LUKE 11:36 - DARA GADAIN N.T. with PSA and PRO (BSI)

³⁶ Andar jaya hi nisi ni saomang jdan re thikhade, thaophari jdan ba lai, nisi ni saomang bo gibim jang jdan hi ning dongma se.”

LUKE 11:36 Iomraidhean Croise

GYAN NI GRAO BUTHU 1:5

Buddi-halai gnangrao khna hi bonsi ni ringthai bang dao thing, mithi phuyarao bonsi girikthai mai thing.

GYAN NI GRAO BUTHU 20:27

Subung ni bising ha Gabra ni thaophari deng kha Bo thaophari jang subung ni khasu ni grao khe baigo ri du.

GYAN NI GRAO BUTHU 6:23

Ebo grao riyaba de thaophari se Ar ebo grao slingriyaba de jdanma se. Bo sibringyaba grao de nini khlai hi hayu ni lama se.

MATTHEW 13:52

Odese, bonsi niha, Ode thikhade, Dara-disa khe slingriyaba ode sorgo raji ni lama khe slingriyaba de noh bubra jar ni don bokhoh ni phrang jinis gadain buthu ode jinis gajam buthu khe khaikho ba lai jasosi se, thi hi thi ba.

MATTHEW 5:15

Subung thaophari sao hi khamphlu jang phungkhlip hi dengya, boni dengthan ha se deng re; odese noh bising ni khrip subung jnama khe nu ba.

LUKE 11:35

Odebani, nisi ni bising ni jdanma andar jaya mane girik lah.

LUKE 11:37

Bo grao thisaiba ha Pharisai saosi makham jimane bo khe long ba. Bo thang hi makham khalai kham ba.

2 KORINTH 4:6

Jisu Krista ni mukhang ha Madai ni muima nujao phaiyaba khe, jing hamsisi mithi phu mani khlai hi, Andar ha jna phai thing, thiyaba Madai ning jini khah buthu khebo jna ri ma se.

EPHESI 4:14

Odese, subung giriklaiyarao hamya buddi jang ejang ojang phlab khu hi thokhi dada gibin gibin slingrithai jang ansa hamya lai jahi jing dongba ja nang niya.

KOLOSSA 3:16

Krista ni grao khe jarni khasu ha thao la thing. Bakhan ni rajabthai, ode Madai ni rajabthai, Bese gede ni rajabthai ni khrip jadi buddi gyan jang slingri hi sibring lai lah, ode khasu ni khajama jang Madai niha rajab lah.

HEBRAIRAO 5:14

Thikhabo, makham raoyaba de subung phura khrao jayarao ni khlai hi se, bo buthu de hamba hamya tharmaiyaba gyan jang bonsi baisi ja kha.

JAKOB 1:25

Thikhabo, sere phura sadin ni dara khe nai hi, bokhe hamsisi khiyal khlai hi, khna dada bo blao phinyaba jaya hi, mani dada khusi dangyaba de, bo khusi dangyaba ni hamthai mai ma se.

2 PETER 3:18

Thikhabo, jini Gabra jang sogoyahba Jisu Krista khe mithiyaba ha nisi dedao phalang lah. Boni ha ning duha ni phrang thaoglao jang muima dong thing. Amen.