GYAN NI GRAO BUTHU 13:10 - DARA GADAIN N.T. with PSA and PRO (BSI)

¹⁰ Sanggama de nam khormu se ning khaikho ba Thikhabo, mirikyarao niha de girikma mai du.

GYAN NI GRAO BUTHU 13:10 Iomraidhean Croise

GYAN NI GRAO BUTHU 19:20

Sibringthai khe khna lah, slingrithai khe mani lah, Odese yaohonthao ha ning girikthai mai ma.

GYAN NI GRAO BUTHU 17:14

Nam jenyaba de dibarai khe haigerba lai se Odebani nam jenma ni sagang ha bokhe haiger lah.

JAKOB 4:1

Nisi ni bising ha jbah ar nam jalaiyaba buthu la braha ni phrang baigo phai ba? Nisi ni mijingma buthu, nisi ni bising ha nam jalaiyaba buthu ni phrang baigoyaba niya na somo?

1 TIMOTHE 6:4

subung phuthan jang bo musibo mithiyayaba se. Niya laiyaba ode grao bangalaiyaba nam khormu khaikhoyaba gede haryaba subung khah ragaoyayaba se. Bo buthu ni phrang se, libima ja thing, nisi naima mijingyayaba ja thing, nisi sijilaiba ja thing, nisi lon soyayaba phap buthu ja thing,

LUKE 22:24

Bonsi ni bising ha, sere dedaothao jama thibani graoha rikphayarao niyalai ba.

GYAN NI GRAO BUTHU 25:8

Snadi khe ning nini muthai jang nu ba Bokhe bisar ha srap da labu, Jamthao baha ningkhe noharirao laji phnu kha la Ning snadi khlai ma?

GYAN NI GRAO BUTHU 21:24

Subung sanggayaba jang subung phuthani jayaba khe Naisleyaba thi re Boni dongthai-jithai gabang phuthani se.

GYAN NI GRAO BUTHU 20:18

Malai ni sibringthai jang khusi dangma bao lah Jbah nanglaima thikhade malai ni sibringthai la lah.

GYAN NI GRAO BUTHU 13:9

Subung gibirao ni jnama hamsisi phnu du Thikhabo phaphirao ni thaophari de, thih lang la du.

GYAN NI GRAO BUTHU 13:11

Mosol jang rang khamaiyaba de ode ning thang la ma se Thikhabo, khaisa khaisa rang bojom khlaiyaba de bangdao ma se.

GYAN NI GRAO BUTHU 28:25

Subung harbaoma namkhormu phnang re Thikhabo, sere Gabra ni basao ha lonma deng re, bo sogo jaoma se.