LUKE 15:7 - DARA GADAIN N.T. with PSA and PRO (BSI)

⁷ Olei ning ang nisi khe thi du, hamba subung bisabri majhisgu ni basao ha khaja ba thane de phaphi subung saosi, khah phinyaba ni basaoha sorgo ha nangdaothao ja ma.

LUKE 15:7 Iomraidhean Croise

GYAN NI GRAO BUTHU 30:12

Sereba sereba de bonsi ni muh ha gathar ja du Thikhabo bonsi de rege regeyaba ni phrang ragaoyayaba se.

MATTHEW 18:13

Gmayaba khe bo maiphin khade, bisabri majhisgu khaija hi dongyaba ni basao ha thabo boni basao ha bo khajadao ma se.

MATTHEW 3:8

Odebani, khah phin bani bumu khe lahi bathai thai lah.

LUKE 15:10

Odelei ning ang nisi khe thidu, phaphi subung saosi khah phin kha de, Madai ni deglarao boni basao ha khaja ma se.

LUKE 15:29

Thikhabo, boni bupha niha bo thi ba, ‘Nai lah, maithai glao jang nini khusi khe ang dang ri ba; nini grao khe ang dangkhlaiya. Thikhabo lugurao jang khajalai mane burunsa masi mang mang khe bo ning anthane riya.

LUKE 15:32

Ebo nini buphlung de thih hi bo thangphin kha; gma hi bo khe jing maiphin kha. Odebani khaja hi khusi jang jing dongma nang du.’

LUKE 15:6

Jarni noh ha phaiphin dada, boni lugurao niha, ar noharirao khe longthim hi, bo thi re, ‘Ani melma gmayaba khe ang maiphin kha, dei, khajapha lah,’ ode thi nang.

LUKE 15:8

“Ode asaba masainjik saosi niha aduli majhi dong ba. Bu buthuni bising ha masi gmang la re thikhade, thaophari phnang hi, noh ha sip dada maiphinya si hamsi ning smai nang niya?

LUKE 16:15

Bo bonsi khe thiphin ba, Subung buthu ni sagang ha, nisi jar khe hamba subung lai phnu du; thikhabo Madai de nisi ni khah khe mithi du. Bede thikhala, marsini sagang ha man gnangyaba de Madai ni sagang ha musibo niya.

LUKE 5:32

Hamba subung buthu khe lamjao mane ang phaiya, phaphi subungrao khe khah phin rima ne se ang phai ba.

ROM 7:9

Boni sagang hade dara giri hi ang thang hi dong ba, thikhabo grao riyaba dong phai hi, phap smao phai ba,