2 PETER 2:2 - DARA GADAIN N.T. with PSA and PRO (BSI)

² Olei jasosi ning, gabang subung de jar nangjao mani jinis buthu khe bonsi yaowai nang, ode bonsi ni khlai hi grao gibi ni lama khe hamya khlai ma se.

2 PETER 2:2 Iomraidhean Croise

ROM 2:24

“Madai ni bumu de nisi ni khlai hi Jentailrao ni bising ha hamya jaba se”, thihi reb ba lai.

JUDA 1:10

Thikhabo, ebo subung buthu de bonsi bujiyayaba si khe bonsi siji re; bede thikhade, bonsi baoma giriyaba mih buthu lai hajai phayaba gyan ha thangyarao se bani bonsi jar khe jar hamya khlai la re.

NUJAOYABA 13:14

Sagang ni mih rege ni baslai ha gmang thaosi khusi raothai rijao hi dongyaba buthu khe dang hi, phirthi ha dongyarao khrip khebo thokhi hi, seng ha bumai nang hi, ham phinyaba mih rege khe bakhan khlai mani khlai hi boni saokhuli khe bonsi slam lai ba.

JUDA 1:15

Madai khe khiyal khlaiyayarao khrip bo Madai khe khinya hi, Madai khe khinyayaba ni balam jang khrip khusi dangyaba ode, Madai khe badai hi hamsi ning grao sahi thiyarao ni balam ha bisar khlai mani bo phaisai du thi ba.

2 PETER 2:15

Lama gibi khe bonsi dangkhlai hi, bonsi lama gma kha. Bosor ni basa Balaam, phap khusi dang hi yaosandi nangjaoyaba ni lama ha hem hi bonsi degao lang la kha.

1 PETER 2:12

Odehe, Jentailrao ni bising ha nisi ni dongthai majang thing. Odehe, hamya khusi dangyaba ha bonsi nisi khe hamya thi la khabo, nisi hamba khusi dangyaba buthu khe bonsi jar ning nu la nang, ode Madai jini ha dongphai khali, bokhe bonsi bakhan khlai ma se.

TITA 2:8

ning grao thiyaba gibi jathai khe niya hi, dephuyayaba khe nu hi, badaiyarao nini basao ha hamya musi thima maiya hi bonsi laji mani khlai hi.

DANGYASARAO 24:14

Ebo grao khe nini ha ang khuru nang, bonsi mosol thiyaba lama jang ang jini phagrarao ni Madai khe khlim du. Thikhabo, Dara ha gorasalirao ni laisi ha rebyaba khrip khe ang lon du.

DANGYASARAO 16:17

Bo Paul jang ode jing jang yaohon rikpha ba, Ebo buthu, nisi ne sogolam ni lama khe sainthiyaba de, Basaothao Madai ni leng buthu se, thihi bo jirikkhao ba.

MATTHEW 24:24

Bede thikhade, mosol Krista ode mosol gorasalirao bonsi baigo phu ma; blai khade saikho jaoyarao khebo bonsi thokhi phu mane khlai hi sin ode gmang thaosisi khusi gedeba buthu khebo bonsi dang phnu ma se.

NUJAOYABA 12:9

Dragon dedao thaoyaba jbu ho grasa Diabol jang Soithan thiyaba habsao bubim khe thokhiyaba de dangkhla jao hi, boha boni deglaraobo bo jang baosi dangkhla pha jao ba.

2 PETER 2:21

Dormo ni lama khe bonsi mithi bani yaohon ha, bonsi niha grao riyaba gathar deng riyaba khe dangkhlai ba thane de, dormo ni lama khe mithiyaba se, bonthane khlai hi hamdao nang mu.

TITA 2:5

saiphuyaba ni ja thing, naisoyaba gathar ja mani ja thing, nohkhor ha dongthai ham mani ja thing, gasainyaba ja mani ja thing, bonsi ni basaithu ni grao khe la mani buthu jang bonsi slingri phu nang, Madai grao siji jaoya hi dong mani nang du.

1 TIMOTHE 5:14

Odebani, banjik ansa jadaoyarao de noh japhin hi basai mai dada nokhong si khe naiso la hi, sotrurao musi thima maiya mane ang nangjao du.

