LUKE 11:34 - DARA GADAIN N.T. with PSA and PRO (BSI)

³⁴ Nisi ni muthai ning nisi ni saomang ni thaophari se. Nisi ni muthai ham re thikhade, saomang khrip jdan thar nang; thikhabo, hamya re thikhala, nisi ni saomang bo andar jama se.

LUKE 11:34 Iomraidhean Croise

BAKHAN NI RAJABTHAI 119:18

Nini khusi gmang thaosisi khe nu phu mane Ani muh khe khuru ri lah.

BAKHAN NI RAJABTHAI 81:12

Odebani bonsi ni basao ha ang khah raoma khe rihi Bonsi jarni nangjaoba lai ja la kha.

GYAN NI GRAO BUTHU 21:4

Sanggama ni muthai, sanggama ni khah, Subung hamya ni thaopharibo phap se.

GYAN NI GRAO BUTHU 28:22

Subung khai thiyaba srap ning gnang ja ma bao re dukhi bokhe jon du thi hi bo tharmaiya.

MARKA 4:12

Bede thikhade, bonsi nai khabo, nuya lai se Khna khabo, khmao hap nang niya. Olei niya khade Bonsi Madai niha phaiphin hi Bo bonsi khe map khlai ma.

MARKA 7:22

Ul jamani, khao jimani, sthai mani, malai ni bihih jang hamjao lai mani, harbao mani, rege mani, thokhi mani, gaora-gaori ja mani, hingsa ja mani, siji mani, ode sanggama gibir,

MARKA 8:18

Nisi niha muthai la dong, thikhabo nisi nuba ringya; nisi niha khmao dong, thikhabo nisi khna ba ringya.

LUKE 11:35

Odebani, nisi ni bising ni jdanma andar jaya mane girik lah.

DANGYASARAO 13:11

Duha mithi lah, Gabra ni yao nini basao ha galai hi, nini muthai gana ja nang; ode, sain khe nu nang niya kha, bo ode thi ba. Srap khlai hi andar jang jimi boni basao ha galai kha, bokhe yao rem mane smai kha.

DANGYASARAO 2:46

Nalai bo khah masi jahi Madai ni bikhoh ha ning khah jang muh jang bonsi dong re, bonsi ni noh gede bo hon sabai hi, khajama jang ode khah manima jang bonsi jilai re.

DANGYASARAO 26:18

Bonsi ni muthai nu mane khlai hi ning khe bonsi niha ang haiha du, odese andar de jnama gede nai nang. Soithan ni hukhum ni phrang Madai ni gede naiphin la nang. Phap map jayaba hathan ne khlai hi ode bonsi ang khe lon bani gathar jayarao niha don ni phantha japhu mane khlai hi, bo ode thi ba.

2 KORINTH 1:12

Jini asa de ebo se: Phirthi gede ni girikma jang niya hi, Madai ni khasaoma ni khlai hi se ning, habsao ha jini dongthai, Madai ni phrang leng ni dongthai gathar gibi gibiyaba khe lahi jing dong re; bokhe nisi ni bising ha ar jadao kho thihi jini hamba hamya tharmaiyaba habo jing khe mithi pha du.

2 KORINTH 11:3

Bede thikhala, jbu giriklaidao thaoyaba Evi khe bo thokhi ba lai ning, Krista ni gede ha nisi ni khah gathar ode gibiyaba khe bonsi nisi khe hamya khlaijao nang thihi ang khin du.

2 KORINTH 4:4

Krista de Madai lai ning. Thikhabo, Krista ni muima, hamba graojma ni gyan khe phungya mani khlai hi duha ni habsao madai ning, lonyayarao ni khah ni muthai khe gana khlai kha.

EPHESI 1:17

bede thikhade, jini Gabra Jisu Krista ni Madai, muima ni Bupha de, bo jar tharmaiyaba balam ha gyan jang jna mani Bese khe bo ri thing.

EPHESI 6:5

Lengrao, Krista ni grao khe nisi maniba lai, khinhi the the mao hi, khah gibi ja dada, nisi ni bubrarao ni grao khe mani lah.

KOLOSSA 3:22

Nisi lengrao, khrip ha nisi ni bubrarao ni grao khe mani lah; subung khe khaja riyaba lai phnu mani khusi dangya hi, Gabra khe khasu ha khin hi se dang lah.