LUKE 16:2 - DARA GADAIN N.T. with PSA and PRO (BSI)

² Odebani, bo bokhe longha hi thi ba, ‘Nini basao ha ang khnayaba grao la sum bedehe ja ba? Rang rebkhuyaba laisi khe eraha labuhi phai lah, duha ni phrang de ning rang naisoya japhu nang niya kha.’

LUKE 16:2 Iomraidhean Croise

MATTHEW 12:36

Odehe, ang nisi khe thi du, nisi bislei hamya grao thidu khrip bisar ni basain hade bo buthu khe hisap rima nangma se.

MATTHEW 20:8

Habah garbli jahi, grep bari ni bubra boni rang naisoyaba khe thi ba, Khusi dangyarao khe longha lah, bo yaohonthao ni khe lahi sagangthao ni sosi bonsi ni ruji khe ri lah, thihi sani ba.

LUKE 12:20

Thikhabo, Madai bo khe thi ba, Ning gibir subung! Ebo hor ha ning, nini hayu khe lang la jaoma kha. Ning bostu bojom khlai hi dengyaba buthu, sere ne ja nang kho?

LUKE 12:42

Gabra thiphin ba, “Lonma gnang subung girikyaba, bubra ni don khe raokhiyarao ne gibi bubli ha nokhorsi ni jimu lingmu ri mane bo hoja saikhuyaba sere ja nang?

LUKE 16:1

Jisu boni rikphayarao khe thi ba, Gnang subung saosi jarni leng saosi niha, boni rang khe naiso mane deng ba, thikhabo boni rang khe hamsisi naisoya thihi khna ba.

LUKE 16:3

Rang naisoya khah ha bao ba, ani bubra boni khusi khe ang khe dang ri nang niya kha, thikhala ang bedehe khlaima kho? Hah jao mane bo ang blaiya kha, khrang jima nebo ang laji du.

ROM 14:12

Odebani, jing khrip bo Madai ni sagang jarni graojma khe jing sainthima nangma se.

1 KORINTH 1:11

Ani daphlungrao, nisi ni bising tha laiyayaba giri thi hi Kloi ni apnarao ning bonsi ang khe thi ba.

1 KORINTH 4:2

Oraha, naisoyarao de subung lonjao gnang ja ma nang re.

1 KORINTH 4:5

Odebani, Gabra phaiya si de, boni bubli jaya kho, saosi khebo da badai lah. Boha de, andar ha thim hi dongyarao khe jnayaba ha bo phnu nang, khah ha khusi dangma baoyaba buthu khe khaikho hi phnu ma se. Boha se bonsi khrip subungbo jar khusi dangba lai Madai ni bakhan khe bonsi mai lai ma se.

2 KORINTH 5:10

Jing khripbo bisar ni sagang ha nujao ma se, ebo hamhi dong bani bising ha jing khusi dangyaba ni dam, hamba hamya khusi dangba lai ning jing phol mai mani khlai hi.

1 TIMOTHE 4:14

Khraorao bisar khlaiyaba hathan ha, nini basao ha bonsi ni yao buthu khe dengba ha, thidayaba grao buthu khe bai hi, nini ha jinis riyaba, nini ha ning dongyaba khe haglai da bao lah.

1 TIMOTHE 5:24

Subung sereba sereba ni phap buthu de srap nujao du, bonsi thane bonsi ni phap de bisar ha soda du, thikhabo, sereba sereba phap de yaohon ha se nujao phai ba.

1 PETER 4:10

Madai ni khasaoma jang jinis riyaba jadi gibin gibin naisoyaba hamba buthu lai, jinis riyaba nisi maiyaba si khe khusi dang ri lai mani khlai hi yaowai lah.

1 PETER 4:5

Thikhabo, subung githi jang subung thanghi dongyarao khe bisar salai blai hi dongyarao niha bonsi ni hamba graojma khe bonsi sainthi ma nang du.

NUJAOYABA 20:12

Subung githirao, gede, khasi, singhason ni sagang ha kham hi laisi khu hi dongba khe ang nu ba. Odehe laisi bajab gibin, hayu ni laisi bajab khebo khu ba. Subung githirao laisi bajab buthu ha khusi dang ba lai ning bonsi ni balam ha bisar khlaijao kha.