JAKOB 5:11 - DARA GADAIN N.T. with PSA and PRO (BSI)

¹¹ Blaiya si khah lao hi dukhu khlaiyarao ni khophal hambi thi hi jing thi du. Job dukhu khah laoyaba khe nisi khna kha. Odehe, Gabra ni khusi dangma baoyaba khebo nisi tharmai kha. Gabra de khasaoma jang mayama ha gablaiyaba se.

JAKOB 5:11 Iomraidhean Croise

BAKHAN NI RAJABTHAI 103:13

Bupha basathu khe khasao ba lai Gabra jarni khinyarao khe khasao du.

BAKHAN NI RAJABTHAI 103:8

Gabra de khrip khe khasaoyaba se Thamsi habo khasaoma jang gablaiyaba se.

BAKHAN NI RAJABTHAI 116:5

Gabra de khasaoma-gnang ar gibi se Jini Madai de mayama gablaiyaba se.

BAKHAN NI RAJABTHAI 119:132

Nini bumu khe sere khasao du boni basao ha ning sum bedehe dang ba Ani gede nai hi, ani basao ha bo olei ning dang lah.

BAKHAN NI RAJABTHAI 145:8

Gabra de khasaoma-mayama gnang gablaiyaba se. Boni thamsi srap baigoya, ar khasaoma-gnang se.

BAKHAN NI RAJABTHAI 37:37

Subung hamyarao ni haiyu khe bao lah Subung belengyarao khe nai lah, Sere milima nangjaoyarao de basathai-busuthai mai re,

BAKHAN NI RAJABTHAI 51:1

O Madai, ning khasaoma-mayama gnang se, ang khe khasao lah, Ning la khasaoma ni Madai sebani ani dang gajai khe phusa khla lah.

BAKHAN NI RAJABTHAI 78:38

Odelai ning bode khasaoma gnang se Bonsini dang gajai khebo bo map khlai kha Ode bonsi khe sjamya kha, Boni thamsi khe alang alang bo mathao kha Ode boni thamsi khe bo baigo thar riya.

BAKHAN NI RAJABTHAI 86:15

Thikhabo, O Gabra, ning de maya-gnang ode khasaoma-gnang Madai se Srap thamsi baigoyayaba, hamjaoma bangyaba, ode lonma-gnang se.

BAKHAN NI RAJABTHAI 86:5

O Gabra, ning de map-gnang ode hamba se Sere ning khe long du, khrip ni khlai hi hamjaoma nini ha dong du.

BAKHAN NI RAJABTHAI 94:12

O Gabra, nini dara jang sling ri hi Sere khe sason khlai du, boni khophal hambi.

MATTHEW 10:22

Ani bumu ni khlai hi khrip subung jang nisi naisle jao ma, thikhabo jamthaoba sosi sere dukhu khah lao du bo se ning sogo jao ma.

LUKE 1:50

Bokhe khin hi dongyarao ni basaoha Jug jug khasaoma phnu nang.

LUKE 11:10

Odebani, ang nisi khe thi du, asaba sere sain re, bo mai nang; sere smai re, bo nu nang, ar sere derga ha do re, bone khuru nang.

LUKE 6:36

Nisi ni bupha khasaoba lai ning nisi bo malai khe khasao lah.

ROM 2:4

Niyakha la, khah phin mani khlai hi Madai ning jarni khasaoma jang nisi khe langsmaiyaba khe wainsoyahi, boni khasaoma gnang jathai, boni naisothai, boni khah laoma buthu khe ning haglai bao ba?

EPHESI 1:6

Boni khasaoma muima jathai ni khlai hi, ar boni maya ni Basa ha jinthane bo riyaba yaosandi ni khlai hi, dei jing Madai khe bakhan khlai nang!

EPHESI 2:4

Thikhabo, Madai de khasaoma bangba ni, bo jing khe hamsi ning khasao bani khlai hi,

HEBRAIRAO 10:39

Thikhabo, jing de jam mani yaohon druphinyaba dol ni subung niya, jing de lonma mai hi goyarao ni bising ni subung se.

HEBRAIRAO 3:14

Bokhe jenba ha jing lonsingyaba khe jamthao ba sosi jing remsong hi dong khade, Krista jang masi jayarao jing ja kha thi hi tharmai lah.

HEBRAIRAO 3:6

Thikhabo, Krista de basa jang baosi Madai ni nohkhor ni phantha dong; ode boni nohkhor buthu de jing ning ja kha, jing khitha raohi jar ni asa ni sanggama ni basao ha remsong hi dong kha de.

JAKOB 1:12

Naigrik ha dukhu khah laoyaba de boni khophal hambi bao lah. Nai naiyaba khe dukhu khah laokha ning, Madai ning jar hamjaoyarao niha ri mane hanggaiyaba hayu ni khrothu khe bo mai ma se.

JAKOB 1:2

Ani daphlungrao, jadi jadi nisi nai naiyaba khe goron khade, khrip khusi ni grao se thihi bao lah,

1 PETER 1:13

Odebani, dang mani khlai hi nisi baoyaba buthu khe salai lah. Jar khe sibring lah, Jisu Krista nujao phaiba ha khasaoma khe nisi nebo labu ri mani khlai hi asa khlai lah.

1 PETER 3:14

Bede thikhala, gibi khusi khe dang bani, nisi dukhu jaba thikhade, khophal hambi bao lah. Bonsi khinyaba jinis buthu khe da khin lah, ode khah waimubo da nang lah.

2 PETER 2:9

Gabra de bokhe khiyal khlaiyarao khe dukhu hadi ni phrang sogo mani ode subung dormo niyayaba buthu khe bisar ni basain sosi saja ri hi ning deng mani bo mithi du.