JAKOB 3:15 - DARA GADAIN N.T. with PSA and PRO (BSI)

¹⁵ Oleiyaba gyan de basao ni gede ni phrang galai phaiyaba niya, habsao jang saomang ni mijingma ode sogo sgain ni phrang baigoyaba se, bo bese niya.

JAKOB 3:15 Iomraidhean Croise

LUKE 16:8

Rang naisoyaba khathikyayaba ni girikthai khe mithi hi, bubra bakhan khlai kha. Jdanyaba sasik thane de duha ni jug ni subung buthu habsao ni khusi ha girikdao.

JOHN 3:17

Phirthi khe gajai rimane Madai jarni basa khe haihaya, boni gede jahi phirthi khe sogo mani khlai hi se bo khe haiha ba.

JOHN 8:44

Nisi de nisini bupha Diabol ni phrang baigoyaba sebani nisini bupha ni nangjaoma lai dang ma nangjao re. Bo de jenba ni phrang sthai baiyaba sebani bo gibi ha dongsongya, boha gibi giri bani khlai hi se. Bo de mosol grao ni bupha sebani hi, mosol grao joba ha boni bising ni phrang se mosol baigo ba; bo ning mosol se.

DANGYASARAO 13:10

Ning subung thokhiyaba jang rege rege khrip ha gablaiyaba, Soithan ni basa, ning khrip jadi ha hamba giriyaba, ning Gabra ni lama belengyaba khe gugui khlai mane haigerya na?

ROM 1:22

Girikbi baolayaba de gibir se jathar kha.

1 KORINTH 1:27

Thikhabo, subung gyanirao khe laji phnu mani khlai hi Madai ning habsao ni gibirrao khe bo saikho hi, bo raoyayarao khe laji phnu mani khlai hi habsao ni raoyayarao khe se bo saikho ba.

1 KORINTH 2:14

Saomang ni subung de Madai ni Bese jang jinis riyaba buthu khe khajaya, bonthane de gibir jayaba se. Bese jang se ning mithi phuyaba se bani, bo bujiba bo buji phuya.

1 KORINTH 3:19

Ebo habsao ni girikma de Madai ni baothai ha de gibir se. Madai ni laisi ha reb ba lai, Bo de subung gyanirao khe bonsi ni gyan girik laiyaba ha ning bo sagai la re,

1 KORINTH 3:3

saomang ni subung se bani. Nisi ni bising ha hingsa jang nam khormu dong du si de, saomang ni subung, subung ni gibi ha nisi dongyaba niya na somo?

2 KORINTH 1:12

Jini asa de ebo se: Phirthi gede ni girikma jang niya hi, Madai ni khasaoma ni khlai hi se ning, habsao ha jini dongthai, Madai ni phrang leng ni dongthai gathar gibi gibiyaba khe lahi jing dong re; bokhe nisi ni bising ha ar jadao kho thihi jini hamba hamya tharmaiyaba habo jing khe mithi pha du.

2 KORINTH 11:3

Bede thikhala, jbu giriklaidao thaoyaba Evi khe bo thokhi ba lai ning, Krista ni gede ha nisi ni khah gathar ode gibiyaba khe bonsi nisi khe hamya khlaijao nang thihi ang khin du.

PHILIPPI 3:19

Bonsi ni jamthan de norok ha se, bonsi ni Madai de bonsi ni bohoh se, bonsi ni muima de laji nuyaba se; phirthi ni jinis buthu ha ning bonsi ni baothai buthu khe bonsi asa deng re.

2 THESSALONIKA 2:9

Dara sbaiyaba de boha soithan khusi dang ba lai dang hi boni raothai khrip jang baosi bo phai nang, ode sin jang gmang thaosiyaba mosol khusi dangma se.

1 TIMOTHE 4:1

Bese de ragao sisi thi du, bubli phaiginyaba buthu hade subung gejesi thokhiyaba bese buthu ode sgo sgainrao slingriyaba buthu khe khah ri hi bonsi lonma khe dangkhlai ma se.

JAKOB 1:17

Hamba jinis riyaba ode phura jinis riyaba de basao gede ni jnama buthu ni bupha ni phrang akhai buyaba se. Boni ha se gibin jayaba ode sigring lai giding phin hi gibin slai phuyaba musi bo giri.

JAKOB 1:5

Nisi ni bising ha asaba bo buddi gyan baojo kha de, khrip subung niha joya hi ode khaithiya hi riyaba Madai niha sain la thing, odese, mai ma.

JAKOB 3:17

Thikhabo, basao gede ni phrang gyan galai phaiyaba de jenba ni phrang bo gathar se, boni yaohon ha milima nangjao du, boni dongthai gasain bi, sain lai thao bi, khasaoma jang hamba bathai gablai hi, naidao naiyadao jaya, bo girikbo giriklaiya.

JUDA 1:19

Bo subung buthu de degaoyaba khe khaikhoyaba, saomang ni subung, Bese maiyayaba se.

NUJAOYABA 12:9

Dragon dedao thaoyaba jbu ho grasa Diabol jang Soithan thiyaba habsao bubim khe thokhiyaba de dangkhla jao hi, boha boni deglaraobo bo jang baosi dangkhla pha jao ba.

NUJAOYABA 2:24

Nisi Thuatira ni gibin subung buthu de, ebo slingriyaba khe nisi mani phaya, Soithan ni grao makhao nisi ni khasu buthu, bonsi thiyaba buthu khebo nisi mani phaya bani nisi ne musi khebo bubain risi khe ang baosing nang niya.

NUJAOYABA 9:11

Hakhor khithu giriyaba ni degla se bonsi ni basao ha raja gedeba jahi bo dong ba, Hebrai grao jang boni bumu khe Abaddon thi du. Greek grao jang de Apolluon thi du.