JAKOB 5:13 - DARA GADAIN N.T. with PSA and PRO (BSI)

¹³ Nisi ni bising ha sereba limyaba dong? Bi la thing. Bumai nangyaba dong? Bakhan ni rajabthai khe rajab la thing.

JAKOB 5:13 Iomraidhean Croise

BAKHAN NI RAJABTHAI 105:2

Boni ha bakhan ni rajabthai rajab lah, Boni gmangthao sisiyaba khusi buthu khe sainthi lah.

BAKHAN NI RAJABTHAI 118:5

Ani khah waimu ha Gabra niha ang gra ba odehe bo ang khe thiphin hi ang khe golam ri kha.

BAKHAN NI RAJABTHAI 18:6

Ani dukhu ha Gabra khe ang long du Juruma ni khlai hi Madai khe long la du, Boni temple ni phrang ani khurang khe khna kha, Ani khurang bo boni khmao ha sohi kha.

BAKHAN NI RAJABTHAI 50:15

Gmang-giji ni basain ha ang khe khripbo long lai lah, Nisi khe ang asaba dara jang sogo nang, Odese, nisi ang khe sugu ma.

BAKHAN NI RAJABTHAI 91:15

Bo ang khe long ma, ode ang bokhe thiphin ma Dukhu ha ang bo jang dong ma. Ang bokhe man khlai hi golam ri ma.

BAKHAN NI RAJABTHAI 95:2

Khajama ni grao thi hi boni sagang ha jing thang lai nang Damhi-suhi rajab hi jing khrip bakhan khlai nang.

MATTHEW 26:30

Odehe, bonsi rajab hi Oliv hading ha bonsi thang la kha.

LUKE 22:44

Bo hamsi ning waimu nang bani khah ri hi biphin ba; boni glimdih thijao lai hah ha galai ba.

LUKE 23:42

Ode bo Jisu khe thi ba, Jisu, nini raji ha ning sohiba ha, ang khe wainso hah.

1 KORINTH 14:15

Ang snadi khlai ma kho? Ani bese jang ang bi hi, ang baoyaba buthu khe yaowai hibo ang bi ma se; ani bese jang bakhan ni rajabthai khe ang rajab hi, ang baoyaba khe yaowai hibo bakhan ni rajabthai khe ang rajab ma se.

1 KORINTH 14:26

Daphlungrao, nisi bojom jayaba ha, rajab mane dongyaba ja thing, sling ri mane dongyaba ja thing, grao baikhla mani ja thing, grao mithiyayaba jang grao jo ma nangthai ja thing, thiphla mani grao dongyaba ja thing, nisi niha dong khade, bedehe ja ma? Khrip jinis de longjom khe hamba slam mane dang ba ja thar thing.

EPHESI 5:19

Bakhan ni rajabthai buthu, Madai ni rajabthai buthu, ode bese gede ni rajabthai buthu ha sainlai hi, khrip khah jang muh jang Madai niha rajab hi khurang majangma ha mili ri lah.

HEBRAIRAO 5:7

Jisu de jar ni saomang ha dong bani sainkhali buthu ha, thiyaba ni phrang sogo phuyaba niha bol jang jirik khao hi ode mudi jang gundi jang galai hi, bi dada sainyaba buthu khe bonsi yaopha hi, Madai khe khin bani bo khna kha.

JAKOB 5:10

Daphlungrao, dukhu ha ode khah laoma ni balam ha ning, Gabra ni bumu jang grao sainthiyaba gorasalirao khe daogari nai lah.

NUJAOYABA 14:3

Singhason ni sagang ha ode, jinis hang gnang buthu ni sagang ha ode khraorao ni sagang ha rajabthai gadain khe bonsi rajab ba. Ode phirthi ni phrang khoh jaoyarao, subung lakh masi rjing jang bisagin rjingbri buthu khe garhi saosibo bo rajabthai khe buji phuya.

NUJAOYABA 7:10

Bonsi khurang bol jang, Sogoma de singhason ha khamyaba, jini Madai jang Melmasa ni phrang se ja ba, thihi bonsi jirikkhao ba.