JAKOB 1:12 - DARA GADAIN N.T. with PSA and PRO (BSI)

¹² Naigrik ha dukhu khah laoyaba de boni khophal hambi bao lah. Nai naiyaba khe dukhu khah laokha ning, Madai ning jar hamjaoyarao niha ri mane hanggaiyaba hayu ni khrothu khe bo mai ma se.

JAKOB 1:12 Iomraidhean Croise

BAKHAN NI RAJABTHAI 11:5

Gabra gibi subung khe nai nai du Odehe, hamya subung ode hamya baothai khe regejao du.

BAKHAN NI RAJABTHAI 119:67

Ang dukhu maiya sani sagang ha de ejang-ojang daoding ba Thikhabo, duha de nini grao khe mani ma.

BAKHAN NI RAJABTHAI 119:71

Ang khe dukhu riba de ani khlai hi hambi Bo se nini dara khe slingri ba.

BAKHAN NI RAJABTHAI 119:75

O Gabra, nini dara buthu de gibi se thi hi ang mithi du Nini lonma-gnang jang ang khe dukhu ri kha.

BAKHAN NI RAJABTHAI 5:11

Nini ha khaisingyarao khaja ma Thaoglao ni khajama ha jirikkhao hi rajab nang. Bonsi khe ning dimkhao nang, Ning khe maniyarao nini bumu jang bakhan ri hi sugu nang.

BAKHAN NI RAJABTHAI 94:12

O Gabra, nini dara jang sling ri hi Sere khe sason khlai du, boni khophal hambi.

GYAN NI GRAO BUTHU 17:3

Gajao-guphu khe wai ha malang hi ragao riba lai Gabra de subung ni khah khe nai nai du.

MATTHEW 10:22

Ani bumu ni khlai hi khrip subung jang nisi naisle jao ma, thikhabo jamthaoba sosi sere dukhu khah lao du bo se ning sogo jao ma.

MATTHEW 25:34

Boha se Raja jar ni subung buthu yaoda gede dengyarao khe thima, Phai lah, ani bupha khe khaja riyarao, habsao sangsai jenba ni phrang nisi ne khlai hi hathan salaiyaba khe bubra ja lah.

LUKE 6:22

Marsi ni Basa ni khlai hi subung buthu nisi khe naisle kha bo, dangkhlai kha bo, jo kha bo, siji kha bo, nisi ni khophal hambi.

ROM 5:4

dukhu khah laoma jang dongthai hamba slam hi, dongthai hamba jang asama bo slam du thihi jing tharmai du.

ROM 8:28

Madai khe hamjaoma dengyarao khe, bo ning bo saikhoba lai bo longyarao ne de, bonsi ham mane khlai hi khrip jadi khebo dang ri du thi hi jing tharmai du.

1 KORINTH 2:9

Thikhabo, Madai ni laisi ha, Muthai jang nuba giri, odehe khmao habo khnaba giri, Subung ni khah habo hapya, Madai ning jar hamjaoyarao ne khlai hi bo salai ri ba, thihi reb ba lai se ja ba.

1 KORINTH 8:3

Thikhabo, subung asaba bo Madai khe hamjao kha de, Madaibo bokhe basao mithi ma se.

1 KORINTH 9:25

Khaiba badai lai ba ha gabayarao de khrip jadi ha jar khe sao dung ri re; bonsi de Raja ni khrothu hamya ja phuyaba khe mai mani khlai hi bonsi dang re, thikhabo jing de Raja ni khrothu hamya jathaoyayaba khe mai mani khlai hi se jing dang ba.

2 TIMOTHE 2:15

Ning de jar ni khusi dangba lajiya, grao gibi khe gibi gibi slingriyaba Madai jang bujao mani khusi dangyaba lai Madai niha jar khe yaopha mani khlai hi blaiba lai lai phnu lah.

2 TIMOTHE 4:8

Duha de anthane khlai hi dormo ni khrothu khe deng ri kha, bokhe bisar gibi khlaiyaba, Gabra ning bo basain ha anthane ri ma se, a ne se ning niya hi, bo nujao phaiginyaba khe jonyarao khrip nebo bo rima se.

HEBRAIRAO 10:32

Sagang ha nisi bede dong ba wainso lah. Gabra ni jnama ha nisi dong bani yaohon ha dukhu hadi nisi goron khali blaiya si blaiya si nisi dukhu ajaoba khe wainso phin lah.

HEBRAIRAO 11:17

Lonma ha Abraham khe khah naiba ni bubli ha, Isak khe bo bandai yaopha ba. Grao hanggaiyaba buthu khe maiyaba de boni basa saosi mang mang dongyaba,

HEBRAIRAO 12:5

Basathu lai sibringyaba ni grao maniyaba khe nisi blao kha; Ani basa, Gabra ni sason grao khe haglai da bao lah; ar bo joba ha ning khah ha jajaoya da ja lah.

HEBRAIRAO 6:15

Odebani, Abraham de dukhu khah lao dada jon hi Madai jinis hanggaiyaba khe bo mai kha.

JAKOB 2:5

Ani khasaoma ni daphlungrao, khna lah! Madai ning habsao ha suliyayarao khe lonma ha gnang jama ni ode bo jar khasaoyarao niha bo hanggaiyaba raji khe hok ni khlai hi bo saikhoyaba niya?

JAKOB 5:11

Blaiya si khah lao hi dukhu khlaiyarao ni khophal hambi thi hi jing thi du. Job dukhu khah laoyaba khe nisi khna kha. Odehe, Gabra ni khusi dangma baoyaba khebo nisi tharmai kha. Gabra de khasaoma jang mayama ha gablaiyaba se.

1 PETER 3:14

Bede thikhala, gibi khusi khe dang bani, nisi dukhu jaba thikhade, khophal hambi bao lah. Bonsi khinyaba jinis buthu khe da khin lah, ode khah waimubo da nang lah.

1 PETER 4:13

Nisi Krista jang dukhu khlai phayarao se bani khaja lah; bo muima jang nujao phaikha ning, nisibo khusi jahi khajama jang nisi jirik khao phuma ni khlai hi se bao lah.

1 PETER 4:14

Odehe Krista ni bumu ni khlai hi nisi jajao kha de nisi ni khophal hambi; bede thikhade muima ni bese, Madai ni Bese nisi niha dongba se.

1 PETER 5:10

Khaisa bubli nisi dukhu khlai bani yaohon ha, Krista ha boni thaoglao ni muima mai mane nisi khe longyaba, khasaoma ha gablaiyaba Madai ning nisi khe suphin nang thi du, bo nisi khe bol rao ri nang, bo raothe the khlai nang.

1 PETER 5:4

Odese, melma bubra Raja dedao thaoyaba nujao phaikha ning, muima ni Raja ni khrothu srup thaoyayaba khe nisi mai ma.

1 JOHN 4:19

Bo jing khe hamjao da bani jing hamjao du.

NUJAOYABA 2:10

Ning dukhu jaginyaba buthu khe da khin. Nai lah, Diabol de nisi ni bising ha gejesi khe phatho ha jeb hi nai nai ma se, ode nisi nokha sain jhi dukhu ja ma se. Thih ba sosi lonma jang dongpha lang lah, odese nisi ne ang Raja ni khrothu khe ri ma.

NUJAOYABA 3:19

Ang hamjaoyarao khede ang johi sibring re. Odebani gibi jang dong dada khah phin lah.

NUJAOYABA 3:21

Bo deyaba si khe ani khamthan ha ang jang baosi ang kham ri ma se. Angbo de dada ani bupha ni khamthan ha ang khamba lai ning.