JAKOB 2:8 - DARA GADAIN N.T. with PSA and PRO (BSI)

⁸ Madai ni laisi ha ede thi du, Ning jar khe hamjao la ba lai ning nisi ni nohharirao khe hamjao lah, thihi raja ni dara khe nisi gibi jang mani kha de, nisi hamba khusi dang kha.

JAKOB 2:8 Iomraidhean Croise

MATTHEW 22:39

Bo jang baosiyaba de ebo se, Ning jar khe hamjaoba lai ning nini noharirao khebo hamjao lah,

MATTHEW 25:21

Boni bubra boni ha thiba, Hamba leng, lonjaoma gnang, ning hamba khusi dang kha dou! Gijisa ni basao ha nini lonma dong, gabang ni basao habo ning khe ang dong ri ma se, jar ni bubra khajayaba ha ningbo khaja pha phudu.

MATTHEW 25:23

Boni bubra boni ha thiba, Hamba leng ode lonjaoma gnang, ning hamba khusi dang kha dou! Gijisa ni basao ha nini lonma dong, gabang ni basao habo ning khe ang dong ri ma se, nini bubra khajayaba ha ningbo khaja pha laphu du.

MATTHEW 7:12

Odebani, khrip jadi malai nisi ni basao ha bonsi dang ma nangjaoba lai, malai ni basao habo nisi dang lah. Bede thikhade ebo ning dara ode gorasalirao ni grao ja kha.

ROM 13:10

Hamjaoma de noharirao khe hamya khlaiya; odebani, hamjaoma de dara khe phura khlaiyaba se.

GALATIA 5:14

Ning jar khe maya nang laba lai ning nini noharirao khe maya nang lah, thiyaba grao thaisi ha ning khrip Dara ni grao sothar du.

GALATIA 6:2

Nisi ni bubain risi buthu saosi jang saosi khe horju lai lah. Odese, Krista ni dara khe maniyaba nisi ja ma.

PHILIPPI 4:14

Thikhabo, ani khah waimu ha nisi ang khe wainso phayaba de nisi gabang khlai kha.

1 THESSALONIKA 4:9

Duha de daphlungrao, nisi ni hamjaoma ni balam hade, asaba rebyaba khebo nisi gainsongya, nisi jar jang jar hamjao lai la mani khlai hi nisi jar ning Madai ni phrang sling kha.

JAKOB 1:25

Thikhabo, sere phura sadin ni dara khe nai hi, bokhe hamsisi khiyal khlai hi, khna dada bo blao phinyaba jaya hi, mani dada khusi dangyaba de, bo khusi dangyaba ni hamthai mai ma se.

JAKOB 2:12

Odebani, sadhin ni dara bakhla ha bisar khlai hi dong ginyarao lai jasosi, grao thihi khusibo dang lah.

JAKOB 2:19

Madai de saosi se ning thihi ning lon du; ning hamba khlai kha, sgain sgo buthubo lonhi lele mao du.

JAKOB 4:11

Daphlungrao, nisi saosi jang saosi hamya da thi lai. Sere jar ni daphlung khe hamya thi du, bo jar ni daphlung khe siji du, ar bo Dara khe se hamya thihi siji ba. Dara khe ning siji khade, ning Dara khe maniyaba niya, ning bisar khlaiyaba se ja ba.

1 PETER 2:9

Thikhabo, nisi de boni jnama ha hap mani khlai hi andar ni phrang nisi khe long hi muima jang gmang thaosisi khusi dangyaba buthu khe bara riphu mani khlai hi nisi saikho jaoyaba jadi se, nisi de Jonthaima ni bongso, jadi gathar, Madai ni phantha ja kha.