JAKOB 1:19 - DARA GADAIN N.T. with PSA and PRO (BSI)

¹⁹ Ani khasaoma ni daphlungrao, ebo grao khe ning tharmai lah! Khrip subung grao joba khe selaiya hi, khna mani gede selai lah, thamsi baigoya hi nisi khah lao lah.

JAKOB 1:19 Iomraidhean Croise

GYAN NI GRAO BUTHU 10:19

Braha grao bang re, oraha gajai bo bang re Thikhabo girikyaba subung jar ni slai khe khah thao re.

GYAN NI GRAO BUTHU 13:3

Subung jar ni khujer khe raokhi re, jar ni hayu khebo raokhi re Thikhabo, nangya grao thiyarao de jam la ma se.

GYAN NI GRAO BUTHU 14:17

Subung srap thamsi baogoyaba de gibir ni khusi dang du Ode subung hamya baoyaba khede malai regejao re

GYAN NI GRAO BUTHU 14:29

Khah gasaingyaba de bonsi ni bujima bang bi Thikhabo srap thamsi baigoyaba de gibir ni khusi dang re.

GYAN NI GRAO BUTHU 15:18

Subung dungyaba nam labu re Thikhabo thamsi giriyaba de nam khe magain ri re.

GYAN NI GRAO BUTHU 15:2

Subung girikyaba ni slai de buddi labu re Thikhabo subung gibir ni khuh hade gibir ni grao baigo re.

GYAN NI GRAO BUTHU 16:32

Subung khah laoyaba de jbah sgao thanebo thang dao Nogor khe deba thanebo jar ni thamsi khe mathaoyababo dedao.

GYAN NI GRAO BUTHU 17:14

Nam jenyaba de dibarai khe haigerba lai se Odebani nam jenma ni sagang ha bokhe haiger lah.

GYAN NI GRAO BUTHU 17:27

Buddi-gnang subung de mirik hi grao jo du Bujiyaba subung de jar ni thamsi khe magain hi deng re.

GYAN NI GRAO BUTHU 18:13

Hamsisi khna bani sagang ha grao thiphin kha de Boni khlai hi gibir jathai ni laji phnu ba se.

GYAN NI GRAO BUTHU 18:21

Slai ha hayu ode githi jamani raoma dong Sere slai khe hamjao du boni bathai khe mai jima se.

GYAN NI GRAO BUTHU 19:11

Girikyaba subung de srap thamsi baigoya Malai ni gajai khe blao phuyaba de boni khlaihi muima se.

GYAN NI GRAO BUTHU 19:19

Thamsi raoyaba de daisu mai ma se Juru kha de, gibin basain ha bo juru ma nang ma se.

GYAN NI GRAO BUTHU 21:23

Sere jar ni slai jang khuh khe mirik la re Bo dukhu habo galai nang niya.

GYAN NI GRAO BUTHU 25:28

Subung jar khe naiso laphuyayaba de Nogor khorongma gubuyaba lai se.

GYAN NI GRAO BUTHU 29:20

Srap ning grao joyaba khe ning nu kha? Boni jathai thane gibir ni jathai hamdao.

MATTHEW 5:22

Thikhabo, angde thi du, sere jar ni daphlung ni basao ha thamsi baigo du, bo bisar khlaijao ma se; ode, sere jar ni daphlung khe khusi ha nangjaoyayaba thi du, bo bisar khlaijao ma se; sere gibir thi du, bo norok ni wai ha dangsing jao ma se.

MARKA 12:37

David jar ning bokhe Gabra thihi long ba, ode thikhala bedehe Messia David ni basa japhu ma kho? Gabang subung Jisu ni grao khe khaja hi khna ba.

MARKA 2:2

Odebani, subung gabang bojom jahi noh bising ha derga kholei sosibo jaoya kha.

LUKE 15:1

Subung buthu gejesi, khajna khrangyarao ar subung phaphirao gabang, boni grao khe khna mane, boni ha phai ba.

LUKE 19:48

Thikhabo, subung buthu khah jang muh jang bo sainthiyaba grao khe khnabani, bo khe bonsi musi khlai phuya.

DANGYASARAO 1:15

Gejesi basain ni yaohon ha, bonsi bojom jahi dong ba, (bonsi khrip jang rjasi khon lai ja du). Peter bonsi ni rogong ha song hi thi ba,

DANGYASARAO 10:33

Odebani, nini ha ang srap subung haiha ba se; ning phai kha ham kha dou. Odebani, Gabra ning khe snadi grao thiba bokhe khna mane jing khripbo Madai ni sagang ha dong ba se.

