LUKE 11:42 - DARA GADAIN N.T. with PSA and PRO (BSI)

⁴² Nisi Pharisairao, nisini khlaihi bakho bubain risi bi; nisi pudina, bahanda ar bari ni samlai bonlai khe majhi ha masi Madai ne ri du. Thikhabo gibi ar Madaini maya khe nangjaoya hi bo khusi buthu khe dang ba; gibin khe de nisi dangya.

LUKE 11:42 Iomraidhean Croise

GYAN NI GRAO BUTHU 21:3

Bandai riba thane hamba ar gibi khusi khe dangma de Gabra ne khlai hi ham dao.

MATTHEW 23:13

Nisi Dara khe slingriyaba ode Pharisai giriklaiyarao, nisi ni bubain risi bi. Sorgo raji ni lama khe nisi subung buthu ni khlai hi phrao du; nisi bo hapya, malai hapginyarao khebo nisi hap riya.

MATTHEW 23:23

Nisi Dara khe Slingriyaba ode Pharisai giriklaiyarao, nisi ni bubain risi bi! Pudina, muri, jira ni phantha jhi ha phantha si nisi ri du, thikhabo nisi nang daothaoyaba grao buthu hamjaoma, khasaoma, ode lonma khe nisi dangkhlai re, gibin khe dangya hi bo buthu khe se dangma nang ba thihi nisi bao lah.

MATTHEW 23:27

“Dara khe slingriyaba ode Pharisai giriklaiyarao, nisi ni bubain risi bi! Mangkhlong majangba, baji gede majang sisi nu du, thikhabo boni bising hade manggreng buthu jang khrip jabai jang gablaiba lai se, thihi nisi mithiya.

LUKE 18:12

Hapta si ha, alang gini ang hoh khongja mani du, ar aniha dongyaba si ni phrang majhi ha masi khe ninthane ang ri du.’

JOHN 5:42

Thikhabo, nisi niha Madaini khlai hi hamjaoma giri thihi ang mithi du.

1 JOHN 4:20

Asaba subung, Madai khe ang hamjao du thi hi jar ni daphlung khe jajaoya jakha de, subung grao mosol thi ba se. Boni daphlung jar nuyaba khe ning bo hamjaoya kha la, Madai nuyayaba khe la bo bedehe hamjao phu ma?