LUKE 10:21 - DARA GADAIN N.T. with PSA and PRO (BSI)

²¹ Bo bubli ha, Jisu Bese Gathar ni khajathai jang gablai hi thi ba, Abai, Nokhasao ni Gabra! Ringyarao girikyarao ni gejer ha ning huihi dengyaba khe, ansarao niha ning grao phlabani, ang nini ha hamjaoma rila du. O Abai, elei ning jama se ning nangjao du!

LUKE 10:21 Iomraidhean Croise

BAKHAN NI RAJABTHAI 24:1

Pirthi ode boni bising ha dongyaba khripbo Gabra-ni se, Habsao ode boni bising ha khrip dongyaba buthubo Gabra-ni se.

BAKHAN NI RAJABTHAI 25:14

Gabra khe khinyarao boni daphlungrao se Boni grao hanggaiyaba khe bonsi ne ragaosisi thi ri du.

BAKHAN NI RAJABTHAI 8:2

Nana gili ode ansarao ni khuh habo bakhan khlai du, Nini baslai layarao ode sotrurao khe dephu ma ne Ning jarni khamthan khe saikho hi deng la kha.

MATTHEW 16:17

Jisu boniha thiba, Simon Bar Jona, nini khophal hambi. Saomang jang thijao ning khe tharmai riyaba niya, ani Bupha, sorgo ha dongyaba se ning khe tharmai riba.

MATTHEW 21:16

Jisu niha, Ebo buthu grao thiyaba khe ning khna kha? thihi sing ba. Jisu bonsi khe thiphin ba, Nanarao ar abudih jiyarao ni khuh ha baigoyaba de nini bakhan khe phura so ri kha thihi rebyaba khe nisi phuriya na?

MATTHEW 3:7

Thikhabo, jekhali Johan Pharisai jang Saddukairao baptisma lama ne gabang phaiba khe nu hi bo bonsi khe thi ba, Nisi jbu ni jadirao, thamsi phaiginyaba ni phrang golang mane sere nisi khe sainthi ba?

MARKA 10:15

Sere ansarao lai Madaini raji khe hamjaoba lai hamjaoya khade Madaini raji ha hap mai nang niya.

LUKE 15:5

Bo naiphin kha ning, khaja sisi phakhrong ha bainbu hi,

LUKE 15:9

Bo aduli khe maiphinba ha, lugurao ar noharirao khe longthim dada, ‘Ani aduli gmayaba khe ang maiphin bani ang jang khajapha lah,’ thihi bo thi nang.

JOHN 11:41

Odehe, bonsi longthai khe disai ba, yaohon ha Jisu basao ha naikhu hi thi ba, Abai, ning ani grao khe khnaba ni ang nini basao ha khaja la du.

2 KORINTH 4:3

Odehe, jini hamba graojma khe phungkhlip hi deng kha de, jamsaiyarao se phungkhlip jao hi dongyaba se.

EPHESI 1:11

Madai ni bisar ni baothai ode nangjaothai lai khrip jadi dangma baoba lai saikho da jaoyaba jablai hi, ja mani khlai hi jing don slam jaoyaba se.

EPHESI 1:5

Boni khasaoma jang Krista Jisu ni khlai hi, Madai jing khe boni basa-bisik slam ma bao ba, ebo ning boni khajathai ar baothai.