LUKE 16:22 - DARA GADAIN N.T. with PSA and PRO (BSI)

²² Bo dukhisa thih kha, ar sorgo ni deglarao bo khe langpha hi, Abraham ni rogong ha kham ri kha. Gnang subung bo thih kha, ar bo khe phip kha.

LUKE 16:22 Iomraidhean Croise

GYAN NI GRAO BUTHU 14:32

Jekhali ha basain hamya sophai du, okhali hamya subung thih ma se, Thikhabo, subung gibi ni khlai hi thihyaba habo dimkhaoma mai re.

MATTHEW 18:10

“Ebo subung khasibarao ni bising ha saosi khebo lekha khlaiya jaya mane khlai hi girik lah. Bonsi ni deglarao khe se sorgo ni ani Bupha ni mukhang khe nalaibo nu du, thihi ang nisi khe thi du”. (Sereba rebyaba hah elei bo dong.

MATTHEW 24:31

Bibul khurang jang baosi hokhlai hi jar ni deglarao bo haiha nang. Ode, bonsi nokhasao ni sainja gede ni phrang sain jroba sosi mulug grongbri ni phrang saikho jaoyarao khe bo bojom khlai ma se.

MATTHEW 8:11

Ang nisi khe thi du, sainja sain jroba ni phrang gabang subung phai hi, Abraham, Isak ar Jakob niha phai hi, sorgo raji ha kham nang;

MARKA 8:36

Subung khrip mulug khe maithar khabo, jarni hayu khe khma kha la, bo ne snadi lab jama kho? Musi lab ja nang niya kha.

LUKE 12:20

Thikhabo, Madai bo khe thi ba, Ning gibir subung! Ebo hor ha ning, nini hayu khe lang la jaoma kha. Ning bostu bojom khlai hi dengyaba buthu, sere ne ja nang kho?

LUKE 16:21

Gnang subung jiyaba basang basao ni phrang galaiyaba buduri khe jimane asa khlai hi libi ba, ar sisa buthu phai hi boni gasa khe slao re.

JOHN 1:18

Madai khe saosi bo nuba giri; thikhabo, Madai ni saosi mang mang Basa, Bupha jang dongyaba, bokhe mithi ri ba.

JOHN 13:23

Boni rikphayarao ni bising ha sere khe Jisu hamjao re, Jisu ni khajab gede galai hi khamhi dong.

JOHN 21:20

Peter naiphin ba ha, horni jibli ni bubli ha Jisuni khahbao gede naikhlai hi O Gabra, ning khe rem riginyaba sere? thihi singyaba, boni hamjaoyaba khe nuba

HEBRAIRAO 1:14

Bonsi khrip khe khusi dangyaba bese buthu, sogolam ni somphothi phantha mai ginyarao ne khlai hi khusi dang mane bonsi haiha jaoyaba niya na?

HEBRAIRAO 2:14

Odebani, ansarao de saomang jang thijao ni phantha ja kha, odebani bobo bo jang baosi phantha maipha kha; bede thikhade, thiyaba jang thiyaba hukhum gnang (bo de sgain soithan se), bokhe sjam phu mane ode,

JAKOB 1:11

Sain de boni dongthai jagabyaba jang baigo du, odehe, sam lai rain hi, boni bubar de grai du, ode boni majangma bo saolang la du. Olei jasosi ning gnang subung bo jama se; boni hayu dukhu jang yaowai bani bo jam ma se.

1 PETER 2:24

Phap ha thih dada dormo gede jing thangphu mani khlai hi, jarni sao ha sugu hi kross ha ri la hi jini phap buthu khe bo horkhu kha, ode boni bumai jang nisi hamma mai kha.

NUJAOYABA 14:13

Ode, sorgo ni phrang khurang ang khna ba, Edehe reb lah: Duha ni phrang subung githi, Gabra ha thihyarao ni bonsi khophal hambi dou! thi hi bo thiphai ba. Bese de, Jadu dou! Dukhu jang khusi dangyarao lenggoma mai kha, bonsi khusi dangyaba buthu bonsi ni yaohon rikpha ma se, bo odehe thi ba.