JAKOB 2:18 - DARA GADAIN N.T. with PSA and PRO (BSI)

¹⁸ Thikhabo, sereba subung, Nini ha lonma dong, aniha khusi dangyaba buthu dong, thihi thi nang thikha la, ang thi nang, Nini lonma khe gibin a ne phnu ri lah, ang de khusi danghi ani lonma khe nisi ne ang phnu ri nang.

JAKOB 2:18 Iomraidhean Croise

ROM 14:23

Thikhabo, lon soya hi jiyaba de, bo khusi dangyaba de lonma ha asa dengyaba ni bo gajai jama se. Asaba jinisbo lonma ni phrang baigoyayaba de phap se.

ROM 3:28

Dara jang dang mani bo saikhoyaba buthu khe niya hi, subung de lonma ni khlai hi se dormo ja ba thihi jing rempha ba.

ROM 4:6

Subungbo khusi dangyaba khe baoya hi, Madai ni bokhe dormo habo baoyaba buthu ni khophal hamthai khe Davidbo elei ning thi du:

ROM 8:1

Odebani du ni phrang de Krista Jisu ha dongyarao ne khlai hi de musibo gajai giri kha.

ROM 9:19

Bede thikhade ning ang khe thi ma, Bo phin snadi jabani gajai ri ba kho? Bo dangma nangjaoyaba khe sere mathao phu ma?

1 KORINTH 13:2

Odehe grao thiphuyaba raothai khe la hi, khrip grao makhao khe odehe khrip gyan khebo maithar la khabo, hading buthu khe disai phu mani sosi lonma dong la khabo, hamjaoma khasaoma aniha giri khade, ang musibo niya.

2 KORINTH 5:17

Odebani, asaba subungbo Krista ha dong kha de, jinis gadain ja kha; gajam jinis de jam lang la kha; nai lah, khrip gadain ja thar kha.

2 KORINTH 7:1

Odebani, hamdao thaoyarao, bo grao hanggaiyaba buthu khe jing mai bani khlai hi, saomang jang bese gede ha jadi jadi rege rege khlaiyaba ni phrang jing ragao ri lai hi, Madai khe khinyaba ha ning gathar khlaiyaba khe jing phura khlai lai nang.

GALATIA 5:6

Krista Jisu jang baosi jahi dong kha de, raso khlaiyaba ode khlaiyayaba bo musibo gibin jadaoya, thikhabo lonma jang khasaoma ha dangyaba de lab jama se.

1 TIMOTHE 1:5

Ebo grao riyaba gibi gibi baoyaba de hamjaoma ning ja kha, bo se khasu ni baothai gathar ni phrang ode lonma gibi gibi ni phrang baigo buyaba se.

TITA 2:7

Khrip grao buthu ha hamba khusi ha daogari nai mani khlai hi nisi phnu hi, nisi slingriyaba ha nini gibi khe nisi ni man gnang khe,

HEBRAIRAO 11:31

Lonma jang sao khe phain jiyaba Rahabbo naikhaoyarao khe hamsisi noh mathao ri bani lonyayarao ni bising ha bo jamphaya.

HEBRAIRAO 11:33

Bo buthu se lonma jang Raja ni raji khe la hi, gibi jang bonsi bisar khlai hi, grao hanggaiyaba buthu khe bonsi mai hi, misiraigonma buthu khe bonsi mejep hi,

HEBRAIRAO 11:6

Lonma giri khade Madai khe khusi khlai phuya, asababo Madai niha phaiyaba de, bokhe lonma nang du thi hi ode, bokhe smaiyarao khe bo yaosandi ridu thi hi lonma nang du.

JAKOB 2:14

Ani daphlungrao, sereba, Ani ha lonma dong, thihi bo khusi dangya khala snadi lab ja ma? Olei lonma jang bo jar khe sogo la phu nang?

JAKOB 3:13

Nisi ni bising ha gyan ar bujima gnang sere dong? Bo khusi dangyaba buthu de gyan ni phrang baigoyaba, bo maigru gruyaba ar dangyaba khe dongthai hamba jang phnu la thing.