GYAN NI GRAO BUTHU 15:5 - DARA GADAIN N.T. with PSA and PRO (BSI)

⁵ Subung gibir de bupha ni slingrithai khe maniya Thikhabo, sere slingrithai khe mani du bo girikthai phnu re.

GYAN NI GRAO BUTHU 15:5 Iomraidhean Croise

BAKHAN NI RAJABTHAI 141:5

Subung gibi ang khe khasao bani ang khe su la thing bo khasao ma se Ang khe jo la thing - bode ani khro ni khlai hi thao lai se; Ani khro maniya da ja thing. Thikhabo ani bithai de dang gajai dangyarao ni balam ha ning ja ma se.

GYAN NI GRAO BUTHU 1:23

Ang joyaba khe nisi khna kha de Ani khah khe nisine ang khna ri kha mu! Ani baothai khe nisine khna ri ma mu!

GYAN NI GRAO BUTHU 1:7

Gabra khe khinba de gyan jajen ba se. Thikhabo gibirrao de girikthai ni slingrithai khe nangjaoya,

GYAN NI GRAO BUTHU 10:1

Basa ni girikma jang bupha ne khaja ri du, Thikhabo basa gibir se thikhade buma ne dukhu ri du.

GYAN NI GRAO BUTHU 13:1

Girikyaba basa de bupha ni slingrithai khe mani re Thikhabo mlao-thlao khlaiyaba subung de malai ni sarithai khe bo khnaya.

GYAN NI GRAO BUTHU 13:18

Sere slingrithai khe maniya, bode laji jang dukhu hadi ha galai ma Thikhabo, sibringba khe maniyaba de bakhan mai ma se.

GYAN NI GRAO BUTHU 15:4

Malai khe khaja riyaba slai de hayu ni bongphang lai se, Thikhabo mosol slai de bese khe dukhu ri du.

GYAN NI GRAO BUTHU 15:6

Subung gibi ni noh ha don bang bi Thikhabo subung hamya ni habain dibin ma labu re.

GYAN NI GRAO BUTHU 19:20

Sibringthai khe khna lah, slingrithai khe mani lah, Odese yaohonthao ha ning girikthai mai ma.

GYAN NI GRAO BUTHU 25:12

Subung buddi-gnang ni grao de khnayaba khmao ni khlai hi Gajao ni khmaothai lai se.

GYAN NI GRAO BUTHU 6:23

Ebo grao riyaba de thaophari se Ar ebo grao slingriyaba de jdanma se. Bo sibringyaba grao de nini khlai hi hayu ni lama se.

TITA 1:13

Ebo sakhi riyaba grao gibi se. Odebani bonsi lonma gibi ha thangphu mani khlai hi bonsi khe sajao si jo lah.

TITA 2:15

Ebo grao buthu khe bai hi thi lah, ode phura hukhum gnang jang baosi bujai hi jo lah. Saosibo ningkhe hamya da mai thing.