LUKE 17:24 - DARA GADAIN N.T. with PSA and PRO (BSI)

²⁴ Nokhasao gurjliba ha, grongsi ni phrang gibin grongsi sosi jdan riba lai, Marsini Basa phaiba habo olei ja ma se.

LUKE 17:24 Iomraidhean Croise

MATTHEW 24:27

Bede thikhala, nokhasao gurjliba ha sainja ni phrang baigo hi sain jroba sosi bo jnaba lai Marsi ni Basa phaiphinba hade olei ning ja ma se.

MATTHEW 24:30

Boha se, Marsi ni Basa ni sin khe nokhasao ha nu nang; ode, phirthi ni khrip jadi khahbao do nang, ode Marsi ni Basa de jar ni raothai ode gmang thaosisi muima jang baosi nokhasao jimi ni basao ha phaiba khe nu nang.

MATTHEW 25:31

Marsi ni Basa de jar ni deglarao jang baosi jar ni muima ha phai khali ha, jar ni muima khamthan ha bo kham nang;

MATTHEW 26:64

Jisu boni ha thiba, Ang de ning thiyaba ning. Bo niya khabo ang nisi khe thi du, eboni yaohon ha Marsi ni Basa de jar ni raothai jang Madai ni yaoda ha kham hi nokhasao ni jimi sao ha phaiba khe nisi nu nang.

MATTHEW 5:15

Subung thaophari sao hi khamphlu jang phungkhlip hi dengya, boni dengthan ha se deng re; odese noh bising ni khrip subung jnama khe nu ba.

1 KORINTH 1:8

Jini Gabra Jisu Krista ni basain ha gajai giri hi nisi dongphu mani bo ning nisi khe jamba sosi rao rima se.

1 THESSALONIKA 5:2

Bede thikhade, Gabra ni basain de hor ha makhao lai se bo phai ma thi hi nisi jar ning hamsisi tharmai la du.

2 THESSALONIKA 2:2

Gabra ni basain sophai kha thi dada bese jang sainthiyaba ja thing, grao thiba ja thing, na laijma ni gede thikhabo ja thing, nisi ni khah ha srap maoya mani ode khin dada grao joba lai jaya mani khlai hi jing nisi khe khainsu du.

2 THESSALONIKA 2:8

Bokhe disai kha ning Dara sbaiyaba de nujao phai nang. Ode, Gabra Jisu jar ni hang jang bokhe sthai nang, bo nujao phaiyaba muima khebo sjam ma se.

JAKOB 5:8

Nisibo khah laoma jang dong dada, nisi ni khah buthu khe rao ri lah, Gabra phaiphin mani sampha kha.

2 PETER 3:10

Thikhabo, Gabra ni basain de makhao lai srap phai ma se. Okhali ni basain hade, nokhasao buthu ha hamsi ning biring hi jam nang, ode nokhasao ha khrip jinis dongyaba wai jang khamthar nang, ar phirthi jang boni bising ha khrip jadi dang hi dongyaba buthu khe bo saokhrip thar ma se.