LUKE 10:22 - DARA GADAIN N.T. with PSA and PRO (BSI)

²² Ani bupha khrip ani yao ha dang ri kha. Saosi bo bupha khe gardi de, basa khe mithiya, basa ar basa sere niha phlama nangjao du, phlajaoyarao garhi de saosi bo mithiya.

LUKE 10:22 Iomraidhean Croise

MATTHEW 11:25

Bo bubli ha Jisu thiba, O Abai, phirthi jang sorgo ni Gabra, subung girikyarao ode bujiyarao niha ebo grao khe huikhao hi, ansarao niha ning sainthi bani ning khe ang bakhan khlai du.

MATTHEW 11:27

Ani Bupha ning a ne khrip jadi nepha thar kha. Bupha khe garhi de Basa khe saosi bo mithiya, ode basa jang basa thiphlayaba khe garhi de bupha khe saosi bo mithiya.

MATTHEW 28:18

Jisu bonsi ni gabasi ha phai hi, bonsi khe thiba, Sorgo jang phirthi ni khrip khemotha khe aniha rithar kha.

JOHN 1:18

Madai khe saosi bo nuba giri; thikhabo, Madai ni saosi mang mang Basa, Bupha jang dongyaba, bokhe mithi ri ba.

JOHN 10:15

Abai ang khe tharmaiba lai ar ang Abai khe tharmaiba lai jasosi, odebani melma ni khlai hi ang jarni hang khe riphu du.

JOHN 13:3

Abai khrip jadi boni raothai khe ri thar kha thihi Jisu tharmai la du. Odebani Madai ni phrang se bo phai ba, ode Madai niha ning thangphin ma se.

JOHN 17:10

Aniha khrip dongyaba nini se, nini ha khrip dongyababo ani se. Odebani bonsi ni gede jahi de muima aniha phai ma.

JOHN 17:2

Bede thikhade ning khrip subung ni basao ha hok ri ba, serene ning ri riba bo buthu khrip nebo thaoglao ni hayu riphu mane.

JOHN 17:26

Bonsi niha ang ning khe mithi ri kha, ode ning khe mithi song rihi ning deng ma, snadi hamjaoma ha ning ang khe hamjao ba, bo hamjaoma bonsi nihabo dong thing, ode ang jarbo bonsi jang dong pha ma.”

JOHN 17:5

O Abai! Habsao dong bani sagang ha nini ha ang muima jang dongyaba khe duha ning jar jang ang khe muima khlai ri lah.”

JOHN 3:35

Bupha, Basa khe hamjao re, ode bo jarni yao jang khrip jadi khe rithar re.

1 KORINTH 15:24

Ebo ni yaohon ha se jamthaoyaba de sophai ma. Bisar khlaiyaba buthu, grao ni hukhum buthu odehe khrip khusi ni raothai sjam kha se, Bupha Madai niha Raja ni raji khe bo yaopha ma.

2 KORINTH 4:6

Jisu Krista ni mukhang ha Madai ni muima nujao phaiyaba khe, jing hamsisi mithi phu mani khlai hi, Andar ha jna phai thing, thiyaba Madai ning jini khah buthu khebo jna ri ma se.

EPHESI 1:21

Raja jayaba buthu, hukhum buthu, raothai buthu, khrip bisar khlaiyaba buthu ni basao ha, ode dini, dakhna, ode bubli sophai ginyaba habo khrip jadi bumu ni basao ha bokhe hoja deng kha.

HEBRAIRAO 2:8

Boni igah bakhla ha khrip jadi khe ning deng kha. Odebani, boni igah bakhla ha khrip jadi khe dengkha bani boni bakhla ha dengyayaba musibo boni ha giri. Thikhabo, duha sosi de boni bakhla ha denghi jing boni sadin khe nuya kho.

1 JOHN 5:20

Madai ni basa phai hi, Madai gibiyaba khe tharmai phu mani khlai hi, bujima khe jinthane bo ri kha thihibo jing mithi kha. Ode, jingbo boni Jisu Krista ha jing donghi, subung gibi jahi se jing dong ba. Bode Madai gibiyaba se, thaoglao ni hayubo bo ning.

2 JOHN 1:9

Sere Krista slingriyaba ha dongya hi, slingriyaba khe lailang hi, bo thang kha de, Madai khe bo maiya kho. Sere bo slingriyaba grao ha dongsong du, Bupha jang Basa khe bo maipha lai du.