JAKOB 2:14 - DARA GADAIN N.T. with PSA and PRO (BSI)

¹⁴ Ani daphlungrao, sereba, Ani ha lonma dong, thihi bo khusi dangya khala snadi lab ja ma? Olei lonma jang bo jar khe sogo la phu nang?

JAKOB 2:14 Iomraidhean Croise

MATTHEW 5:20

Nisi ni dormo jang Dara slingriyarao ode Pharisairao ni dormo khe phungya khade nisi sorgo raji ha hap phu nang niya thi hi ang nisi khe thi du.

LUKE 3:11

Bo bonsi khe thiphin ba, Sere niha sola magin dong, giriyaba ne ron la thing, ode sere niha jimu dong, bobo olei ning dang la thing.

LUKE 6:49

Asaba bo ani grao tharmai dada grao khe maniya kha de, longthaima ha noh dangya hi, hah ha thong gaihi noh dangba lai se. Bo noh dih raokha ning dih nepha phai hi baithar langba lai se.”

DANGYASARAO 15:9

bonsi jang jing khe naidao naiyadao jaya hi lonma jang bonsi ni khah khe bo gathar khlai kha.

DANGYASARAO 8:13

Boha, Simon bo lon hi baptisma la blai dada, bo Philip jang baosi dongpha ba. Sin jang gede gede raothai ni khusi buthu khe nuhi, bo hamsi ning gmang ba.

DANGYASARAO 8:21

Ebo grao ha de ning gaba phaya, nini phantha bo giri; bede thikhade, nini khah Madai ni gede belengya.

ROM 2:25

Dara khe ning mani kha de jogai bujuh rasoba lab se; thikhabo, Dara khe ning sebai kha de ning rayaba de rayayaba lai se.

1 KORINTH 15:2

Bo hamba graojma nisi ne ang khna riba khe nisi gejeb thi thi rempha kha de nisi sogojao ma se. Thikhabo nisi gejeb thi thi remphaya kha de, nisi ni lonma haglai ja ma se.

1 KORINTH 16:22

Sere Gabra khe hamjaoma dengya, bo sarijao hi dong thing!

GALATIA 5:13

Daphlungrao, leng jaya mani khlai hi nisi longjaoya se; thikhabo, nisi leng jayayaba khe saomang ne khlai hi hajora yaowaiya hi, hamjaoma jang saosi jang saosi khusi danglai lah.

GALATIA 5:6

Krista Jisu jang baosi jahi dong kha de, raso khlaiyaba ode khlaiyayaba bo musibo gibin jadaoya, thikhabo lonma jang khasaoma ha dangyaba de lab jama se.

1 THESSALONIKA 1:3

Jini bupha Madai khe lonba ni khlai hi khusi dangyaba, hamjaoma ni khlai hi dukhu khlaiyaba, ode jini Gabra Jisu Krista ha nisi asa rao hi dongyaba buthu khe jing wainso ha du.

1 TIMOTHE 1:5

Ebo grao riyaba gibi gibi baoyaba de hamjaoma ning ja kha, bo se khasu ni baothai gathar ni phrang ode lonma gibi gibi ni phrang baigo buyaba se.

1 TIMOTHE 4:8

Saomang lulu jayaba de khaisa bubli ni khlai hi hambi, thikhabo, Madai khe baoya bani lulu jayaba de duha ni hayu ode hayu phaiginyaba ha grao hanggaiyaba dong bani, asaba jadi ni khlai hi gabang muilo se.

TITA 1:16

Bonsi thi du, jing Madai khe tharmai du, thikhabo, bonsi jar ni khusi jang bonsi maniya, Bede thikhade bonsi subung muji jaoyayaba se, ode grao layayaba, ode asaba hamba khusi ha yaowai jayayaba se.

TITA 3:8

Ebo grao lonma nangyaba se. Madai khe lonyarao de hamba khusi dang phalang mani khlai hi khah muh ri lai la thing, bo buthu khe dang mani ang ning khe nangjao du. Bede thikhade bo buthu de bonthane khlai hi gabang hambi, ar labbo lab se.

HEBRAIRAO 11:17

Lonma ha Abraham khe khah naiba ni bubli ha, Isak khe bo bandai yaopha ba. Grao hanggaiyaba buthu khe maiyaba de boni basa saosi mang mang dongyaba,

HEBRAIRAO 13:9

Slingrithai gibin gibin ode gmang thaosisiyaba buthu khe langla jao hi da dong lah. Khah khe khasaoma ha rao riba de hamba se, ji mani buthu ha rao riya hi, ji mani waimu nangyarao de khah jang muh jang mai nang niya.

JAKOB 1:16

Ani khasaoma ni daphlungrao, thokhi jaohi da dong.

JAKOB 2:16

nisi ni bising ha subung saosi boni ha, Shanti jang thang lah, ode suk jang hoh gablai hi dong lah, ode thi kha la, boni saomang ni khlai hi nangyaba buthu khe ning riya kha la, snadi lab ja ma?

JAKOB 2:18

Thikhabo, sereba subung, Nini ha lonma dong, aniha khusi dangyaba buthu dong, thihi thi nang thikha la, ang thi nang, Nini lonma khe gibin a ne phnu ri lah, ang de khusi danghi ani lonma khe nisi ne ang phnu ri nang.

JAKOB 2:26

Bese dong phaya khade saomang bo githi ja ba lai, khusi dangya khade lonma bo githi se.

2 PETER 1:5

Odebani se hamsi ning ranpha hi, nisi ni lonma ha ning hamma ha dong dada, nisi ni hamma ha ning bujima,