LUKE 2:14 - DARA GADAIN N.T. with PSA and PRO (BSI)

¹⁴ Judaothao ni Madai niha muima ja thing Ode, habsao habo hamjaoyaba subungrao ni basaoha milima dong thing, thihi bonsi thi ba.

LUKE 2:14 Iomraidhean Croise

MATTHEW 21:9

Odehe, subung buthu boni sagang gede thangba ode yaohon gede rikphayarao jirikkhao ba, David ni basa niha Hosanna! Gabra ni bumu jang phaiyaba bakhan ja thing! Basaothao niha Hosanna!

LUKE 1:79

Andar jang githi ni sainkhlim ha khamyarao ar bonsini igah khe santhi ni lama gede hem ri mani basao ni phrang jnama sophai nang”.

LUKE 19:38

Gabra ni bumu jang phaiyaba Raja bakhan ja thing. Sorgo ha shanti dong thing, basaothao ni muima ja thing!

LUKE 2:13

Boha ning, degla niha sorgo ni subung gabang nujao hi Madai khe edehe bakhan ri ba,

LUKE 2:15

Deglarao sorgo ha thangla bani yaohon ha, melma raokhiyarao thi lai ba, Tha, jing Bethlehem ha thang nang, sumjadi japhai ba Gabra sainthiyaba grao khe naihi nang.

LUKE 3:22

Ode, Bese Gathar, saomang jahi, daothu lai birkhlai bu dada, boni basao ha baphai ba. Ode, nokhasao ni phrang khurang masi biring dada, Ning ani Basa khasao daothaoyaba, nini basaoha ang khaja du, thihi khnaphai kha.

JOHN 14:27

Ang nisi ne shanti ri lang du, jarni shanti khe se nisi ne ri ba. Habsao ni shanti lai ang nisi ne riya. Da khin, ode nisi ni khah ha waimu da nang thing.

JOHN 17:4

Snadi khusi khe ning anthane dangma ri ba, bokhe dang sohi, ang habsao ha nini muima khlai ri kha.

JOHN 3:16

Bede thikhade, Madai phirthi khe hamsi ning hamjaoba, bo jarni basa saosi mang mang dongyaba khe ri ri ba, sere bokhe lon re, bo de gma thaoya, thikhabo thaoglao ni hayu se mai ma.

DANGYASARAO 10:36

Bo ning, santi ni hamba graojma, Jisu Krista ni khuh jang sainthi hi Israel greng buthu niha grao haiha ba, (Jisu de khrip subung ni Gabra se).

ROM 5:1

Odebani, lonma ni khlai hi sainpha jao kha bani, jini Gabra Jisu Krista ni balam jang jing mili kha.

EPHESI 1:6

Boni khasaoma muima jathai ni khlai hi, ar boni maya ni Basa ha jinthane bo riyaba yaosandi ni khlai hi, dei jing Madai khe bakhan khlai nang!

EPHESI 1:9

Boni nangjaothai grao dengkhaoyaba, bo khah ha nangjao daothao boni ha bo dang ma baoyaba khe jini ha tharmai ri hi,

EPHESI 2:4

Thikhabo, Madai de khasaoma bangba ni, bo jing khe hamsi ning khasao bani khlai hi,

EPHESI 2:7

Odebani, bubli sophai ginyaba buthu ha Krista Jisu ha de jini basao ha khah gasain jang, boni khasaoma bangthai khe thiso phuya si bo nisi ne phnu nang.

PHILIPPI 2:11

bupha Madai ni muima ne khlai hi khrip jadi ni slai jang Jisu Krista ning Raja se thi dada bonsi baipha lang mane khlai hi.

PHILIPPI 2:13

bede thikhade, bo jar nangjao ba lai dang mane ode, dangma bao mane ode nisi ni khah ha bao hi khusi dang riyaba de Madai se.

KOLOSSA 1:20

Boni kross ni bithi jang ning milima slam hi, boni dara jang khrip jadi phirthi ha dongyaba buthubo, sorgo ha dongyaba buthubo, jar jang baosi mili ri la kha.

2 THESSALONIKA 2:16

Odese, jini Gabra Jisu Krista jar ning ode jini bupha Madai, bo jing khe hamjao ma ode khasao mani balam jang thaoglao shanti ni hamba asa riyaba jang,

NUJAOYABA 5:13

Odehe, khrip jadi hang gnang mih sorgo ni ja thing, phirthi ni ja thing, phirthi ni bakhla ni ja thing, sagor ar boni bising ha dongyaba khrip bo jirik khaoyaba khurang khebo ang khna ba: Singhason ha khamyaba niha, ode Melmasa niha, suguba ja thing, bakhan ja thing, muima ja thing, raothai ja thing, thaoglao thaoglao jang dong thing! thi hi bonsi rajab ba.