LUKE 12:42 - DARA GADAIN N.T. with PSA and PRO (BSI)

⁴² Gabra thiphin ba, “Lonma gnang subung girikyaba, bubra ni don khe raokhiyarao ne gibi bubli ha nokhorsi ni jimu lingmu ri mane bo hoja saikhuyaba sere ja nang?

LUKE 12:42 Iomraidhean Croise

GYAN NI GRAO BUTHU 12:8

Subung jar ni girikthai jang ning bakhan mai ma se Thikhabo, sere niha girikthai giri, bo khede naisle jao ma se.

GYAN NI GRAO BUTHU 15:23

Gibi bubli ha gibi grao khna khade subung khaja re Bo gabang ning khajama ni grao se.

GYAN NI GRAO BUTHU 27:18

Sere thaikhrao phang khe naiso du, bo boni bathai khe mai jima se. Sere jar ni bubra khe naiso re, bo mai jima ni hamthai mai ma se.

GYAN NI GRAO BUTHU 31:15

Naiju ha bo baija du, Jar ni nokhorsi ni khlai hi jimu-lingmu ri re Boni dangyajikrao ne khlai hibo phantha ri re.

MATTHEW 13:52

Odese, bonsi niha, Ode thikhade, Dara-disa khe slingriyaba ode sorgo raji ni lama khe slingriyaba de noh bubra jar ni don bokhoh ni phrang jinis gadain buthu ode jinis gajam buthu khe khaikho ba lai jasosi se, thi hi thi ba.

MATTHEW 20:8

Habah garbli jahi, grep bari ni bubra boni rang naisoyaba khe thi ba, Khusi dangyarao khe longha lah, bo yaohonthao ni khe lahi sagangthao ni sosi bonsi ni ruji khe ri lah, thihi sani ba.

LUKE 12:43

Olei ning dangba khe bubra phaiphin ba ha nuphai kha de, bo leng ni khophal hambi.

LUKE 7:13

Bo banjik khe nuba jang hamsi ning bo khe khasaosisi jajao hi, bo khe thi ba, Da gra.

LUKE 7:19

Odebani Johan jarni rikphayarao ni bising ha subung gini khe longha hi, Phaiginyaba ning ning, na gibin khe jing jon ma kho? thihi singmane Gabra niha haiha ba.

DANGYASARAO 20:28

Odebani, Madai ni longjom, jarni thijao jang baraiyaba khe, raokhi mane khlai hi, nisi girik lah. Bede thikhade, Bese Gathar jang bonsi ni basao ha nisi khe hoja slam kha.

1 TIMOTHE 3:15

Ang thangba len khade, Madai ni nokhor ha la, subung bede dongma thi hi ning tharmai mani khlai hi, ang reb ha du; Madai ni nokhor de Madai thang hi dongyaba, longjom se, grao gibi ni thongma ode asa dengyaba se.

1 TIMOTHE 5:17

Longjom ni khrao subung langsmai ba ringyaba, ode grao thiba ar slingri bani gede khah riyarao khe bakhan khlaima nang du.

2 TIMOTHE 4:2

Grao khe sainthi lah, bubli habo, bubli niyaba habo sainthi phalang lah; khah laoma jang slingri hi, bonsi ni gajai khe phnu hi bujai lah.

TITA 1:7

Longjom ni hoja de Madai ni jinis khe naisoyaba se bani malai jang siji jaoyayaba subung jama nang du; jar ni grao se ning hamjao layaba, khah raoyaba, ju lingyayaba subung, yao sugu baiyaba, jar ni lab ne khlai hi harbaoyaba subung jama niya.

HEBRAIRAO 13:17

Nisi ni hojarao ni grao khe mani lah, bonsi ni grao ni bakhla ha hap lah; nisi ni hayu buthu khe naisoyaba bonsi se; bonsi se Madai niha nisi ni graojma khe sainthi ma. Bonsi ni khusi khe khah waimu jang dangya hi, khaja dada bonsi khusi dangphu mani khlai hi bonsi ni grao khe mani lah. Khah waimu jang dang khade musibo nisi ne khlai hi lab ja nang niya.

HEBRAIRAO 13:7

Nisi ni hojarao, Madai ni grao nisi ne sainthiyaba buthu khe wainso song hi, bonsi ni dongthai ha bathai thaiyaba buthu khe bao dada, bonsi ni lonthai khe nai hi sling lah.

HEBRAIRAO 3:5

Bubli sophai ginyaba ne thiyaba jinis dong ginyaba buthu khe ragao so ri mani khlai hi Moses de jar dangyasa jayaba ha Madai ni khrip nohkhor habo lonma gnang se.

1 PETER 4:10

Madai ni khasaoma jang jinis riyaba jadi gibin gibin naisoyaba hamba buthu lai, jinis riyaba nisi maiyaba si khe khusi dang ri lai mani khlai hi yaowai lah.