JAKOB 3:2 - DARA GADAIN N.T. with PSA and PRO (BSI)

² Jing khrip bo gabang dang gajaiyaba se. Asaba grao thiba ha gajai khlaiyayaba subung de subung phurayaba se, oleiyaba subung de jar ni saomang khebo naiso la phuyaba subung se.

JAKOB 3:2 Iomraidhean Croise

BAKHAN NI RAJABTHAI 34:13

Phap ni phrang jarni slai khe mathao la thing Mosol grao joya mane girik la thing.

BAKHAN NI RAJABTHAI 39:1

Ani lama khe hamsisi nai hi hem nang Hamya grao thiya mane phaphirao ni sagang ha Ang khuh khuruya thi hi ang thi du.

GYAN NI GRAO BUTHU 10:19

Braha grao bang re, oraha gajai bo bang re Thikhabo girikyaba subung jar ni slai khe khah thao re.

GYAN NI GRAO BUTHU 13:3

Subung jar ni khujer khe raokhi re, jar ni hayu khebo raokhi re Thikhabo, nangya grao thiyarao de jam la ma se.

GYAN NI GRAO BUTHU 20:9

Ani khah ragao kha Ang ani khah khe gathar khlai kha, Ani ha gajai giri kha thi hi sere thi phu ma?

GYAN NI GRAO BUTHU 21:23

Sere jar ni slai jang khuh khe mirik la re Bo dukhu habo galai nang niya.

MATTHEW 12:34

Nisi jbu ni greng buthu, nisi hamya hi ning, nisi bede hamba grao thi phu ma? Khah ha gablaiyaba khe se khuh jang thiba thi.

MATTHEW 12:37

Ning jar ni grao ha ning gajai jaya ma se, ning jar ni grao ha ning gajai ha galai ri jao ma se, ning mithiya? ode bo thi ba.

ROM 3:10

Madai ni grao thiba lai: Saosibo dormo subung giri Saosi jahibo giri;

ROM 7:21

Odebani, ebo jinis dongthai edese thihi ang tharmai so kha: hamba khusi dangma bao kha ning, phap ani ha dongphai du.

1 KORINTH 9:27

Ani saomang khe ang bol jang dohi dohi, ang leng ne jar khe slam re; ode niyakha de, gibin subung buthu niha grao khe bai bani yaohon ha, ang jarbo dangkhlai jao ma se.

GALATIA 3:22

Thikhabo, Jisu Krista khe lon bani dara jang hanggaiyaba khe lonyarao niha riphu mani khlai hi Madai ni laisi ni grao ha ning khrip ni phap khe sadhin khlai kha.

GALATIA 5:17

Saomang de Bese ni nanglai mani khaja re, Bese bo saomang gede nanglai mani khaja re; nisi dangma baoyaba buthu khe nisi dangphuya mani ebo buthu de thalaiyayaba se.

KOLOSSA 1:28

Odebani, jing baipha langyaba de bo ning ja kha, khrip subung Krista ha phura jing phnu riphu mani khlai hi, khrip jadi gyan yaowai hi, khrip subung khe bujai hi jing sling ri du.

KOLOSSA 4:12

Nisi ni bising ni subung, Krista ni dangyasa, Epaphrabo nisi khe khlim ha du. Madai ni hamjaoma ha khrao jahi ode lonma khe kha thik thik lahi nisi songphu mani khlai hi nisi ne blai ba lai thaoyasi bo Madai bi riyaba se.

HEBRAIRAO 13:21

boni muh ha boni khusi nisi ni gede dong hi, bo nangjaoba lai dang mani khrip hamba khusi jang Jisu Krista ni khlai hi nisi khe phura ja ri thing. Bo Jisu Krista niha ning thaoglao jang muima dong thing. Amen.

JAKOB 1:26

Sere jar khe dormo subung bao lahi, jar ni slai khe ning mathaoya hi, jar ni khah khe thokhiyaba de, bo subung ni dormo de haglai se.

JAKOB 1:4

Odehe, musibo baojoya hi nisi phura japhu mani ode, nisi khrao japhu mani khlai hi dukhu khah laoma nisi niha phura khusi ja thing.

JAKOB 2:10

Asaba dara khe jamthar si mani lakhabo, masi grao ha hamya khlai kha de, bo khrip ni basao ha gajai ja ma se.

1 PETER 3:10

Bede thikhade, Madai ni laisi hade, Jar ni hayu khe nangjao hi, hamba basain buthu khe naima nangjaoyaba de, Phap ni phrang jar ni slai khe hamsisi naiso la thing, Boni bukhuh habo thokhiyaba grao joya mani khlai hi naiso la thing.

1 PETER 5:10

Khaisa bubli nisi dukhu khlai bani yaohon ha, Krista ha boni thaoglao ni muima mai mane nisi khe longyaba, khasaoma ha gablaiyaba Madai ning nisi khe suphin nang thi du, bo nisi khe bol rao ri nang, bo raothe the khlai nang.