LUKE 16:3 - DARA GADAIN N.T. with PSA and PRO (BSI)

³ Rang naisoya khah ha bao ba, ani bubra boni khusi khe ang khe dang ri nang niya kha, thikhala ang bedehe khlaima kho? Hah jao mane bo ang blaiya kha, khrang jima nebo ang laji du.

LUKE 16:3 Iomraidhean Croise

GYAN NI GRAO BUTHU 13:4

Sele subung de khrip khe nangjao re, ar musibo maiya Thikhabo, seleyayaba de khah ni nangjaoma khe mai re.

GYAN NI GRAO BUTHU 15:19

Subung sele ni lama de busuh jang guphung la du Thikhabo, subung belengyaba ni lama de lamayung lai se.

GYAN NI GRAO BUTHU 18:9

Sere khusi ha sele re Bo hamya khlaiyaba ni buphlung se.

GYAN NI GRAO BUTHU 19:15

Sele subung de mudri sab ba lai se Khusi dangyayaba subung de hukhri thai re.

GYAN NI GRAO BUTHU 20:4

Subung sele de bubli ha hadi haliya Odebani mai rajiba mai nang niya.

GYAN NI GRAO BUTHU 29:21

Jar ni dangyasa khe ansa ni phrang maya phnu khade Yaohonthao hade boni khlai hi dukhu sophai ri ma se.

MATTHEW 20:8

Habah garbli jahi, grep bari ni bubra boni rang naisoyaba khe thi ba, Khusi dangyarao khe longha lah, bo yaohonthao ni khe lahi sagangthao ni sosi bonsi ni ruji khe ri lah, thihi sani ba.

MARKA 10:46

Odehe, Jeriko ha sophai hi boni yaohon rikphayarao jang subung gabang buthu Jeriko raji ni phrang baigo bu ba. Ar subung gana saosi yao khrang jiyaba, Timai ni basa Bartimai bo lama bijingha khamhi dong ba.

LUKE 12:17

Odebani, bo jarni khah ha bao ba, ani mai dengmani maikhoh ha jaoya kha, ang sumjadi khlai ma kho?

LUKE 16:2

Odebani, bo bokhe longha hi thi ba, ‘Nini basao ha ang khnayaba grao la sum bedehe ja ba? Rang rebkhuyaba laisi khe eraha labuhi phai lah, duha ni phrang de ning rang naisoya japhu nang niya kha.’

LUKE 16:20

Boni derga gabasi ha dukhisa saosi, bumu Lazaras, sao ha gasa jayaba dong ba.

LUKE 16:22

Bo dukhisa thih kha, ar sorgo ni deglarao bo khe langpha hi, Abraham ni rogong ha kham ri kha. Gnang subung bo thih kha, ar bo khe phip kha.

LUKE 16:4

Rang naisoyaba ni phrang bonsi dangkhlai ribani yaohon ha, subung buthu ni noh ha dong rima ne jarni lugu ang slam nang.

LUKE 18:4

Bisiba basain sosi bisardar maniyahi dong ba; thikhabo, yaohonthao ha, bo elei ning bao ba. “Ang Madai khe khinya, marsi khebo lekha riya thikhabo,

JOHN 9:8

Boni noharirao ar bokhe yao ajao jihi dongba khe nudayarao thi ba, Ebo subung la yao ajao jiyaba niya?

DANGYASARAO 3:2

Oraha ni, Derga Majang thiyaba ha, sereba subung saosi, hajaiba ni phrang igah khora dong ba. Bokhe bainbu hi oraha thu ri ba, ar bo hapyarao niha yao ajao jihi dong ba.

DANGYASARAO 9:6

Thikhabo, baija hi, nogor ha hapsing lah, odehe, snadi dangma nang du, bonsi ning khe thi nang.

2 THESSALONIKA 3:11

Nisi ni bising ha sereba sereba sele ja hi dongyarao ni balam ha jing khna ha du; oleiyaba subung buthu de dukhu khlai hi khusi dangma nangjaoya, bonsi haglai se.