DANGYASARAO 19:9

Thikhabo, subung gejesi de khah rao bani bonsi lonma nangjaoya, ode subung buthu ni sagang ha lama ni grao khe bonsi sijiba jang

DANGYASARAO 18:26

Odehe, bo bojom jayaba noh ha khitha raoma jang grao thiba jen kha. Odebani, Priskilla jang Akuila de bo grao thiyaba khe bonsi khna hi, jarni noh ha bonsi lang hi, boni ha Madai ni lama ni grao khe ar gibi gibi thiphla ri dao kha.

DANGYASARAO 14:2

Thikhabo, lonma nangjaoya Judarao, Jentailrao ni khah ha bonsi sibring hi, daphlungrao khe bonsi nam jalai ri ba.

DANGYASARAO 13:10

Ning subung thokhiyaba jang rege rege khrip ha gablaiyaba, Soithan ni basa, ning khrip jadi ha hamba giriyaba, ning Gabra ni lama belengyaba khe gugui khlai mane haigerya na?

JOHN 14:6

Jisu thiphin ba, Ang ning lama, gibi ode hayu se. Ani gede jahi thangya kha de Abai niha saosibo so hi phuya.

MARKA 13:22

Bede thikhade Krista mosolrao ode gorasali mosolrao baigo nang, bonsi gmang thaosisi sin phnu hi khusi dang nang. Blai khade saikho jaoyarao khebo thokhiphu mani khlai hi khusi dang ma se.

MARKA 12:14

Bonsi boniha phaihi thi ba, Slingriyah, ningde gibi subung se. Saosi khebo bera khlaiya thihi jing tharmai du, ode saosi khebo dangkhlai daoya. Madaini grao khe hamsisi sling ri du. Jingkhe thi lah, Kaisar niha khajna riba la Dara ha dong na giri? Jing rima na riya?

MATTHEW 22:16

Odehe, bonsi jar ni slingriyarao khe Herod ni dol ni subung buthu niha ebo grao khe thi mane bonsi haiha ba. Slingriyaba, ning gibi subung se; saosi khebo man ridao riyadao jaya thi hi jing tharmai du, ode saosi khebo ning gibin naidaoya.

MATTHEW 7:14

Hayu ni lama ha thangyaba dergade khasi bi, boni lama bo gepheyaba se. Bokhe nuyarao bo gijisa se ning.

BAKHAN NI RAJABTHAI 18:21

Gabra-ni lama khe ang remsong hi deng du Madai ni basao ha ang hamya khusi khebo dengya.

NUJAOYABA 13:8

Odebani, phirthi ha dongyarao khrip habsao sangsai jenba ni phrang sthai jaoyaba Melmasa ni hayu laisi bajap ha bumu gakhuyayarao khrip mih rege khe, Madai khe khlimba lai bonsi khlim ba.

2 PETER 2:12

Thikhabo, eleiyaba subung buthu de, buddima giriyaba, hagra ni mih khe, remhi sthai jao mani hajaiyarao lai jasosi se, ode bonsi tharmaiyayaba khe ning bonsi siji hi, hagra ni mih lai ning bonsi sjam jao ma se.

DANGYASARAO 22:4

Ebo lama ni subung buthu khe thima jasi ang dukhu ri re, miyah masainjik khebo ang kha hi, phatho ha jeb ri re.

2 PETER 2:7

Lot, dormo subung, subung phaphirao ni dongthai gabang rege jaoyaba khe de bo sogo ba,

2 PETER 2:18

Oleiyaba subung buthu de haglai grao khe bonsi hamsi thibai hi, habsao dongthai mosol buthu dangkhlaiyarao khe saomang nangjaoma phap buthu khe yaowai hi bonsi phuslai re.

JUDA 1:4

Nisi ni bising ha subung gejesi, phirik phirik hapsing phai hi dong, bo buthu de Madai khe maniyayaba subung buthu se; Madai ni khasaoma ni grao khe bonsi ni mijingma ha majang sisi thi mani khlai hi bonsi yaowai hi, jini hoja ode jini Gabra saosi mang mangyaba Jisu Krista khe mani ma bo bonsi nangjaoya, oleiyaba subung buthu khe gajai ne bonsi saikho kha.

JUDA 1:7

Olei jasosi ning, Sodom jang Gomorra ode boni sere bere haphai ni nogor buthu khebo, mijingma regeyaba ha bonsi khah ri bani khlai hi gibin subung buthu khe joda mani thaoglao ni wai ni saja ha bonsi rijao ma se.