LUKE 10:16 - DARA GADAIN N.T. with PSA and PRO (BSI)

¹⁶ “Sere nisi ni grao khe khna du, bo ani grao khe se khna ba; sere nisi khe nangjaoya du, bo ang khe se nangjaoya ba; sere ang khe nangjaoyaba, bo angkhe haihayaba khe se nangjaoya ba”.

LUKE 10:16 Iomraidhean Croise

MATTHEW 10:40

Sere nisi khe lamjao du, bo angkhe se lamjao ba. Sere angkhe lamjao du, bo angkhe haihayaba khe se lamjao ba.

MATTHEW 18:5

Odehe, sere ani bumu ni khlai hi elei ansa saosi khe lamjao du, bo angkhe se lamjao ba.

MARKA 9:37

Sere ani bumu ni khlai hi ebo ansa ni bising ha saosi khe lamjao re, ang khe se bo lamjao ba; odehe sere ang khe lamjao re, angkhe haihayaba khe se bo lamjao ba.

LUKE 9:48

ode bonsi khe thi ba, Sere ani bumuni khlai hi ebo ansa khe lamjao re, bo ang khe se lamjao ba. Ode sere ang khe lamjao re, ang khe haihayaba khe se lamjao ba. Sere nisini bising ha khasi daothao, bo ning dedao thao jama se.

JOHN 12:44

Odehe, Jisu jirik khaohi thi ba, “Sere ang khe lon re, bo ang khe lonba niya. Ang khe haihayaba khe se bo lon ba.

JOHN 12:48

Sere saosi ani graojma khe nangjaoya ode ang khebo maniya jare, bokhe bisar khlai ginyaba saosi dong. Ang thiyaba graojma de nangyaba se, thikhabo yaohonthao ni basain ha bokhe siji ma.

JOHN 13:20

Ang nisi ne gibi gibi khe thi ri du, sere ang khe haihayaba khe ajao la re thikhade, bo ang khe se ajao ba, ode sere ang khe ajao la re, bo de ang khe haihayaba khe se ajao ba.

DANGYASARAO 5:4

Bo nini yao ha dongdu si nini ning niya na? Ning phain bani yaohon habo boni dam de nini grao ha dengya na? Snadi jabani eleiyaba grao khe nini khah ha ning bao ba? Subung khe ning thokhiya, Madai khe se ning thokhi ba, ode bo thi ba.

GALATIA 4:14

Ani saomang raoya khabo, nisi ang khe naisleya, regejaobo regejaoya; sorgo ni phrang Madai ni degla phaiyaba lai ang khe lamjao ba, Jisu Krista lai jasosi ning nisi ang khe mani kha.

1 THESSALONIKA 4:8

Odebani, sere ebo jinis khe bera khlaiyayaba de subung khe bo bera khlaiyaba niya, Madai, Bese Gathar nisi ne riyaba khe se bo bera khlaiyaba se.