JAKOB 3:9 - DARA GADAIN N.T. with PSA and PRO (BSI)

⁹ Ebo jang ning jini Gabra jang Bupha khe jing bakhan khlai re, bo jang ning Madai, jar ni saogari lai slamyaba subung buthu khe jing sari re.

JAKOB 3:9 Iomraidhean Croise

BAKHAN NI RAJABTHAI 10:7

Boni khuh ni phrang sarithai, mosol ode hophrathai baigo re, Khuh ni graothai de sanggama ni ode hamya graothai se.

BAKHAN NI RAJABTHAI 108:1

O Madai, hamsi ning ning khe lon du Ani bese jang rajab hi seranda dam nang

BAKHAN NI RAJABTHAI 145:1

O ani Madai ar ani Raja, ning khe bakhan khlai hi sugu nang, Thaoglao ni khlai hi nini bumu khe ang bakhan khlai nang.

BAKHAN NI RAJABTHAI 145:21

Gabra ni bakhan graothai khe ani khuh jang thi ma, Sangsaiyaba si boni bumu gathar khe bakhan khlai thing.

BAKHAN NI RAJABTHAI 16:9

Odebani, ani khah jang khaja la du Saomang habo khasuk ja hi gasain du.

BAKHAN NI RAJABTHAI 30:12

Thikha se, phirik phirik ang dongya hi Ning khe bakhan khlai hi rajab ma; Ning de ani Gabra, ani Madai se Thaoglao jang ning khe ang bakhan khlai ma.

BAKHAN NI RAJABTHAI 34:1

Nalai bo ang Gabra khe bakhan khlai ma Thaoya si ang bakhan khlai hi dong ma.

BAKHAN NI RAJABTHAI 35:28

Odese, nini gibi khe ang sainthi nang, Sainsong ning khe ang bakhan khlai nang.

BAKHAN NI RAJABTHAI 51:14

O Madai, ani sogoyahba Madai, Sthaibaiyaba ni phrang ang khe dimkhao lah Nini gibi khe khajama jang ang sainthi nang.

BAKHAN NI RAJABTHAI 57:8

Ani hayu de smao la thing Seranda jang khram buthu bo salai lah Hor song jing rajab nang dei!

BAKHAN NI RAJABTHAI 59:12

Bedethikhala bonsi ni khuh ni phap, bonsi ni slaiju ni grao, Bonsi ni khuh ni phrang sarithai ode mosol baigoyaba ni khlai hi. Bo buthu khrip khe bonsi ni sanggama ha remjao la thing.

BAKHAN NI RAJABTHAI 62:4

Bonsi ni baothai bo khe guju hathan ni phrang galai rikhla ma bao du; Grao mosol thiphuba khe bonsi khaja du Bonsi ni khuh ha de hamthai ri re Thikhabo khah ha de bonsi sari ba se.

BAKHAN NI RAJABTHAI 63:4

Thihya du si ang ning khe bakhan ri ma Ar nini bumu lahi ang ani yao khe sugu la ma.

BAKHAN NI RAJABTHAI 71:24

Sainsong ani slaiju ha nini gibi khusi khe thi ri ma Bedethikhala, sere ang khe hamya bao re, Bonsi khe ning laji phnu hi gmang-giji ja ri kha.

MATTHEW 26:74

Boha, Bo subung khe ang tharmaiya thihi sari dada bo smai dang ba, ode boha ning daono gisi kha.

MATTHEW 5:44

Thikhabo, ang de nisi khe thi du, nisi ni sotrurao khe khasao lah; nisi khe dukhu riyarao ne Madai bi ri lah.

DANGYASARAO 2:26

Odebani, ani khah ha bo khaja du, Ani slai bo khusi ja du, Odebani ani saomang bo asa jang ning dong ma se.

ROM 3:14

Bonsi ni bukhuh buthu hade sarithai odehe grao gakha jang gablai du.

1 KORINTH 11:7

Thikhabo, miyahsa de Madai jang baosi se bani, boni bokhro khe bonsi phung ma niya, thikhabo masainjik de miyahsa ni muima khe phnu ma nang du.

EPHESI 1:3

Jini Gabra Jisu Krista ni Madai jang Bupha de bakhan jahi ning dong thing. Bo ning sorgo ni hathan buthu ha Bese ni gede khrip jadi hamthai riyaba jang Krista habo jinthane hamthai ri kha.

JAKOB 1:27

Madai jang Bupha ni sagang ha dormo gathar ode phap gaba phayayaba de ebo se: mathisarao, banjikrao bonsi dukhu ni bubli ha naihiyaba ode habsao ni gusu rege dophaya hi jar khe hamsisi naiso layaba se.

JAKOB 3:10

Bukhuh masi ni phrang bakhan jang sarithaibo baigo du. Ani daphlungrao, olei jama niya.

1 PETER 1:3

Jini Gabra Jisu Krista ni Bupha ode Madai ni bakhan ja thing. Subung githi ni phrang Jisu Krista khe baijaphin ri ba, asa gathang khe mai mani khlai hi, boni maya gedeba jang, hayu gadain ha jing khe mathangphin ba.