LUKE 21:34 - DARA GADAIN N.T. with PSA and PRO (BSI)

³⁴ Odebani, girik hi dong lah! Jiba lingba ha suk smai hi, ju baola jang, ar habsaoni waimu jang gablai hi da dong; bo basain khali ha de dukhon ha nangba lai nisini basao ha japhai nang.

LUKE 21:34 Iomraidhean Croise

BAKHAN NI RAJABTHAI 35:8

Bonsi mithiyasa ni bonsi ni basao ha hamya ja thing, Bonsi ni dukhon ha bonsi jar nang la thing. Bonsi ni hakhor khuyaba ha bonsi galaising thing.

GYAN NI GRAO BUTHU 21:4

Sanggama ni muthai, sanggama ni khah, Subung hamya ni thaopharibo phap se.

GYAN NI GRAO BUTHU 23:20

Ju baolarao jang baosi ja hi da dong Mogong harbaoyarao jang lugu da ja.

MATTHEW 13:22

Busuling ha maigrong galaiyaba de edese; bo grao khede khna du; thikhabo, habsao ni khah waimu ar mosol grao jang boni grao khe dip phung du. Odebani bo bathai thaiya.

MARKA 13:9

“Odebani, nisi mirik hi dong lah. Nisi khe remhi bisardar niha lang nang. Hamba graojma khe sainthi mane nisi ani bumu ni khlai hi hojarao ar Rajarao ni sagang ha song nang.

MARKA 4:19

thikhabo, habsao ni gede waimu nang hi gnang jama ni baobai hi ode gibin gibin jinis buthu khe nangjao dada dip phung hi bathai thaiya hi thao ba.

LUKE 10:41

Gabra bo khe thiphin ba, Martha, Martha, khusi gabang khe ning baobai bani, ning dukhu maiba se. Nangdao thaoyaba khusi de masi se ning.

LUKE 12:40

Odebani nisi salai hi dong lah, nisi salaiya hi dongba ha, Marsini Basa phai ma.”

LUKE 17:3

Nisi ni bada buphlung phap khusi dang re thikhade, bokhe jo lah; ar bo khah phin re thikhade, bokhe map khlai lah.

LUKE 21:35

Bede thikhade, habsaoni khrip subung buthu ni basao ha olei ning japhai nang.

LUKE 21:8

Jisu bonsi khe thiphin ba, Nisi girik lah! Thokhi jaoyahi da dong. Gabang subung, ani bumu lahi phai nang, ar thi nang, Ang ning bo se, bubli sophai kha thihi. Thikhabo, bonsi jang da rikpha lah.

LUKE 8:14

Busuling ha graiba thiyaba de, bonsi grao khe khna kha, thikhabo sagang gede thangpha langba ha, waimu jang habsaoni gnang bonsi khe dip phung kha, suk jang dong mani baoma ha gablai hi bathai thaiya hi thao la kha.

1 KORINTH 5:11

Bede thikhade, duha daphlung ni bumu la hi, hamjao baiyarao ja thing, subung harbaoyaba ja thing, saokhuli khe biyaba ja thing, subung khe nalaibo ran thaiyaba ja thing, ju baola jabaiyaba ja thing, dakhat ja thing, nisi jaya mani khlai hi se nisi khe ang thi ba. Eleiyaba subung khe makham sosibo da jipha lai.

1 KORINTH 6:10

khao jibaiya buthu, harbaoyarao, bao la jabaiyarao, subung jothaiba raoyarao, dakhatrao, eleiyaba jinis khe dangyarao de Madai ni raji khe mai nang niya.

GALATIA 5:20

saokhuli khe khlimyaba, montro ringyaba, bangjaoyayaba, nam khormu, khaojiyaba, thamsi baigoyaba, jar khe se ning jajao layaba, raojao layaba, lonma gibin jayaba,

PHILIPPI 4:6

asaba habo khah waimu da nang, asaba khe bo Madai bi dada ode sain hi nisi jinis nangyaba buthu khe, khajama ni grao thi dada, Madai niha khna ri la thing.

HEBRAIRAO 12:15

Madai ni khasaoma khe saosi bo maiya hi dongya mane ode, gabang subung rege rege khlai phuyaba, ode gaso suso khlaiyaba ni basla ja hi yader suya mani khlai hi girik lah.

2 PETER 3:10

Thikhabo, Gabra ni basain de makhao lai srap phai ma se. Okhali ni basain hade, nokhasao buthu ha hamsi ning biring hi jam nang, ode nokhasao ha khrip jinis dongyaba wai jang khamthar nang, ar phirthi jang boni bising ha khrip jadi dang hi dongyaba buthu khe bo saokhrip thar ma se.

2 PETER 3:14

Odebani, hamjao daothaoyarao, ebo jinis buthu khe nisi jon bani Madai ni sagang ha gathar jang gajai giri hi dong mani khlai hi blaiba lai lai nisi ranpha lai hi, bo jang mili hi dong lah.

NUJAOYABA 3:3

Odebani, ning jinis maiblaiyaba ode ning khnayaba buthu khe wainso song hi, mani dada, khah phin lah. Ning smaoya khade makhao lai ang phai hi, nini ha ang phai mani bubli khe tharmaiya jao nang.