bakhan khlaijao hi dong ba, Bese Gathar hanggaiyaba khe Bupha ni phrang mai hi, bo nuyaba jang khnayaba khe bo lukhru ri kha.

1 KORINTH 12:13

Jing jamthar sibo, Juda jadi na, jing Greek jadi na, jing leng na, jing leng niya na, saomang masi dong mani khlai hi Bese masi ha jing baptisma lahi, Bese masi ha jing khrip khebo bo ling riba se.