LUKE 17:21 - DARA GADAIN N.T. with PSA and PRO (BSI)

²¹ Saosi bo, Nai lah, eraha ning dong, na oraha ning dong thiphuya. Bede thikhade, nai lah, Madai ni raji nisi ni bising ha se dong ba.

LUKE 17:21 Iomraidhean Croise

MATTHEW 12:28

Ang Madai ni bese ni juruma jang se sgain madai buthu khe rik hunba se thikhade Madai ni raji nisi niha sophai kha.

MARKA 13:21

Okhali ha asababo nisi khe thi nang, Nai lah, Messiah eraha dong ode oraha dong thi re thikhade bokhe da lon lah.

LUKE 17:23

Nai lah, Bo oraha ning dong! niya kha de, bo eraha ning dong! thihi nisi niha thima se. Thikhabo, bo khe nai mane da baigo lah, ar bonsi jang da thangpha lah.

LUKE 21:8

Jisu bonsi khe thiphin ba, Nisi girik lah! Thokhi jaoyahi da dong. Gabang subung, ani bumu lahi phai nang, ar thi nang, Ang ning bo se, bubli sophai kha thihi. Thikhabo, bonsi jang da rikpha lah.

JOHN 1:26

Johan bonsi khe thiphin ba, Ang de dih jang baptisma ri du; thikhabo nisi ni gejer ha saosi subung songhi dong, bokhe nisi tharmaiya.

JOHN 18:36

Jisu thiphin ba, Ani raji ebo habsao ha niya; jodi ani raji ebo habsao ha se thikhade ani rikphayarao ripha laima se. Ode ang khe Judarao ni yao ha nepha nang niya; thikhabo, duha ani raji eraha niya.

ROM 14:17

Madai ni raji de jiba lingba ni grao gede niya, dormo, milima odehe Bese Gathar ni khajama ning ja kha.

KOLOSSA 1:27

Bo subung buthu niha de Jentailrao ni bising ha grao makhao ni muima ni muilo khe Madai ning tharmai rima nangjaoba se; bo grao makhao de Krista nisi niha dongyaba ni muima asa jayaba se.