LUKE 17:3 - DARA GADAIN N.T. with PSA and PRO (BSI)

³ Nisi ni bada buphlung phap khusi dang re thikhade, bokhe jo lah; ar bo khah phin re thikhade, bokhe map khlai lah.

LUKE 17:3 Iomraidhean Croise

BAKHAN NI RAJABTHAI 141:5

Subung gibi ang khe khasao bani ang khe su la thing bo khasao ma se Ang khe jo la thing - bode ani khro ni khlai hi thao lai se; Ani khro maniya da ja thing. Thikhabo ani bithai de dang gajai dangyarao ni balam ha ning ja ma se.

GYAN NI GRAO BUTHU 17:10

Subung gibir khe phin jang rjasi suba thane Subung bujiyaba khe phin si joba hamdao.

GYAN NI GRAO BUTHU 27:5

Phirik phirik hamjaoba thane Khrip ni sagang ha joba hamdao.

GYAN NI GRAO BUTHU 9:8

Naijiyayaba khe da jo, niya khade ning khe jajaoya ma se. Subung girikyaba khe jo lah, bo ning khe hamjao ma se.

MATTHEW 18:21

Boha Peter Jisu niha phai hi thiba, Gabra, ani daphlung ani basao ha alang alang phap khusi dangkha la, bokhe ang phin bisi map khlai ma? Phin sni sosi?

LUKE 21:34

Odebani, girik hi dong lah! Jiba lingba ha suk smai hi, ju baola jang, ar habsaoni waimu jang gablai hi da dong; bo basain khali ha de dukhon ha nangba lai nisini basao ha japhai nang.

EPHESI 5:15

Odebani, subung buddi giriyarao lai dongya hi, subung buddi gnangrao lai dong dada, nisi ni dongthai ha girik lah.

HEBRAIRAO 12:15

Madai ni khasaoma khe saosi bo maiya hi dongya mane ode, gabang subung rege rege khlai phuyaba, ode gaso suso khlaiyaba ni basla ja hi yader suya mani khlai hi girik lah.

JAKOB 5:19

Ani daphlungrao, nisi ni bising ha asaba subungbo gibi grao ni phrang degao lang khade,

2 JOHN 1:8

Jing dang hi maiyaba buthu khe phantha gmaya hi, sothar si yaosandi khe nisi maiphu mani khlai hi hamsisi naiso lah.