LUKE 24:44 - DARA GADAIN N.T. with PSA and PRO (BSI)

⁴⁴ Ar bonsi khe thi ba, Nisi jang ang dongpha ba ha, nisi niha sainthiyaba ebo buthu ning. Moses ni Dara ha gorasalirao ni laisi bajap ha ar Bakhan ni Rajabthai ni laisi ha rebyaba ani grao khrip bo gibi sophaima nang ma.

LUKE 24:44 Iomraidhean Croise

BAKHAN NI RAJABTHAI 118:22

Noh dangyarao longthai nangya thiyaba khe Nangdao thao ja kha.

MATTHEW 1:22

Gabra ni gorasali ni khuh jang thilang ba,

MATTHEW 16:21

Bo bubli ni phrang Jisu jar ni yaohon rikphayarao niha thiba, Ang Jerusalem ha thang ma, ode khraorao, Jonthaimarao, Dara khe sling riyarao ni phrang gabang dukhu mai ma; ode, bonsi angkhe sthai ma, thikhabo, nokha saintham ha ang baijaphin ma.

MATTHEW 26:54

Thikhabo, olei khainsu kha la, Madai ni sastro, elei japhai ginyaba grao la bede gibi japhu ma?

MATTHEW 26:56

Thikhabo, gorasalirao ni grao buthu phura gibi ja mane khlai hi olei japhai ba se. Odebani, yaohon rikphayarao de bokhe dangkhlai hi bonsi khai thar langla kha.

MARKA 9:31

Bede thikhade, bo jarni yaohon rikphayarao khe elei slingri ba, Marsini Basa khe subungni yaoha yaopha jao ma, bonsi bokhe sthai ma, ode bo nokha saintham ha baijaphin ma.

LUKE 21:22

Madai ni laisi ha reb hi dongyaba khrip sophai rimane okhali ni basain de baslai labani basain ja nang.

LUKE 22:37

Bede thikhade, ang thi du, phaphirao jang baosi ning sainpha jao kha thihi rebyaba ani basao ha sophaima ja kha. Sumjabani thikhala, ani basao ha rebyaba grao khrip sophaima ja kha.

LUKE 24:46

Ar bonsi khe thi ba, Edehe ning reb da, Krista sao ha dukhu mai hi, nokha saintham ha baija phin ma,

LUKE 9:22

Odehe, Jisu jarni rikphayarao khe thi ba, Marsini Basa khe hamsi ning dukhu rima, ode hojarao, jonthairao, ode Dara khe slingriyarao bo khe nangjaoya ja ma. Bo khe sthai ma, ode saintham ha baijaphin ma se.

LUKE 9:44

“Ebo grao buthu khe nisi ni khmao ha hap la thing: Marsini Basa de marsirao ni yao ha rem rijao ma se.”

JOHN 3:14

Moses hajengling ha jbu khe basao ha suguba lai jasosi Marsini Basabo basao ha sugujao ma.

JOHN 5:39

Madai ni laisi buthu nisi hamsi ning phuri re, bonsini bisingha thaoglao ni hayu mai nang thihi nisi bao re. Bo buthu ani balam ha sakhi riyaba se.

JOHN 5:46

Nisi Moses khe lonkha de, ang khebo lon nang mu, bo de ani balam ha grao rebyaba se.

DANGYASARAO 13:33

Odelai ning, Madai ning Jisu khe baija ri hi, bo ning hanggaiyaba khe jini greng buthu ni khlai hi phura khlai kha; Bakhan ni Rajabthai maginyaba ha reb ba: Ning ani basa se dou, Dini ha ning khe ang hajai ri kha.

DANGYASARAO 13:40

Odebani, girik lah. Ode niyakhade, gorasalirao ni laisi ha bonsi thiyaba grao de nisi ni basao habo sophai ma se.

DANGYASARAO 2:27

Bede thikhade, ning ani bese khe githi ni nolei ha haiger nang niya, Ode, nini subung gathar saoba khe nu ri nang niya.

DANGYASARAO 3:18

Thikhabo, Madai ning khrip gorasalirao ni khuh ha, Krista de dukhu jamani grao khe sagang ha ning bo thida kha; olei jasosi ning, gibi jang sophai riba se.

DANGYASARAO 7:37

Israel sarik surik buthu niha thi ba, Madai ang khe slamba lai ning, nisi ni daphlungrao ni bising ha, subung saosi gorasali nisi ne slam ri nang, thiyaba Moses ning ja kha.

HEBRAIRAO 10:1

Judarao ni dara de hamba jinis dongphai ginyaba buthu ni daogari se ning gibi gibiyaba niya. Odebani se maithai phorong nalai bonsi bandai yaophayarao, bandai yaopha mane khlai hi boni rogong ha phaiyarao asaba khalibo phura ja phuya.

HEBRAIRAO 3:5

Bubli sophai ginyaba ne thiyaba jinis dong ginyaba buthu khe ragao so ri mani khlai hi Moses de jar dangyasa jayaba ha Madai ni khrip nohkhor habo lonma gnang se.

HEBRAIRAO 7:1

Ebo Melkisedek, Salem ni Raja, Madai ni dedao thaoyaba Jonthai de, Abraham jekhali rajarao khe sthai hi phaiphinba ha, bo jang goron hi bo hamthai ri ba.

HEBRAIRAO 9:8

Eraha, Bese Gathar jang edehe phnu du; Thambu ni ronda ha song hi dongdu si de, hathan gathar jadao thaoyaba de khuru nang niya thi du.

1 PETER 1:11

Bonsi niha Krista ni Bese dongpha hi, Krista dukhu maiginyaba buthu ode boni yaohon ha, muima dongphai mani grao khe bo sainthiyaba grao dong bani, snadi bubli ha bo phai nang, bede jahi bo phai nang thihi bonsi tharmai ma nangjao ba.

NUJAOYABA 19:10

Boha ning bokhe khlim mane khlai hi boni igah rogong gabasi ang blip pha ba, thikhabo bode ani ha, Olei da khlai lah. Ang ning jang nini daphlungrao lai ning Jisu ni grao nisi mithi pha riyaba khe maniyaba, nisi ni daphlung jang dangyasa angbo saosi se thi. Madai khe se khlim lah. Jisu ni grao khe mithi pha riyaba thidayaba bese se, bo odehe thi ba.