JAKOB 2:5 - DARA GADAIN N.T. with PSA and PRO (BSI)

⁵ Ani khasaoma ni daphlungrao, khna lah! Madai ning habsao ha suliyayarao khe lonma ha gnang jama ni ode bo jar khasaoyarao niha bo hanggaiyaba raji khe hok ni khlai hi bo saikhoyaba niya?

JAKOB 2:5 Iomraidhean Croise

GYAN NI GRAO BUTHU 13:7

Subung saosi gnang lai phnu re, thikhabo boni ha musi bo giri. Ar gibin subung dukhisa lai phnu re, thikhabo boni ha don bang bi.

GYAN NI GRAO BUTHU 7:24

Olei ja nang bani, ani ansarao, ani grao khe khna lah Ang grao thiyaba khe hamsisi khna lah.

GYAN NI GRAO BUTHU 8:32

Odebani, ani basathu, ani grao khe khna lah. Ani lama ha hemyarao de khophal hamba se.

MATTHEW 11:5

Muthai ganarao muthai nu kha, igah khorarao igah jang hem lang la kha, khunthi jayarao ragao kha, khmao nathongrao khmao khna kha, githirao mathangphin kha, ode, dukhisarao hamba graojma khe khna ri kha.

MATTHEW 25:34

Boha se Raja jar ni subung buthu yaoda gede dengyarao khe thima, Phai lah, ani bupha khe khaja riyarao, habsao sangsai jenba ni phrang nisi ne khlai hi hathan salaiyaba khe bubra ja lah.

MATTHEW 5:3

Sere bese ha jar khe dukhisa thi hi mithi layarao de bonsi ni khophal hambi, sorgo raji de bonsi ni se.

MARKA 7:14

Odehe, subung buthu khe Jisu longphin hi bonsi khe thi ba, Ani grao khe khna lah ar buji lah.

LUKE 12:21

Ode Jisu thiphin ba, Subung jarni sao jang don bojom khlai hi, Madaini gede bojom khlaiya kha de, olei ja re.

LUKE 12:32

“Dol bangyarao, da khin. Nisi ni Bupha nisi ne raji ri mane nangjao du.

LUKE 16:22

Bo dukhisa thih kha, ar sorgo ni deglarao bo khe langpha hi, Abraham ni rogong ha kham ri kha. Gnang subung bo thih kha, ar bo khe phip kha.

LUKE 16:25

Thikhabo, Abraham bokhe thi ba, ‘Ani basa, ning thanghi dongba ha hamba khe ning mai ba, Lazaras de hamyayaba khe mai ba. Duha bo eraha shanti jang dong kha, ning la dukhu mai kha.

LUKE 22:29

ani bupha anthane raji riba lai ning, ang bo nisine ri du.

LUKE 6:20

Jisu naiding hi boni rikphayarao khe nai dada thi ba, Nisi dukhisarao, nisi ni khophal hambi, Madai ni raji de nisi ni se.

JOHN 7:48

Hojarao ar Pharisairao ni bising ha saosi nebo bokhe lonya thihi nisi mithiya?

DANGYASARAO 7:2

Boha Stephan thiphin ba, Daphlungrao, Bupharao, khna lah! Jini greng Abraham Haran ha dong bani sagang ha ning, Mesopotamia raji ha bo dong khali, muima ni Madai de boni ha nujao phai hi,

ROM 8:17

Boni basathu jing ja kha de, Madai ni don ni phantha mai ginyarao, Krista ni don khe phantha maipha ginyarao jing ning ja kha; Krista dukhu suguyaba ha jing masi yaowai kha de boni muima bo jing masi yaowai phalai ma se.

1 KORINTH 2:9

Thikhabo, Madai ni laisi ha, Muthai jang nuba giri, odehe khmao habo khnaba giri, Subung ni khah habo hapya, Madai ning jar hamjaoyarao ne khlai hi bo salai ri ba, thihi reb ba lai se ja ba.

2 KORINTH 4:15

Ebo khrip khe nisi ham mani khlai hi se; odebani, gabang subung ni gejer ha Madai ni khasaoma khe bara nang, Madai ni muima ni khlai hi khajama ni grao thiyababo hamsi ning bara phalang ma se.

2 KORINTH 6:10

khaja hi jing dong ba ha, khah waimu mai ba, dukhisa jahi jing dong ba ha, gabang subung khe gnang khlai ba, musibo niya hi, jamthar si jini gaja ja kha.

