JAKOB 3:8 - DARA GADAIN N.T. with PSA and PRO (BSI)

⁸ thikhabo, slai khede saosi bo mathao phuya. Slai de hamya phirik phirik dongphuya, thihyaba ni bis jang gablai du.

JAKOB 3:8 Iomraidhean Croise

BAKHAN NI RAJABTHAI 140:3

Bonsi ni slai bo jbu ni slai lai blap du, Bonsi ni khujer ha jbu grang gisim ni bis dong.

BAKHAN NI RAJABTHAI 55:21

Buma ni abudih lai boni khah ni grao di du, Bonsi ni khah ha de nanglai mani khlai hi salai du Boni grao de thaolei mili mili ja du Ar seng buyaba lai ja du.

BAKHAN NI RAJABTHAI 57:4

Ang misi ni gejer ha dong ba lai jasosi ja kha Ani basao ha thamsi baigoyarao ni gejer ha ang dong ba, Bonsi ni hathai de jong jang bla lai bu du, Bonsi ni slaibo seng buba lai se.

BAKHAN NI RAJABTHAI 58:4

Khrip niha bo jbu lai ning bis dong Jbu garang gisim nathong lai bonsi ja kha.

BAKHAN NI RAJABTHAI 59:7

Nai lah, bonsi ni khuh ni phrang snadi khudi thuba lai graothai baigo du, Jini grao khe sere khna ma? bonsi thi re.

GYAN NI GRAO BUTHU 17:20

Khah hamyayaba subung de gnang ja phuya Sere ni slai jang mosol jo re, bo dibin-sibin ha galai re.

ROM 3:13

Bonsi ni grangthroh de mangkhlong khuruba lai se, Bonsi ni slai jang bonsi mosol grao jo du, Bonsi ni bukhuh buthu hade jbu ni bis dong.

JAKOB 3:6

Ode, slai bo wai lai se. Jini saomang ni bedep gibin gibin buthu ni bising ha hamyayaba habsao lai se, phura saomang khe rege rege khlai hi phura subung ni saomang khe bo saokhrip re, ode slaibo bo sajathan ni wai jang saokhrip re.

JAKOB 3:7

Jing subung buthu khrip jadi mih, khrip jadi dao, hah ha sorbaiyaba khrip jadi, ode sagor ha dongyaba khrip jadi hang gnang buthu khe khrang phu du,

NUJAOYABA 12:9

Dragon dedao thaoyaba jbu ho grasa Diabol jang Soithan thiyaba habsao bubim khe thokhiyaba de dangkhla jao hi, boha boni deglaraobo bo jang baosi dangkhla pha jao ba.