JAKOB 5:7 - DARA GADAIN N.T. with PSA and PRO (BSI)

⁷ Odebani daphlungrao, Gabra phaiphinya si de khah lao hi dong lah. Phadain bubra jar ni phadain ni phrang bathai khaoji mane jon ba khe nai lah. Hadi hajenyaba ar hadi hathaoyaba khe maiya si de bo jon hi ning dong re.

JAKOB 5:7 Iomraidhean Croise

MATTHEW 16:27

Marsi ni Basa de jar ni deglarao jang baosi jahi jar ni Bupha ni muima ha phai ma, ode boha se khrip jadi jar khusi dangba lai ning yaosandi saosi saosi ne khlai hi bo ri ma se.

MATTHEW 16:28

Gibi jang ang nisi khe thi du, eraha songyarao ni bising ha sereba sereba de Marsi ni Basa jar ni raji ha phaiba khe nuya side bonsi thihba khe jen naiyayaba dong, ode bo thi ba.

MATTHEW 24:27

Bede thikhala, nokhasao gurjliba ha sainja ni phrang baigo hi sain jroba sosi bo jnaba lai Marsi ni Basa phaiphinba hade olei ning ja ma se.

MATTHEW 24:44

Odebani, nisi bo salai hi dong lah, nisi salaiya hi dongba bubli hase Marsi ni Basa de phai ma.

LUKE 18:8

Ang nisi khe thi du, bonsi khe juru hi bo srap bisar khlai nang; thikhabo, Marsini Basa phai khali ha ebo habsao ha bo lonma nu nang?

LUKE 21:27

Odehe, Marsini Basa, raothai ar muima gedeba jang, jimi ha phaihi nujao ma.

LUKE 8:15

Hah hamba ha graiba thiyaba buthu grao khna hi, hamsisi khah gibi jang dukhu soi hi bonsi bathai thai re.

JOHN 21:22

Jisu thiphin ba, Ang phaiphinya si bokhe thang rihi deng bani, nini la snadi? Ning ani yaohon rikpha lah.

JOHN 21:23

Bo rikphayasa thih nang niya thihi daphlungrao ni bising ha grao gublung ba. Bo de thih nang niya thihi ebo grao khe Jisu thiya, thikhabo ang phaiphinya si dongsong mani khlai hi nangjao kha de, bokhe snadi ha yaowai ma kho thihi thi kha.

ROM 15:4

Madai ni laisi ni grao ha rebyaba khe bo jinthane sling ri mane se bo reb ba; grao reb ba ni phrang dukhu khah laoma odehe khajama mai bani khlai hi jing asa maiphu mani khlai hi.

ROM 2:7

Sere hamba khusi danghi, muima jang khasaoma odehe jamthaoyayaba khe smaiyarao nede bo thaoglao ni hayu rima se;

1 KORINTH 1:7

Odebani, jini Gabra Jisu Krista nujao phai ba khe nisi jon bani bising ha, bese gede jinis riyaba ha musibo bangya jaya.

GALATIA 5:5

Jing de, Bese ni dara ha lonma jang dormo ni asa ha jing jon du.

GALATIA 6:9

Odebani, jing hamba khusi khe seleya hi dang lai nang; bede thikhade bo khe jing haigerya hi dang kha de, bubli ha raji ma se.

KOLOSSA 1:11

khaja hi khah laoma jang dukhu suiyaba khrip jadi nisi maiphu mani khlai hi, boni muima raothai lai ning, khrip jadi ni raothai ha nisi bol rao lahi dongphu mani khlai hi nisi khe jing khainsu ha du,

1 THESSALONIKA 1:3

Jini bupha Madai khe lonba ni khlai hi khusi dangyaba, hamjaoma ni khlai hi dukhu khlaiyaba, ode jini Gabra Jisu Krista ha nisi asa rao hi dongyaba buthu khe jing wainso ha du.

1 THESSALONIKA 2:19

Jini Gabra Jisu Krista phaiphin ba ha, boni sagang ha jing asa mai mane ja thing, jini khajama ja thing, raja ni khrothu ja thing, snadi dongdao ba? Nisi ning niya kho na?

1 THESSALONIKA 3:13

Odese, jini Gabra Jisu, khrip boni subung gatharrao jang baosi bo phaiba ha, jini Madai ode bupha ni sagang ha, nisi gathar jayaba ni balam ha nisi ni khasu buthu khe gajai giri hi nisi khebo rao ridao ma.

HEBRAIRAO 6:15

Odebani, Abraham de dukhu khah lao dada jon hi Madai jinis hanggaiyaba khe bo mai kha.

JAKOB 4:11

Daphlungrao, nisi saosi jang saosi hamya da thi lai. Sere jar ni daphlung khe hamya thi du, bo jar ni daphlung khe siji du, ar bo Dara khe se hamya thihi siji ba. Dara khe ning siji khade, ning Dara khe maniyaba niya, ning bisar khlaiyaba se ja ba.

JAKOB 5:10

Daphlungrao, dukhu ha ode khah laoma ni balam ha ning, Gabra ni bumu jang grao sainthiyaba gorasalirao khe daogari nai lah.

JAKOB 5:3

Nisi ni gajao buthu ode nisi ni guphu buthubo haro remthar kha, bonsi ni haro remyaba de nisi gajaoyaba khe phnuyaba ja nang; odehe wai jang jinis khamba lai, nisi ni saomang jithar jao ma se. Yaohon basain ne khlai hi nisi don bojom khlai kha.

2 PETER 3:4

Bo phaiphin mani grao hanggaiyaba la braha dong? Jini greng buthu thih tharba ni phrang ning khrip jinis de, jinis sangsai jenba ni phrang bonsi ni dongthai nalai lai ning dong, thi hi bonsi minithai ma se.