LUKE 16:8 - DARA GADAIN N.T. with PSA and PRO (BSI)

⁸ Rang naisoyaba khathikyayaba ni girikthai khe mithi hi, bubra bakhan khlai kha. Jdanyaba sasik thane de duha ni jug ni subung buthu habsao ni khusi ha girikdao.

LUKE 16:8 Iomraidhean Croise

BAKHAN NI RAJABTHAI 17:14

Phirthi ni blaiyarao subung ni phrang bo sogo lah, Bonsi ni khlai hi dengyaba jang ning bonsi khe saja ri lah. Bonsi ni sasik khebo saja ri lah. Bonsi ni sarik-surik sosibo olei ning sajabo ja thing.

GYAN NI GRAO BUTHU 12:8

Subung jar ni girikthai jang ning bakhan mai ma se Thikhabo, sere niha girikthai giri, bo khede naisle jao ma se.

MATTHEW 12:32

Sere Marsi ni Basa khe sijidu, boni sijima de map mai nang. Thikhabo Bese Gathar khe sijiyaba de thanghi dongba habo, ar phaiginyaba bubli habo map mai nang niya.

MATTHEW 17:26

Malai ni phrang thihi Peter thiba jang, Jisu boni ha thiba, Ode thikhala, basathu de suk jang dong nang niya.

LUKE 16:10

Sere gijisa ni basao ha lonjao re, bo gabang ni basao habo lonjao re. Ode sere gijisa ni basao ha lonjaoya, gabang ni basao habo lonjaoya re.

LUKE 16:4

Rang naisoyaba ni phrang bonsi dangkhlai ribani yaohon ha, subung buthu ni noh ha dong rima ne jarni lugu ang slam nang.

LUKE 16:7

Ar gibin saosi khe bo sing ba, ‘Ning la bislei lagai dong ba?’ Bo thiphin ba, ‘Mai tin jang rjingsi lagai dong,’ thi ba. ‘Nini lagai khe reb khuyaba laisi khe lahahi, tin bisabri reb la’, thihi bo leng thi ba.

LUKE 18:6

Gabra thipha langba, Hamyayaba bisardar thiyaba khe nisi khah ha bao lah.

LUKE 20:34

Jisu bonsi khe thiphin ba, Ebo jug ni miyah masainjik noh ja du,

LUKE 20:35

thikhabo, bo jug ha dong mane gatha hi subung thihyaba ni phrang baijaphinba ha noh ja nang niya kha.

JOHN 12:36

Nisi jang jdanma dongpha du si, jdanma khe lon lah, odese nisi jdanma ni basathu ja ma. Elei thiblai hi Jisu thangba, ode bonsi ni phrang bo jar khe thimkhao ba.

1 KORINTH 3:18

Saosi bo jar khe da thokhi la thing, nisi ni bising ha sere duha ni bubli ha jar khe jar gyani bao du, gibi jang gyani japhu mani khlai hi bo gibir ja da la thing;

EPHESI 5:8

Sagang ha nisi andar se, thikhabo duha de Gabra niha nisi jnaphai kha, jnayaba ni basathu lai dong lah.

PHILIPPI 3:19

Bonsi ni jamthan de norok ha se, bonsi ni Madai de bonsi ni bohoh se, bonsi ni muima de laji nuyaba se; phirthi ni jinis buthu ha ning bonsi ni baothai buthu khe bonsi asa deng re.

1 THESSALONIKA 5:5

Nisi khrip bo jnayaba ni basathu se, nisi jamthar si sain ni basathu gaja se; odebani, jing hor ni subung niya kha, ode andar ni subungbo niya kha.

1 PETER 2:9

Thikhabo, nisi de boni jnama ha hap mani khlai hi andar ni phrang nisi khe long hi muima jang gmang thaosisi khusi dangyaba buthu khe bara riphu mani khlai hi nisi saikho jaoyaba jadi se, nisi de Jonthaima ni bongso, jadi gathar, Madai ni phantha ja kha.

1 JOHN 3:10

Madai ni basathu jang soithan ni basathu khe mithi phuyaba de ebo ning ja kha: sere gibi khusi khe dangya, bo Madai ni phrang baigoyaba niya. Jar ni daphlung khe khasaoyayaba de Madai ni phrang baigoyaba niya.