LUKE 16:11 - DARA GADAIN N.T. with PSA and PRO (BSI)

¹¹ Habsao ni rang gijisa ni basao ha ning lonjaoya thikhala, sere rang gibi gibi ni basao ha naisoya nepha rao ma?

LUKE 16:11 Iomraidhean Croise

MATTHEW 6:24

Saosi bo hoja gini ni khusi dangpha lai phuya; bede thikhala saosi hamjao khade saosi hamjaoya ja ma se; niya khala, saosi hamjao khade, saosi naisle ma se; Madai jang rang masi khusi dangpha laiba jaya.

LUKE 12:33

Nisi don khe phain dada, dukhi saraone ri lah, ar sorgo ha, makhao thang phuyayaba ha, haro ji phuyayaba ha, rangkhoh gajam ja phuyayaba sorgoni rangkhoh ha, nisi ni rang khe thathi lah.

LUKE 16:12

Malai ni basao ha lonya kha la, nisi ni khlai hi sere rang gibi khe nisi ne deng ri ma?”

LUKE 16:9

“Ang nisi khe thi du, nisi habsao ni rang jang jarne lugu slam lah, ar bo jamkha ning thaoglao ni dongthan ha nisi khe slam nang.

LUKE 18:22

Jisu khna hi bo khe thi ba, Ning dangma nangyaba masi khusi dong kho. Nini ha dongyaba si khe phain dada dukhi saraone ron lah, odese ning sorgo ha don mai nang; ar phai hi ani yaohon rikpha lah.

EPHESI 3:8

Ang subung gathar khrip ni bising ha khrip tha khasi daothao ni bising ha khasi daoyaba niha se bo khasaoma khe ri ba: Krista gnang jathai khe thihi thisophuya graojma khe Jentailrao niha sainthi mane ode,

JAKOB 2:5

Ani khasaoma ni daphlungrao, khna lah! Madai ning habsao ha suliyayarao khe lonma ha gnang jama ni ode bo jar khasaoyarao niha bo hanggaiyaba raji khe hok ni khlai hi bo saikhoyaba niya?

NUJAOYABA 3:18

Odebani ning gnang japhu mani khlai hi wai ha gajao malang hi saginyaba khe ani phrang barai mani khlai hi ning khe ang sibring du. Ning langtha lasisiyaba khe phung mani khlai hi, gainsari guphu khe barai hi, ode ning nuphu mani khlai hi muthai ha hu mani muthai saya bani muli khebo barai lah.