JAKOB 4:11 - DARA GADAIN N.T. with PSA and PRO (BSI)

¹¹ Daphlungrao, nisi saosi jang saosi hamya da thi lai. Sere jar ni daphlung khe hamya thi du, bo jar ni daphlung khe siji du, ar bo Dara khe se hamya thihi siji ba. Dara khe ning siji khade, ning Dara khe maniyaba niya, ning bisar khlaiyaba se ja ba.

JAKOB 4:11 Iomraidhean Croise

BAKHAN NI RAJABTHAI 140:11

Malai khe sijiyarao dongthan da mai thing Thamsi raoyarao de khusi da ja phu thing.

LUKE 6:37

Malai khe da musu lah, odese ning bo musu jaoya ma. Saosi khe bo gajai da ri lah, odese ning bo gajai rijaoya ma. Malai khe map khlai lah, odese ning bo map khlai jaoma se.

ROM 2:1

Odebani, O subung, malai khe gajai riyaba asababo ja thing, ning thisingthai khlai ma niya, bede thikhade ning malai khe gajai riyaba jang ning jar khe jar gajai rila ba se. Olei jasosi ning deiyaba khusi khe ning dang re.

ROM 2:13

Dara khe se ning baoyarao de Madai ni muh ha bonsi dormo subung niya; bede thikhade dara ha lai dangyarao de gajai jari jao nang niya.

ROM 7:7

Jing snadi thi nang kho? Dara la phap se na? Ode niya! Bede thikhade, dara ha jing khe tharmai riya kha de, phap khe jing tharmai nang niya. Dara jang, Da libi thiya khade, libima khe tharmai nang niya.

1 KORINTH 4:5

Odebani, Gabra phaiya si de, boni bubli jaya kho, saosi khebo da badai lah. Boha de, andar ha thim hi dongyarao khe jnayaba ha bo phnu nang, khah ha khusi dangma baoyaba buthu khe khaikho hi phnu ma se. Boha se bonsi khrip subungbo jar khusi dangba lai Madai ni bakhan khe bonsi mai lai ma se.

2 KORINTH 12:20

Ang phaiba ha ang baoba lai nisi khe ang nuphaiya jao nang thihi ang thi ba, ang khe bo nisi numa nangjao ba lai ang khe nisi nuya jao nang thihi ang khin du. Nam jalaiba ja thing, hingsa ja thing, phuthan ja thing, gaso suso ja thing dong jao nang;

EPHESI 4:31

Grao gudung joyaba, hamya baothai, thamsi ode sijiyaba, berbaiyaba, ebo khrip hamyayaba khe haiger hi dong lah.

1 TIMOTHE 3:11

Olei jasosi ning, masainjikraobo, man gnang subung, malai khe siji baiyaba subung, saiphuyaba, asaba balam habo lonjaoyaba subung ja ma nang du.

2 TIMOTHE 3:3

khasaoma hajai phayayaba, map giriyaba, malai khe hamya thibaiyaba, khah saiphuyayaba, bakha lamyayaba, hamba jinis khe nangjaoyayaba,

TITA 2:3

Olei jasosi ning grajikrao khebo bonsi ni dongthai ha man khlaijaoyaba ja mani, malai jang siji jaoyayaba ja mani, ju ni leng ha thaoyayaba ja mani khlai hi bonsi khe sibring lah, Ode, bonsi khe hamba jinis sling rima nang du,

JAKOB 1:16

Ani khasaoma ni daphlungrao, thokhi jaohi da dong.

JAKOB 1:19

Ani khasaoma ni daphlungrao, ebo grao khe ning tharmai lah! Khrip subung grao joba khe selaiya hi, khna mani gede selai lah, thamsi baigoya hi nisi khah lao lah.

JAKOB 1:25

Thikhabo, sere phura sadin ni dara khe nai hi, bokhe hamsisi khiyal khlai hi, khna dada bo blao phinyaba jaya hi, mani dada khusi dangyaba de, bo khusi dangyaba ni hamthai mai ma se.

JAKOB 2:8

Madai ni laisi ha ede thi du, Ning jar khe hamjao la ba lai ning nisi ni nohharirao khe hamjao lah, thihi raja ni dara khe nisi gibi jang mani kha de, nisi hamba khusi dang kha.

JAKOB 5:10

Daphlungrao, dukhu ha ode khah laoma ni balam ha ning, Gabra ni bumu jang grao sainthiyaba gorasalirao khe daogari nai lah.

JAKOB 5:7

Odebani daphlungrao, Gabra phaiphinya si de khah lao hi dong lah. Phadain bubra jar ni phadain ni phrang bathai khaoji mane jon ba khe nai lah. Hadi hajenyaba ar hadi hathaoyaba khe maiya si de bo jon hi ning dong re.

JAKOB 5:9

Daphlungrao, nisi gajai jaya mani khlai hi saosi jang saosi da ber lai. Nai lah, bisardar derga kholei ha song hi ning dong.

1 PETER 2:1

Odebani, khrip jadi hamyayaba, thokhiyaba, giriklaiyaba, hingsa ode khrip sijiyaba khe dangkhlai hi,