DANGYASARAO 13:48

Jentailrao bo grao khe khnaba jang bonsi khaja hi, Madai khe bakhan khlai hi, ode thaoglao hayu ni khlai hi saikhu jaoyaba khrip bonsi lon kha.

DANGYASARAO 17:11

Oraha ni subung buthu de Thessalonika ni subung buthu thanebo bonsi hamdao. Odebani, khah ha khajama jang grao khe bonsi lamjao hi, bonsi grao thiyaba khe jadu na jaya mithi mani khlai hi sainmidi Madai ni laisi ha bonsi smai re.

DANGYASARAO 2:42

Bonsi Apostolrao jang dongpha lai hi, bonsi ni phrang slingrithai mai ba, hon khe bo sabai hi, khah jang muh jang bi dada bonsi dongsong ba.

EPHESI 4:26

Thamsi baigo kha bo, phap khusi da dang; nisi ni thamsi khe sain jroba sosi da deng thing.

EPHESI 4:31

Grao gudung joyaba, hamya baothai, thamsi ode sijiyaba, berbaiyaba, ebo khrip hamyayaba khe haiger hi dong lah.

KOLOSSA 3:15

Ode, Krista ni shanti de nisi ni khah buthu ha bisar khlai thing, saomang jomsi ja mane nisi long jaoyaba se. Khajama ne bo ring lah.

KOLOSSA 3:8

Thikhabo, duha de elei khrip jinis: thamsi raoyaba, simang gnang khah ha jajaoyayaba, siji baiyaba, ode grao gusu nisi ni bukhuh ni phrang da baigo thing.

1 THESSALONIKA 2:13

Odebani se khajama ni grao khe jing thi hi, Madai ni grao khe jini phrang nisi khna hi, mani khali, subung ni grao khe maniba lai nisi maniya, Madai ni grao khe maniba lai manibo mani hi, nisi lonyaba buthu ha dangbabo nisi dang du.

JAKOB 1:16

Ani khasaoma ni daphlungrao, thokhi jaohi da dong.

JAKOB 1:2

Ani daphlungrao, jadi jadi nisi nai naiyaba khe goron khade, khrip khusi ni grao se thihi bao lah,

JAKOB 1:26

Sere jar khe dormo subung bao lahi, jar ni slai khe ning mathaoya hi, jar ni khah khe thokhiyaba de, bo subung ni dormo de haglai se.

JAKOB 2:1

Ani daphlungrao, muima ni Gabra, jini Gabra Jisu Krista ha lonma nisi asa dengyaba ha subung khe naidao naiyadao da ja lah.

JAKOB 2:5

Ani khasaoma ni daphlungrao, khna lah! Madai ning habsao ha suliyayarao khe lonma ha gnang jama ni ode bo jar khasaoyarao niha bo hanggaiyaba raji khe hok ni khlai hi bo saikhoyaba niya?

JAKOB 3:10

Bukhuh masi ni phrang bakhan jang sarithaibo baigo du. Ani daphlungrao, olei jama niya.

JAKOB 4:11

Daphlungrao, nisi saosi jang saosi hamya da thi lai. Sere jar ni daphlung khe hamya thi du, bo jar ni daphlung khe siji du, ar bo Dara khe se hamya thihi siji ba. Dara khe ning siji khade, ning Dara khe maniyaba niya, ning bisar khlaiyaba se ja ba.

JAKOB 5:12

Khrip tha grao dedao thaoyaba ebo se. Ani daphlungrao, smai da dang lah. Sorgo ni bumu lahi ja thing, phirthi ni bumu khe lahi ja thing, niyakhala, gibin musi jinis ni bumu khe lahibo smai da dang lah; bede thikhala, Bo jadu nisi thi khade, Jadu ning ja thing, Bo jaya nisi thi khade, Jaya ning ja thing, ode niyakhade gajai ha nisi galai ma se.

JAKOB 5:19

Ani daphlungrao, nisi ni bising ha asaba subungbo gibi grao ni phrang degao lang khade,

1 JOHN 2:21

Grao gibi khe nisi mithiya bani nisi niha ang reb ba niya; nisi mithi kha bani ode, grao gibi ni phrang mosol grao baigoya kha bani khlai hi se ang reb ba.