2 KORINTH 8:9

Jini Gabra Jisi Krista ni hamjaoma khasaoma khe nisi tharmai kha, bo gnang jahibo nisi ni khlai hi dukhisa japhai ba, bede thikhala bo dukhisa jaba de nisi gnang ja mani khlai hi se.

EPHESI 1:18

Nisi ni khah ni muthai buthu jna rijao hi ebo buthu khe nisi tharmai phu ma;

EPHESI 3:8

Ang subung gathar khrip ni bising ha khrip tha khasi daothao ni bising ha khasi daoyaba niha se bo khasaoma khe ri ba: Krista gnang jathai khe thihi thisophuya graojma khe Jentailrao niha sainthi mane ode,

1 THESSALONIKA 2:12

Bo jar ning raja ni raji khe ode boni muima khe mai mane nisi khe longyaba Madai ni subung nisi japhu mani khlai hi, nisi ni bising ni khrip subung ne khainsu hi nisi khe jing alang alang sibring ba.

2 THESSALONIKA 1:5

Odese, Madai ni raji ni subung japhu mani nisi khe saikho ba, Madai ni bisar de ragao sisi gibiyaba se, bo raji ni khlai hi se nisi dukhu khlai ba.

1 TIMOTHE 6:18

Bonsi de hamba khusi dang mani ode, hamba khusi dangba bangdao mani khlai hi, nalaibo khaithiya hi gibi subung buthu jang yaowai phalai manebo sibring lah.

2 TIMOTHE 4:18

Gabra ning ang khe khrip hamya khusi ni phrang sogo nang, ode jar ni sorgo raji ne khlai hi ang khe dimkhao hi so ri ma se. Boni ha ning thaoglao thaoglao ni muima dong thing, Amen.

2 TIMOTHE 4:8

Duha de anthane khlai hi dormo ni khrothu khe deng ri kha, bokhe bisar gibi khlaiyaba, Gabra ning bo basain ha anthane ri ma se, a ne se ning niya hi, bo nujao phaiginyaba khe jonyarao khrip nebo bo rima se.

HEBRAIRAO 11:26

Krista ni khlai hi naisle jaoyaba dukhu de Egypt raji ni khrip gnang thanebo muilo jadao bao ba, bede thikhade boni yaosandi maiginyaba khe bo nai hi ning dong ba.

JAKOB 1:12

Naigrik ha dukhu khah laoyaba de boni khophal hambi bao lah. Nai naiyaba khe dukhu khah laokha ning, Madai ning jar hamjaoyarao niha ri mane hanggaiyaba hayu ni khrothu khe bo mai ma se.

JAKOB 1:16

Ani khasaoma ni daphlungrao, thokhi jaohi da dong.

JAKOB 1:19

Ani khasaoma ni daphlungrao, ebo grao khe ning tharmai lah! Khrip subung grao joba khe selaiya hi, khna mani gede selai lah, thamsi baigoya hi nisi khah lao lah.

JAKOB 1:9

Daphlung songthan hidao hi dongyaba de sugu jaoba ni bubli ha bonsi khaja la thing.

1 PETER 1:4

Ode don phantha hamya jathaoyayaba, gusu jayayaba, srup thaoyayaba khe nisi ne khlai hi sorgo ha hamsisi deng ri kha.

2 PETER 1:11

Odese, jini Gabra ode sogoyahba Jisu Krista ni thaoglao raji ha hap mani nisi ne muima jang salai ri ma se.

NUJAOYABA 2:9

Nini dukhu buthu khe ang tharmai du; suliya jakhabo ning gnang se. Juda gibiyaba niya hi, Juda thibaiyarao, Soithan ni sunagog ni subung buthu nisi khe bonsi sijiba khebo ang tharmai du.

NUJAOYABA 21:7

Bokhe deyaba si de ebo jinis buthu khe don phantha mai nang, boni Madai ang ja nang, bonsibo ani basa ja ma se.

NUJAOYABA 3:18

Odebani ning gnang japhu mani khlai hi wai ha gajao malang hi saginyaba khe ani phrang barai mani khlai hi ning khe ang sibring du. Ning langtha lasisiyaba khe phung mani khlai hi, gainsari guphu khe barai hi, ode ning nuphu mani khlai hi muthai ha hu mani muthai saya bani muli khebo barai lah.