JAKOB 3:13 - DARA GADAIN N.T. with PSA and PRO (BSI)

¹³ Nisi ni bising ha gyan ar bujima gnang sere dong? Bo khusi dangyaba buthu de gyan ni phrang baigoyaba, bo maigru gruyaba ar dangyaba khe dongthai hamba jang phnu la thing.

JAKOB 3:13 Iomraidhean Croise

BAKHAN NI RAJABTHAI 107:43

Sere girikyarao, bo buthu khe nuhi tharmai thing Ode khlai hi Gabra ni gedebarao hamjaoma khe wainso la thing.

BAKHAN NI RAJABTHAI 122:8

Ani daphlungrao jang lugurao ni khlai hi Nini bising ha santhi ja thing, thi hi ang thi nang.

BAKHAN NI RAJABTHAI 149:4

Bede thikhade, Gabra jar ni subung buthu ni basao ha khaja la du, Khah gasainyarao khe sogoma ni krothu thu ri kha.

BAKHAN NI RAJABTHAI 25:9

Dukhi sarao ne gibi bisar khlai du Khah gasainyarao khe boni lama khe sling ri du.

BAKHAN NI RAJABTHAI 45:4

Gibirao ode gibi sason jang gaba mane Raja lai de mane khlai hi gorai ni basao ha gahi ning theng theng thang lah Nini raothai jang ning depha lang lah.

MATTHEW 11:29

Ani jowal khe jar ni basao ha sugu hi ani ha sling lah. Bede thikhade gasain dik dikyaba ode khah laodao thaoyaba ang se; odebani nisi ni bese ne khlai hi lenggoma mai ma se.

MATTHEW 21:5

Nai lah, nini Raja de maigru gru jahi Mihleng ni basao ha gahi, nini ha phai ba, Bo gasaindik dik jahi mihleng ni basao ha Mihleng ni basa ni basao ha ning phai du, thi hi Zion-ni bisik khe sainthi lah.

MATTHEW 5:5

Maigru gruyarao de bonsi ni khophal hambi Phirthi ni don khe bonsi mai ma se.

MATTHEW 7:24

Sere ani ebo grao buthu khe khna hi mani du, subung girikyaba, longthai basao ha noh dangyaba jang suhi grao thi du.

1 KORINTH 6:5

Nisi laji mani khlai hi ang thi du. Lonyaba daphlungrao ni gejer ha hamsisi bisar khlai phuyaba subung girikyaba nisi ni bising ha saosi bo giri na somo?

2 KORINTH 10:1

Ang, Paul ning Krista ni gasainma jang maigru gru jahi ang nisi khe khainsu du. Ang nisi ni gejer ha mukhang naipha lai hi malai ni hukhum bakhla ha dong du, gajain ha nisi ni gede raothe the songhi ang dong du.

2 KORINTH 8:24

Odebani, longjomrao ni hamjaoma khasaoma bangba khe bonsi nuhi, jing bakhan nisi khe khlaiyaba gibi jathai khe bonsi tharmai phu mani khlai hi, bonsi ni basao ha hamjaoma phnu ri lah.

GALATIA 5:23

grao magainyaba, saiphuyaba, ebo buthu ning ja kha; ebo buthu khe hamya thiyaba musi Dara ha bo giri.

GALATIA 6:1

Daphlungrao, hamya subung asaba bo hamya khusi dangba ha remjao kha de, nisi Bese ni subung buthu, naigrik ha ang galai phu re thihi hamsisi jar khe naiso la hi, oleiyaba subung khe grao gasain dik dik jang nisi naiso lah.

GALATIA 6:4

Khrip subungbo, jarni khusi khe ning naislam laila thing, boni yaohon ha se, malai ni balam ha niya hi jarni balam ha ning bo sanggama mai ma se.

EPHESI 4:2

Khrip basasa ja la hi, baosi maigru gru ja hi, suima jang khah lao lai saosi jang saosi khe yaowai lai lah.

PHILIPPI 1:27

Asaba ja thing, nisi ni dongthai khe Krista ni hamba graojma jang majang hi dong thing. Odehe, nisi khe ang naihi mane ja thing, niyakhala, nisi jang baosi ang dongya kha bo, bese masi jahi raothe the song hi, hamba graojma ni lonma gede ha baothai masi jahi gaba lai dada nisi dong thihi ang tharmai du.

