LUKE 1:17 - DARA GADAIN N.T. with PSA and PRO (BSI)

¹⁷ Bupharao ni khah khe basathu nihah phin phin ri nang. Ode, subung grao maniyayarao khe girikyarao ni gede phin phin ri mani Gabrani khlai hi subung buthu salai hi deng mani, Elija ni bese jang khusi dang phu mani Gabra ni sagang ha bo thang da ma.

LUKE 1:17 Iomraidhean Croise

BAKHAN NI RAJABTHAI 10:17

O Gabra, dukhisarao ni khah ni nangjaoma khe khna kha Bonsi khe smai ri, ode bonsi biyaba khe khna lah.

BAKHAN NI RAJABTHAI 111:10

Gabra khe khinba de girikthai jenba se. Bislei boni dara buthu khe maniyarao de bujiyarao se. Thaoglao ni bakhan de boni ning.

BAKHAN NI RAJABTHAI 78:8

Bonsi bonsini phagrarao lai jasosi ja nang niya. Bonsini phagrarao khmao raohi ode nangjaoya jayarao Sere ni khah Madai niha dongya, Sere ni bese boni ha lonjao gothai niya.

MATTHEW 11:14

Nisi manima nangjao khade, Elija phaiginyaba de bo ning ja kha.

MATTHEW 14:4

Bede thikhade Johan boni ha thiblai kha, Bo khe noh da ja.

MATTHEW 3:3

Gorasali Isai thidayaba subung Johan ning ja kha, “Hajengling ha subung saosi ni khurang khna nang Gabra ni lama khe slam lah Boni lama buthu khe beleng ri lah”.

MATTHEW 3:4

Johan mihhajeng ni bikhim khe rih phin hi, boni jengkhong ha migur ni jengsdu kha ba, ode boni jimu-lingmu de hagra ni guyung jang beredih se.

LUKE 1:16

Bode Israelrao ni bising ha gabang subung khe jarni Gabra Madai niha khah phin rihi labuphin nang.

LUKE 1:76

Ode nanadao, ning khe judao thaoyaba ni gorasali thihi thi nang, ar boni lama khe slam mane Gabrani sagang ha ning thang nang.

JOHN 1:13

Bonsi thihjao ni phrang hajai ba niya, saomang ni nangjaoma jang bo niya, miyahrao ni nangjaoma jang bo niya, thikhabo Madai ni nangjao ba lai se hajai ba.

JOHN 1:34

Ang nu ba, ode sainthi ri ba, Ebo ning Madai ni Basa thihi thi ba.

JOHN 3:28

Ang de Krista niya, thikhabo ang de boni sagang ha haiha jaoyaba se thihi ang thiyaba khe nisi ning sakhi se.

DANGYASARAO 10:33

Odebani, nini ha ang srap subung haiha ba se; ning phai kha ham kha dou. Odebani, Gabra ning khe snadi grao thiba bokhe khna mane jing khripbo Madai ni sagang ha dong ba se.

ROM 9:23

Khasaoma ni mudik, boni muima khe mai mani bo salai dayarao ne boni muima gibi khe bonsi ne phnu riphu mani khlai hi ning jakha.

KOLOSSA 1:12

ode, bupha ni, jnama ha subung gatharrao ni don phantha maipha jahi jing khe slamyaba niha khajama ni grao thihi ning dong lah.

2 TIMOTHE 2:21

Sere hamya jinis ang thiyaba buthu ni phrang degao du, bode muilo gnang yaodi, mudik gathar, hamba khusi dang mane salai hi ning dongma se, ode noh bubra ne khlai hi lab jadaothao ja ma se.

1 PETER 2:9

Thikhabo, nisi de boni jnama ha hap mani khlai hi andar ni phrang nisi khe long hi muima jang gmang thaosisi khusi dangyaba buthu khe bara riphu mani khlai hi nisi saikho jaoyaba jadi se, nisi de Jonthaima ni bongso, jadi gathar, Madai ni phantha ja kha.

1 JOHN 2:28

Odehe, duha basathu, bo nujao phaiba ha khah rao mane ode jing lajiya hi dongphu mani khlai hi boni ha ning dong lah.

NUJAOYABA 20:4

Boha singhason khe ang nu ba, oraha khamyarao khrip bo bisar khlai mane hukhum rijaoyarao se. Jisu ni grao khe bonsi mithipha ri bani khlai hi, ode bonsi Madai ni grao ni khlai hi bokhro dainso jaoyarao ni bese buthu khebo ang nu ba. Bu buthu mih rege jang boni saokhuli khe khlimyaba niya, bonsi ni bathain buthu ha, bonsi ni yao buthu habo mih rege ni sin laya. Bonsi thangphin hi Krista jang baosi maithai jang rjing si bonsi sason khlai ba.