LUKE 11:2 - DARA GADAIN N.T. with PSA and PRO (BSI)

² Jisu bonsi khe thi ba, Nisi bikha de edehe bi lah: Jini Abai, Nini bumu gathar man ja thing, Nini raji sophai thing.

LUKE 11:2 Iomraidhean Croise

BAKHAN NI RAJABTHAI 103:20

Nisi boni angelrao, Gabra khe bakhan khlai lah Nisi boni hukhum jang grao maniyarao, Bokhe bakhan khlai lah.

BAKHAN NI RAJABTHAI 108:5

O Madai, nokhasao ni basao ha ning gede ja lah Mulug grongbri ha nini bumu muima ja thing.

BAKHAN NI RAJABTHAI 11:4

Gabra jarni gathar temple ha ning dong ba se, Gabra-ni khamthani de sorgo ha se. Bo naikhla du, subung ni basa khe nai hi dong du.

BAKHAN NI RAJABTHAI 57:11

Nokhasao buthu ha nini muima phnu ri O Madai, phirthi habo phnu ri lah.

MATTHEW 10:32

Asaba subung buthu ni sagang ha angkhe mani du thikhade, angbo ani bupha, sorgo ha dongyaba ni sagang ha bokhe mani ma se.

MATTHEW 3:2

Bo thi ba, Khah phin lah, sorgo raji sampha kha,

MATTHEW 5:16

Olei jasosi ning nisi ni jnama subung ni muh ha jna thing; odese, nisi hamba khusi dangyaba buthu khe bonsi nu ma, ode, nisi ni bupha, sorgo ha dongyaba khe bakhan khlai phu ma.

LUKE 11:1

Sainsi khali Jisu hathan masi ha Madai biba, bo bibani yaohon ha boni rikphayarao ni bising ha, saosi bo khe thi ba, Gabra, Johan jarni rikphayarao khe Madai biba sling riba lai, ning bo jing khe sling ri lah.

ROM 1:7

Madai ning bo jamjaoyarao jang boni subung gathar ja manibo longyarao, Rom nogor ni subung buthu niha: Jini bupha Madai, odehe Gabra Jisu Krista ni phrang khasaoma jang santi dong thing.

ROM 8:15

Khin dada dongphin mani khlai hi leng jayaba bese khe nisi maiya, basa jaya bani bese khe se nisi mai ba; bo bese ni khlai hi se, Abba, Abai! thi hi jing jirik khao ba.

1 KORINTH 1:3

Jini bupha Madai jang Gabra Jisu Krista ni phrang khasaoma ar santi nisi niha dongpha thing.

2 KORINTH 1:2

Jini bupha Madai ode Gabra Jisu Krista ni phrang khasaoma jang santi nisi niha dong pha thing.

GALATIA 1:4

Bo ning jini Madai ode jini bupha nangjao ba lai duha ni habsao hamya ni phrang bo jing khe sogophu mane khlai hi, jini phap ni baslai habo jar khe ri ba.

EPHESI 1:2

Madai, jini bupha jang Gabra Jisu Krista ni phrang khasaoma jang shanti nisi niha dongpha thing.

PHILIPPI 1:2

Jini bupha Madai jang Gabra Jisu Krista ni phrang khasaoma jang shanti nisi jang baosi dongpha thing.

PHILIPPI 4:20

Jini Madai ode jini Bupha ni muima thaoglao thaoglao jang dong thing. Amen.

KOLOSSA 1:2

Kolossa ha Krista ni subung gatharrao ode daphlung lonma gnangrao niha: Jini bupha Madai ni phrang khasaoma jang shanti nisi jang baosi dongpha thing.

1 THESSALONIKA 1:1

Paul jang Sila ode Timothe de, bupha Madai jang Gabra Jisu Krista ni subung Thessalonika ni longjom niha: Khasaoma jang shanti nisi niha dongpha thing.

1 THESSALONIKA 1:3

Jini bupha Madai khe lonba ni khlai hi khusi dangyaba, hamjaoma ni khlai hi dukhu khlaiyaba, ode jini Gabra Jisu Krista ha nisi asa rao hi dongyaba buthu khe jing wainso ha du.

2 THESSALONIKA 2:16

Odese, jini Gabra Jisu Krista jar ning ode jini bupha Madai, bo jing khe hamjao ma ode khasao mani balam jang thaoglao shanti ni hamba asa riyaba jang,

NUJAOYABA 11:15

Sorgo ni degla sniyaba jar ni bibul khe dam ba jang, sorgo ha bol jang jirik khaoyarao, Habsao raji ni raji de jini Gabra jang boni Krista Raja ni raji ja lang la kha. Bo se jug jug bisar khlai ma! odehe bonsi thi ba.

NUJAOYABA 15:4

O Gabra, sere nini bumu khe man khlaiya hi bakhan khlai nang? Ning se ning gathar se. Khrip jadi phai hi, ning khe bonsi khlim ma se, Bede thikhade nini bisar buthu khe phnu kha! ode thi du.

NUJAOYABA 19:6

Odehe, subung buthu ni khurang, dih raoyaba ni khurang ho jaba lai, odehe nokhasao grimba ha grung grung jaba lai ang sar khna ba, Hallelujah, Gabra jini Madai, raothai gnang de bisar khlai du dou!

NUJAOYABA 20:4

Boha singhason khe ang nu ba, oraha khamyarao khrip bo bisar khlai mane hukhum rijaoyarao se. Jisu ni grao khe bonsi mithipha ri bani khlai hi, ode bonsi Madai ni grao ni khlai hi bokhro dainso jaoyarao ni bese buthu khebo ang nu ba. Bu buthu mih rege jang boni saokhuli khe khlimyaba niya, bonsi ni bathain buthu ha, bonsi ni yao buthu habo mih rege ni sin laya. Bonsi thangphin hi Krista jang baosi maithai jang rjing si bonsi sason khlai ba.