KOLOSSA 3:12

Madai subung saikhoyaba jang baosi subung gathar jahi, mayama, maigru gruyaba, basasa jayaba, grao ni hukhum bakhla ha dongyaba, dukhu suiyaba buthu khe lahi thu lah.

1 TIMOTHE 4:12

Ning ansa bani saosibo lekha khlaiya da ja thing, grao thiyaba ni balam ha ja thing, dongthai jithai ha ja thing, hamjaoma ni balam ha ja thing, lonma ni balam ha ja thing, gathar jayaba ha ja thing, lonyarao ne phnu riyaba ja lah.

1 TIMOTHE 6:11

Thikhabo, ning Madai ni subung, ebo khrip jinis buthu khe dangkhlai hi, dormo ja thing, Madai khe maniyaba ja thing, lonma ja thing, hamjaoma ha ja thing, dukhu khah laoma ha ja thing, gasainma ha ja thing, riksai lah,

2 TIMOTHE 2:25

gasaindik dik ja hi bokhe badaiyarao khe gibi khlaiyaba se ja ma nang ba. Madai ning bonsi khe grao gibi khe mithi mani gede ha lang smai hi khah phin mani hajorabo riphu du.

TITA 3:2

saosi khebo hamya thiya mani, nam khormu phnangya mani, gasain mani, ode khrip subung ni bakhla ha hapyaba grao gibi khe wainso phin ri lah.

HEBRAIRAO 13:5

Rang harbaoyaba ni phrang degao lah, nisi jar jar niha jinis dongyaba ha ning khah khusi ja lah. Bo jar ning, Nisi khe asaba khalibo ang haiger nang niya, nisi khe dangkhlai hibo ang thang nang niya, thi hi bo thi du.

JAKOB 1:21

Odebani, nisi niha rege rege dongyaba khrip buthu ode hamyayaba baothai gablaiyaba khe gajai khlai hi, nisi ni bese buthu khe sogo phumani raothai gnang dongyaba, grao nisi niha gai hi dongyaba khe basasa jahi mani lah.

JAKOB 2:18

Thikhabo, sereba subung, Nini ha lonma dong, aniha khusi dangyaba buthu dong, thihi thi nang thikha la, ang thi nang, Nini lonma khe gibin a ne phnu ri lah, ang de khusi danghi ani lonma khe nisi ne ang phnu ri nang.

JAKOB 3:1

Ani daphlungrao, nisi ni bising ha subung gabang slingriyasa da ja, slingriyarao de gibin subung buthu thane gejebdao hi bisar khlai riyaba jama nang du thihi nisi tharmai lah.

JAKOB 3:17

Thikhabo, basao gede ni phrang gyan galai phaiyaba de jenba ni phrang bo gathar se, boni yaohon ha milima nangjao du, boni dongthai gasain bi, sain lai thao bi, khasaoma jang hamba bathai gablai hi, naidao naiyadao jaya, bo girikbo giriklaiya.

1 PETER 1:15

Nisi khe longyaba gathar dongba lai, nisibo khrip yaowaithai ha gathar ja lah;

1 PETER 2:12

Odehe, Jentailrao ni bising ha nisi ni dongthai majang thing. Odehe, hamya khusi dangyaba ha bonsi nisi khe hamya thi la khabo, nisi hamba khusi dangyaba buthu khe bonsi jar ning nu la nang, ode Madai jini ha dongphai khali, bokhe bonsi bakhan khlai ma se.

1 PETER 2:9

Thikhabo, nisi de boni jnama ha hap mani khlai hi andar ni phrang nisi khe long hi muima jang gmang thaosisi khusi dangyaba buthu khe bara riphu mani khlai hi nisi saikho jaoyaba jadi se, nisi de Jonthaima ni bongso, jadi gathar, Madai ni phantha ja kha.

1 PETER 3:4

bo thanebo, nisi sal khlaiyaba de bising gede majangyaba, gasainma ode suima bese ni majangma srup thaoyayaba ja thing. Bode Madai ni muh ha gabang muilo gnang se.