LUKE 3:11 - DARA GADAIN N.T. with PSA and PRO (BSI)

¹¹ Bo bonsi khe thiphin ba, Sere niha sola magin dong, giriyaba ne ron la thing, ode sere niha jimu dong, bobo olei ning dang la thing.

LUKE 3:11 Iomraidhean Croise

MATTHEW 25:40

Raja bonsi khe thiphin ma, Gibi jang ang nisi khe thi du, ebo ani basa khasi daothaoyarao ni bising ha subung saosi ni basao ha nisi dangba de, ani basao ha se nisi dang ba, thihi bo thiphin ma se.

LUKE 11:41

Thikhabo, nisi ni bising ha dongyaba khe dukhi sarao khe juru mane ri lah. Odehe, nai lah, nisi ni khlai hi khrip gathar ja nang.

LUKE 18:22

Jisu khna hi bo khe thi ba, Ning dangma nangyaba masi khusi dong kho. Nini ha dongyaba si khe phain dada dukhi saraone ron lah, odese ning sorgo ha don mai nang; ar phai hi ani yaohon rikpha lah.

LUKE 19:8

Zakaia songkhu dada, Gabra khe thi ba, Gabra, ani ha dongba si ni phrang ang gejer khe dukhisarao ne ri nang; ang sereba subung ni rang khe thokhi dada ang la kha thikhade, ang bo ne phantha bri riphin ma.

JOHN 13:29

Juda niha ning, rang ni joli dong ba, odebani Jisu bokhe mel ni khlai hi snadi nang du, bokhe barai mane, na dukhi sarao ne rimane thiba thihi gejesi rikphayarao bao lai ba.

DANGYASARAO 10:2

Bo Madai khe maniyaba subung se, bonsi nokhorsi bo Madai khe khin re; ode, malai ne gabang jinis ri re, ar Madai niha bo bonsi hamsi ning bi re.

DANGYASARAO 10:31

Korneli, ning biyaba khe khna ha kha, ode ning jinis yaophayaba buthu khe bo Madai tharmai kha,

DANGYASARAO 10:4

Bo hamsisi nai dada khin ba, ode O Gabra, snadi? thihi sing ba. Sorgo ni degla thiphin ba, Ning biyaba buthu jang jinis yaophayaba grao buthu khe wainso mane khlai hi, Madai niha sohi kha.

EPHESI 4:28

Makhao jabaiyaba makhao da japhin thing. Dukhisarao khe juru mane don mai bani khlai hi, ar jarne khlai hi don mai mane, khusi dang jen thing.

1 TIMOTHE 6:17

Ebo habsao ha subung gnang jayarao khe phuthan jaya mani khlai hi sling ri lah, lon jayayaba don ha asa da deng, jing yaowai mani khrip jadi bao joyasi jinthane riyaba Madai ni basao hase asa deng mani khlai hi sling ri lah.

1 TIMOTHE 6:18

Bonsi de hamba khusi dang mani ode, hamba khusi dangba bangdao mani khlai hi, nalaibo khaithiya hi gibi subung buthu jang yaowai phalai manebo sibring lah.

HEBRAIRAO 6:10

Nisi khusi dang du, duha sosibo nisi dangsai du, boni bumu ni khlai hi hamjaoma nisi phnu riyaba ode, subung gatharrao ni khusi buthu nisi dang riyaba khe blao mani khlai hi Madai de subung dormo niyayaba niya.

JAKOB 1:27

Madai jang Bupha ni sagang ha dormo gathar ode phap gaba phayayaba de ebo se: mathisarao, banjikrao bonsi dukhu ni bubli ha naihiyaba ode habsao ni gusu rege dophaya hi jar khe hamsisi naiso layaba se.

JAKOB 2:14

Ani daphlungrao, sereba, Ani ha lonma dong, thihi bo khusi dangya khala snadi lab ja ma? Olei lonma jang bo jar khe sogo la phu nang?

1 JOHN 3:17

Sere habsao ha gnang jahi jar ni daphlung musi giriyaba nuhi, bokhe khasaoya thikhade, boni ha Madai ni hamjaoma bede dong phu ma?

1 JOHN 4:20

Asaba subung, Madai khe ang hamjao du thi hi jar ni daphlung khe jajaoya jakha de, subung grao mosol thi ba se. Boni daphlung jar nuyaba khe ning bo hamjaoya kha la, Madai nuyayaba khe la bo bedehe hamjao phu ma?