LUKE 17:1 - DARA GADAIN N.T. with PSA and PRO (BSI)

¹ Jisu boni rikphayarao khe thi ba, Subung buthu saosi bo galaiya hi dong nang niya, bo galai re; thikhabo, sere galai riyaba ni bubain risi bi.

LUKE 17:1 Iomraidhean Croise

MATTHEW 16:23

Boha Jisu naiphin hi Peter khe jo ba, Soithan, ani yaohon ha thang lah; ani khlai hi ning gaso-susoyaba se. Bede thikhade, Madai ni grao buthu khe ning baoya, subung buthu ni grao buthu khe se ning bao ba, thihi thiba.

MATTHEW 18:7

Galaiyarao ni khlai hi habsao bubain risi bi dou! Galaiyarao de dong ma se, thikhabo, galai riyaba ni bubain de risi bi”!

LUKE 16:31

Thikhabo, Abraham bo khe thi ba, ‘Moses ar gorasalirao ni grao khe bonsi gainsongya thikhade, thih hi baija phinyaba subung bo bonsi khe khna ri la khabo, bonsi gainsong nang niya.’”

ROM 14:13

Odebani, jing saosi jang saosi niyalaiya kha dou; bokhe garhi, saosi bo jarni daphlung galai mani ja thing, malai ni lama ha gaso suso ha ja thing, gabaya mani jing baolei nang.

ROM 16:17

Daphlungrao, slingrithai nisi maiyaba khe badai hi nisi ni bising ha degaoyaba odehe galai ri mani jaokhuyarao ni bising hade hamsisi naiso lahi degao mani khlai hi nisi khe ang khainsu du.

1 KORINTH 10:32

Judarao ni khlai hibo, Greekrao ni khlai hibo, Madai ni longjomrao ni khlai hibo, bonsi galai mani khlai hi musi khebo nisi khusi da dang lah.

1 KORINTH 11:19

Nisi ni bising ha subung gibiyaba buthu khe bonsi nuphu mani khlai hi, dol gibin gibin dong ma ning.

1 KORINTH 8:13

Odebani, jinis jiyaba jang ani daphlung khe bo galai ri kha de, ani daphlung khe ang galai riya mani khlai hi asaba mogong khe ang jiya kha.

1 TIMOTHE 4:1

Bese de ragao sisi thi du, bubli phaiginyaba buthu hade subung gejesi thokhiyaba bese buthu ode sgo sgainrao slingriyaba buthu khe khah ri hi bonsi lonma khe dangkhlai ma se.

NUJAOYABA 2:14

Sum bedehe thikhade, gijisa ning khe ang siji du: Balaam slingriyaba gejesi khe ning mani bani, bo ning Balakh khe Israel basathu khe gajai ha langsmai ba sling ri hi, Israel ni basathu khe saokhuli bi hi mogong khe ji mani, nangjaoma phap ha galai mani khlai hi bo gajai ha langsmai ba.

NUJAOYABA 2:20

Thikhabo, ningkhe ang siji du, bo masainjik Jezebel gorasali nisi thiyaba khe dong mane ri bani, bo sagang ha ani dangyasarao khe khah nang ma yaowai mani odehe, saokhuli khe biya bani, mogong khe ji mani khlai hi bonsi khe sling ri hi, bo gajai gede langsmai ba.