LUKE 12:21 - DARA GADAIN N.T. with PSA and PRO (BSI)

²¹ Ode Jisu thiphin ba, Subung jarni sao jang don bojom khlai hi, Madaini gede bojom khlaiya kha de, olei ja re.

LUKE 12:21 Iomraidhean Croise

GYAN NI GRAO BUTHU 13:7

Subung saosi gnang lai phnu re, thikhabo boni ha musi bo giri. Ar gibin subung dukhisa lai phnu re, thikhabo boni ha don bang bi.

LUKE 12:33

Nisi don khe phain dada, dukhi saraone ri lah, ar sorgo ha, makhao thang phuyayaba ha, haro ji phuyayaba ha, rangkhoh gajam ja phuyayaba sorgoni rangkhoh ha, nisi ni rang khe thathi lah.

LUKE 16:11

Habsao ni rang gijisa ni basao ha ning lonjaoya thikhala, sere rang gibi gibi ni basao ha naisoya nepha rao ma?

LUKE 6:24

Nisi gnangrao, nisi ni bakho bubain risi bi Nisi suk jang khajama mai blai kha.

ROM 2:5

Nini suttha jang ning khah rao bani, Madai ni bisar gibiyaba nujao phai mani basain hade, ninthane khlai hi thamsi bojom khlai laba se.

2 KORINTH 6:10

khaja hi jing dong ba ha, khah waimu mai ba, dukhisa jahi jing dong ba ha, gabang subung khe gnang khlai ba, musibo niya hi, jamthar si jini gaja ja kha.

1 TIMOTHE 6:9

Thikhabo, gnang jama nangjaoyarao de naigrik ja thing, dukhon ha ja thing, gibir ja re, ode hamyayaba gabang libima ha bonsi galaising hi, bo libima buthu ha ning hamya jang jamyaba ha giphip la re.

JAKOB 2:5

Ani khasaoma ni daphlungrao, khna lah! Madai ning habsao ha suliyayarao khe lonma ha gnang jama ni ode bo jar khasaoyarao niha bo hanggaiyaba raji khe hok ni khlai hi bo saikhoyaba niya?

NUJAOYABA 2:9

Nini dukhu buthu khe ang tharmai du; suliya jakhabo ning gnang se. Juda gibiyaba niya hi, Juda thibaiyarao, Soithan ni sunagog ni subung buthu nisi khe bonsi sijiba khebo ang tharmai du.