LUKE 24:47 - DARA GADAIN N.T. with PSA and PRO (BSI)

⁴⁷ ar Jerusalem ni phrang jenhi, khah phin bani grao, ar phap khe map khlai bani grao khe khrip jadi niha sainthi ma nang ma.

LUKE 24:47 Iomraidhean Croise

BAKHAN NI RAJABTHAI 22:27

Khrip mulug ni subung bo Gabra khe mithi nang, Ode, boni ha khrip jadi bo thangphin ma.

BAKHAN NI RAJABTHAI 67:7

Madai jing khe hamthai ri nang ode pirthi ni khripbo bo khe khin ma se.

BAKHAN NI RAJABTHAI 86:9

O Gabra, ning slamyaba khrip jadi nini sagang ha phai hi mani ma. Nini bumu khebo bonsi muima labu ma.

MATTHEW 28:19

Odebani, ning thang hi khrip jadi ni subung buthu khe yaohon rikya slam lah, ode bonsi khe Bupha, Basa, Bese Gathar ni bumu jang baptisma ri lah.

MATTHEW 3:2

Bo thi ba, Khah phin lah, sorgo raji sampha kha,

MATTHEW 9:13

Odebani, ‘bandai khe ang nangjaoya, khasaoma khe ang nangjao du’ thiyaba grao khe, thang hi boni balam ha sling lah. Dormo subung ni khlai hi ang phaiya, subung phaphirao khe long mane se ang phai ba, thihi nisi tharmai lah.

LUKE 13:34

O Jerusalem! Jerusalem! Gorasalirao khe ning sthaiyaba, nisi ne haihayarao khe longthai jang lemthai hi, sthaiyaba. Daoma jarni daosa buthu khe jarni bagrang bakhla ha goro phungba lai nisi ni ansarao khe ang goro phung ma bao du, thikhabo nisi maniya!

DANGYASARAO 10:43

Sere bokhe lon du, boni bumu ni khlai hi phap buthu ni map mai ma se thiyaba boni balam khe gorasalirao khrip bonsi sakhi ri du, bo ode thi ba.

DANGYASARAO 11:18

Bo grao khe khna ba jang, bonsi phirik phirik thao ba, Ode thikhade, Madai ning Jentailrao khebo khah phin hi haiyu mai mane nangjao du, thihi bonsi Madai khe bakhan khlai kha.

DANGYASARAO 13:46

Paul ar Barnaba, khitha raoma jang thi ba, Madai ni graothai khe sagangthao ha nisi niha sainthi ma nangjao ba muh. Thikhabo, nisi bokhe dangkhlai bani, ar nisi jar khe thaoglao ni haiyu mai mane latha giri bani, duha Jentailrao ni gede jing sagang lang ma se.

DANGYASARAO 2:38

Peter bonsi niha thi ba, Nisi ni phap ni phrang khah phinhi, Jisu Krista ni bumu jang baptisma la thar lah; odese, nisi ni phap buthu khe map ja ma, ar Bese Gathar riyaba khe nisi mai ma.

DANGYASARAO 20:21

Judarao ode Jentailrao niha bo Madai ni gede khaslai mani grao ode, jini Gabra Jisu Krista ni gede lonma ni grao khe jing tharmai ri re.

DANGYASARAO 26:18

Bonsi ni muthai nu mane khlai hi ning khe bonsi niha ang haiha du, odese andar de jnama gede nai nang. Soithan ni hukhum ni phrang Madai ni gede naiphin la nang. Phap map jayaba hathan ne khlai hi ode bonsi ang khe lon bani gathar jayarao niha don ni phantha japhu mane khlai hi, bo ode thi ba.

DANGYASARAO 26:20

Jenba ha Damaska ni subung buthu ni ha, boni yaohon ha de Jerusalem ni subung buthu niha, Juda raji ni khrip subung buthu niha, Jentailrao nihabo bujai ba, ode khah phin hi Madai ni gede sagang phin mane khlai hi se ang thi ba

DANGYASARAO 28:28

Odebani, Madai ni sogolam ni grao khe Jentailrao niha haiha ba, ode bonsi khnabo khna ma se, bo ode thiba.

DANGYASARAO 3:19

Odebani, nisini phap buthu khe sajam phu mane khlai hi, khah phinhi phai lah, ode da naiphin si;

DANGYASARAO 4:12

Gibin saosi niha bo sogoma giri, nokhasao ni bakhla ni subung buthu ni bising habo jing khe sogo mani gibin bumu musibo giri, ode bo thi ba.

DANGYASARAO 5:31

Bo jar ning Madai ni Raja jang ode sogoyahsa jahi dong mane khlai hi jarni yaoda gede bokhe sugu kha. Israelrao khe phap ni phrang khah phin rihi sogo mane khlai hi,

ROM 5:20

Gajai baradao mani khlai hi dara hapsing phai ba; thikhabo, phap barayaba si ha khasaomabo bara phalang du.

EPHESI 1:6

Boni khasaoma muima jathai ni khlai hi, ar boni maya ni Basa ha jinthane bo riyaba yaosandi ni khlai hi, dei jing Madai khe bakhan khlai nang!

EPHESI 3:8

Ang subung gathar khrip ni bising ha khrip tha khasi daothao ni bising ha khasi daoyaba niha se bo khasaoma khe ri ba: Krista gnang jathai khe thihi thisophuya graojma khe Jentailrao niha sainthi mane ode,

KOLOSSA 1:27

Bo subung buthu niha de Jentailrao ni bising ha grao makhao ni muima ni muilo khe Madai ning tharmai rima nangjaoba se; bo grao makhao de Krista nisi niha dongyaba ni muima asa jayaba se.

1 JOHN 2:12

Basathu, boni bumu ni khlai hi nisi ni phap buthu gibi jang map jakha bani, nisi niha ebo khe ang reb du.