LUKE 12:19 - DARA GADAIN N.T. with PSA and PRO (BSI)

¹⁹ Ode, ani hayu khe ang thi nang, Hoi ani hayu, maithai glao ni khlaihi, jarne nangyaba khe bojom khlai kha, duha ji lah ling lah, lenggo hi khaja sisi dong lah.

LUKE 12:19 Iomraidhean Croise

BAKHAN NI RAJABTHAI 49:18

Thang hi dongba ha de bonsi khophal hambi bao du Bonsi ni khusi habo subung buthu khaja la phu re.

BAKHAN NI RAJABTHAI 62:10

Bol jang khrang jiyarao khe da lon Khaoyaba jinis ha bo sanggama da phnu Nini don bangdao lakhabo Ningbo don ni basao ha khah da deng.

GYAN NI GRAO BUTHU 10:2

Hamyayaba don khe deng ba musibo lab giri Thikhabo gibi jang khusi dangyaba de thihyaba ni phrang sogo du.

GYAN NI GRAO BUTHU 14:24

Gnangrao ni krothu de bonsi ni don se Thikhabo, gibirrao ni birthai de gibir ning.

GYAN NI GRAO BUTHU 18:11

Subung gnangrao ni khlai hi jar ni don jar ni khlai hi khorongma se. Bonsi ni baothai de khorong gujuyaba lai se.

GYAN NI GRAO BUTHU 23:5

Gnang jaba lamai lamai jang lang la re Bede thikhade gnang de bagrang slam hi Daoling lai nokhasao gede birlang la re.

GYAN NI GRAO BUTHU 27:1

Dakhna ni khlai hi jar khe da sangga lah Bede thikhade, snadi basain sophai nang thi hi ning tharmaiya.

LUKE 12:18

Ang elei dang ma. Ani maikhoh buthu khe rukhlai hi, mai ar gibin bostu buthu khe gibin maikhoh dedao hi dang dada, oraha bojom deng nang.

LUKE 16:19

“Subung gnang saosi dong ba, bising dam duyaba rih khe phin hi, suk jang khaja sisi dong ba.

LUKE 21:34

Odebani, girik hi dong lah! Jiba lingba ha suk smai hi, ju baola jang, ar habsaoni waimu jang gablai hi da dong; bo basain khali ha de dukhon ha nangba lai nisini basao ha japhai nang.

1 KORINTH 15:32

Subung ni baothai lai haglai biglai Ephesi nolei ha hagra ni mih rege buthu jang nanglai kha la, anthane khlai hi snadi lab ja ma? Githirao thangphinyaba giri kha de, Phai, jing jilai nang, linglai nang, bede thikhade dakhna jing thih lang lama se.

PHILIPPI 3:19

Bonsi ni jamthan de norok ha se, bonsi ni Madai de bonsi ni bohoh se, bonsi ni muima de laji nuyaba se; phirthi ni jinis buthu ha ning bonsi ni baothai buthu khe bonsi asa deng re.

1 TIMOTHE 5:6

Thikhabo, banjik jar suk ja mani se ning rikha de, bo thang hi dongba habo githi se.

1 TIMOTHE 6:17

Ebo habsao ha subung gnang jayarao khe phuthan jaya mani khlai hi sling ri lah, lon jayayaba don ha asa da deng, jing yaowai mani khrip jadi bao joyasi jinthane riyaba Madai ni basao hase asa deng mani khlai hi sling ri lah.

2 TIMOTHE 3:4

jar khe girikjao layaba, yaohon ni grao khe baoyayaba, jar khe blajaoyaba, Madai khe hamjaoba thane jar khe sukrima nangjao daoyaba,

JAKOB 5:5

Phirthi ha ning nisi suk jang jar khe yaowai hi haglai basain phlai kha; nisi ham hi dongba basain buthu ha jar ni nangjaoma ha khah buthu khe phong riba.

1 PETER 4:3

Jentailrao ni nangjaothai, gaori jayaba, saomang ni mijingma, ju baola jayaba, ju ni hathan ha khajayaba, ode saokhuli khlimba regeyaba buthu, sagang ni basain ha haglai basain phalaiyaba ning jakha.

NUJAOYABA 18:7

Bonsi jarkhe dejao layaba ode jar khe suk khlai layaba khe, dukhu jang khah waimu ha su lah. Boni khah ha rani lai ang bisar khlai ba, ang banjikrao niya, musi khah waimu mai nang niya, bo odehe thi ba.