LUKE 18:23 - DARA GADAIN N.T. with PSA and PRO (BSI)

²³ Thikhabo, ebo khe khnaba jang bo waimu nang kha, sumjabani thikhala, bo gnang subung se.

LUKE 18:23 Iomraidhean Croise

MATTHEW 19:22

Bo naga de bo grao khe khna hi, boni ha rang rih bang bani, khah waimu nang hi bo thangla kha.

MARKA 10:22

Bo grao khe khnahi bo subung waimu nang hi thang la kha, bede thikhade bo subung gnang se.

LUKE 12:15

Odebani, bo bonsi khe thi ba, Nisi harbaoma ni phrang girik lah. Don jang mang mang de subung thangya.

LUKE 18:22

Jisu khna hi bo khe thi ba, Ning dangma nangyaba masi khusi dong kho. Nini ha dongyaba si khe phain dada dukhi saraone ron lah, odese ning sorgo ha don mai nang; ar phai hi ani yaohon rikpha lah.

LUKE 18:24

Bo waimu nangba khe nuhi, Jisu thi ba, Gnangrao ni khlaihi de Madaini raji ha hapma bislei du du!

LUKE 19:8

Zakaia songkhu dada, Gabra khe thi ba, Gabra, ani ha dongba si ni phrang ang gejer khe dukhisarao ne ri nang; ang sereba subung ni rang khe thokhi dada ang la kha thikhade, ang bo ne phantha bri riphin ma.

LUKE 21:34

Odebani, girik hi dong lah! Jiba lingba ha suk smai hi, ju baola jang, ar habsaoni waimu jang gablai hi da dong; bo basain khali ha de dukhon ha nangba lai nisini basao ha japhai nang.

LUKE 8:14

Busuling ha graiba thiyaba de, bonsi grao khe khna kha, thikhabo sagang gede thangpha langba ha, waimu jang habsaoni gnang bonsi khe dip phung kha, suk jang dong mani baoma ha gablai hi bathai thaiya hi thao la kha.

EPHESI 5:5

Khah nangbaiyaba ode subung gusu ar subung harbaoyaba de, (subung harbaoyaba de saokhuli khe khlimyaba se) Krista jang Madai ni raji ha bonsi ni musibo phantha giri thihi hamsisi tharmai la du.

PHILIPPI 3:8

Ebo buthu khe garhibo, ani Gabra Jisu Krista ni muilo ni balam ha tharmai bani khlai hi, khrip jinis khe ang luskan bao la kha; Krista khe ang maiphu mane ode, boni ha ang dongphu mani khlai hi, boni khlai hi khrip jinis khe ang luskan khlaithar hi, bo buthu khe haglai se ang bao kha.

KOLOSSA 3:5

Nisi niha habsao ni jinis dongyaba buthu khe sthai lah. Khah nang baiyaba, rege regeyaba, gaori jabaiyaba, mijing baiyaba phap, harbaoyaba, (ebo buthu de saokhuli khe khlimyaba jang baosi se) ebo buthu khe sthai lah.

1 JOHN 2:15

Habsao khe da hamjao lah, habsao ha jinis dongyaba buthu khebo da hamjao lah. Sere habsao khe hamjao du, bo bupha khe hamjaoya.