LUKE 19:44 - DARA GADAIN N.T. with PSA and PRO (BSI)

⁴⁴ Nini bising ha dongyaba ansarao ar ning bo dangkhlai jaohi dong nang; ar nini khorong ni longthai thaisi bo gurungya hi dong nang niya, sumjabani thikhala, ning khe sogo mane Madai phai bani bubli khe ning mithiya.

LUKE 19:44 Iomraidhean Croise

BAKHAN NI RAJABTHAI 137:9

Nini basathu khe sehi longthai jang lemthaiyaba Bislei khaja nang.

MATTHEW 24:2

Boha bonsi khe thiba, Ebo buthu khrip khe nu kha na? Gibi jang ang nisi khe thi du, ebo hathan ni phrang longthai thaisi jahibo gibin longthai ni basao ha dong nang niya; khrip sbaijao thar ma se.

MARKA 13:2

Jisu thiphin ba, Ebo noh gedeba khe nisi nu du? Longthai masi mang mang bo grungya hi dong nang niya; khrip longthai buthu grungya hi dong nang niya.

LUKE 1:68

“Gabra, Israel ni Madai khe bakhan jahi dong thing! Bo jarni subungrao khe juru hi sogo kha,

LUKE 1:78

Jini Madai ni khasaoma jang ar magain dik dikyaba basao ni phrang sain baigo hi jini ha jnama ri nang.

LUKE 19:42

O! Ning bo shanti ni grao khe tharmai kha de ham nang mu dou! Thikhabo, duha la ning bo khe nuphuya kha.

LUKE 21:6

Elei basain bo sophai nang, boha ebo buthu khrip, nisi nuyaba longthai, degaoya hi dong nang niya, khrip longthai buthu hokhlai thar jaoma se.

1 PETER 2:12

Odehe, Jentailrao ni bising ha nisi ni dongthai majang thing. Odehe, hamya khusi dangyaba ha bonsi nisi khe hamya thi la khabo, nisi hamba khusi dangyaba buthu khe bonsi jar ning nu la nang, ode Madai jini ha dongphai khali, bokhe bonsi bakhan khlai ma se.