JAKOB 1:25 - DARA GADAIN N.T. with PSA and PRO (BSI)

²⁵ Thikhabo, sere phura sadin ni dara khe nai hi, bokhe hamsisi khiyal khlai hi, khna dada bo blao phinyaba jaya hi, mani dada khusi dangyaba de, bo khusi dangyaba ni hamthai mai ma se.

JAKOB 1:25 Iomraidhean Croise

BAKHAN NI RAJABTHAI 106:3

Je gibi bisar khlai phuyaba ode, nalaibo gibi dangyaba de, Boni jathai hambi.

BAKHAN NI RAJABTHAI 119:32

Ang de nini hukhum ni lama ha hem du Bede thikhade, ani khah khe ning khuru ri kha.

BAKHAN NI RAJABTHAI 119:45

Ang dukhu nangya hi daobai ma Bede thikhade nini slingrithai khe ang mai kha.

GYAN NI GRAO BUTHU 14:15

Subung hamba de khrip khebo lon du Thikhabo, subung mirikyaba de jar ni lama khe bao la du

LUKE 11:28

Thikhabo, Jisu thiphin ba, Sere Madai ni grao khe khna hi mani re, bonsi ni khophal ar hamdao kho!

JOHN 13:17

Duha nisi bo buthu khe tharmai kha, nisi bonsi niha dang re thikhade nisi hamthai mai nang.

JOHN 8:36

Odebani, basa nisi khe golam rikha de, gibi jang nisi golam mai ma se.

DANGYASARAO 13:43

Odehe, bojom jayarao dra thar ba jang, Judarao jang bonsi ni dormo khe maniyaba Jentailrao gabang subung Paul jang Barnaba jang bonsi rikpha hi bonsi jang sainlai ba, ode Madai ni khasaoma ha dongsong mane khlai hi bonsi khe sibring ba.

DANGYASARAO 2:42

Bonsi Apostolrao jang dongpha lai hi, bonsi ni phrang slingrithai mai ba, hon khe bo sabai hi, khah jang muh jang bi dada bonsi dongsong ba.

DANGYASARAO 26:22

Thikhabo, Madai ni phrang ang juruma mai bani se dini sosi subung gedebarao jang khasibarao niha grao ni sakhi rihi ang dong ba, gorasalirao jang Moses bo jinis sophai ma thihi bonsi thiyaba buthu khe garhi de gibin musi grao khe bo ang thiya.

ROM 11:22

Madai ni khasaothai ode boni khinthao thaoyaba khe khah ha mathao lah: bo galaiyarao ni basao ha hamsi ning khithao thao se, thikhabo ning de boni khasaoma ha ning ning dongkha de, nini basao ha bo khasao hi dongsong nang, thikhabo ning dongsongya kha de, ningbo dainso jao ma se.

ROM 2:13

Dara khe se ning baoyarao de Madai ni muh ha bonsi dormo subung niya; bede thikhade dara ha lai dangyarao de gajai jari jao nang niya.

ROM 7:12

Odebani dara de gathar se, ode bo grao riyababo gathar se, bo gibi jang hamba se.

ROM 8:15

Khin dada dongphin mani khlai hi leng jayaba bese khe nisi maiya, basa jaya bani bese khe se nisi mai ba; bo bese ni khlai hi se, Abba, Abai! thi hi jing jirik khao ba.

ROM 8:2

Bede thikhade, Krista Jisu ha hayu ni bese ni dara ha phap jang thiyaba ni dara ni phrang, bo ang khe sogo lang kha.

1 KORINTH 15:58

Odebani, ani daphlung hamdao thaoyarao, raothe the jahi smao phuya si, Gabra ni khusi khe khah muh rihi dang lai lah, bede thikhade, nisi dukhu jayaba de Gabra ha haglai jaya thihi nisi tharmai du.

2 KORINTH 13:5

Lonma ha ning nisi dong na giri nisi jar ning nai nai hi, hamsisi nai lah. Jar ning nai nai hi nai lah. Krista Jisu de nisi niha dong thihi nisi tharmai laiya na? Nai nai ba ha ning phura jaya kha de!

GALATIA 2:4

Mosol daphlung, ebo subung buthu jini bising ha hap hi, Krista ni phrang jing maiyaba sadhin khe nainai mane bonsi jing khe leng slam ma bao ba.

GALATIA 5:1

Leng jaya mane khlai hi Krista ning jing khe sadhin ja ri kha; odebani, ebo ha ning rao hi dong lah, leng ni jowal khe da thaophin si lah.

GALATIA 6:2

Nisi ni bubain risi buthu saosi jang saosi khe horju lai lah. Odese, Krista ni dara khe maniyaba nisi ja ma.

KOLOSSA 1:23

Odebani, lonma ha ning asa deng hi rao dada nisi dong ma nang du. Bo hamba graojma khe nisi mithi ma nangjaoyaba ni phrang degaoya hi dong lah. Bo hamba graojma de nokhasao bakhla ha khrip jinis sangsaiyaba ni gejer ha baipha langyaba ning ja kha, bo khusi dang mani slamjaoyaba de ang Paul ning ja kha.

1 TIMOTHE 2:15

Thikhabo, lonma ha ja thing, hamjaoma ha ja thing, gathar jayaba ha ja thing, bo dongsong khade, nana mai bani dara jangbo sogo jao ma se.

1 TIMOTHE 4:16

Ning jar khe jar naiso lah, ning slingriyaba buthu habo jar khe naiso lah. Ebo buthu khe thaoyasi dangpha lang lah, bede thikhade, olei dang hi ning dongkha se, jar jang jar khna riyarao ne khlai hibo sogo riyaba ja ma.

HEBRAIRAO 12:15

Madai ni khasaoma khe saosi bo maiya hi dongya mane ode, gabang subung rege rege khlai phuyaba, ode gaso suso khlaiyaba ni basla ja hi yader suya mani khlai hi girik lah.

JAKOB 2:12

Odebani, sadhin ni dara bakhla ha bisar khlai hi dong ginyarao lai jasosi, grao thihi khusibo dang lah.

1 PETER 2:16

Nisi sadhin ja kha, thikhabo nisi ni sadhin khe phap ha phung mani yaowaiya hi Madai ni leng jahi dang mani yaowai lah.

1 JOHN 2:24

Nisi de jenba ni phrang nisi khnayaba khe nisi niha ning dengsong lah. Bo jenba ni phrang nisi khnayaba khe nisi niha ning dengsong khade, nisibo Basa niha ar Bupha niha ning nisi dong ma se.

NUJAOYABA 14:13

Ode, sorgo ni phrang khurang ang khna ba, Edehe reb lah: Duha ni phrang subung githi, Gabra ha thihyarao ni bonsi khophal hambi dou! thi hi bo thiphai ba. Bese de, Jadu dou! Dukhu jang khusi dangyarao lenggoma mai kha, bonsi khusi dangyaba buthu bonsi ni yaohon rikpha ma se, bo odehe thi ba.

NUJAOYABA 22:14

Hayu ni bongphang basao ha bonsi hukhum yaowai phu mani ode, derga ha nogor hap phu mani khlai hi bonsi ni gainsari ragao sisi suyarao ni khophal hambi.