1 PETER 4:2 - DARA GADAIN N.T. with PSA and PRO (BSI)

² Odebani, ebo phirthi ha boni hayu yaowai mani thaoyaba khrip ha subung ni mijingma buthu ha thangya hi, Madai ni nangjaoma ha thanghi dong mani khlai hi se.

1 PETER 4:2 Iomraidhean Croise

BAKHAN NI RAJABTHAI 143:10

Ning nangjao ba lai ang khe sling ri lah Bede thikhade ning ani Madai se. Nini hamba bese ang khe hamba hathan ha langsmai thing.

MATTHEW 12:50

Sere ani Bupha sorgo ha dongyaba nangjaoba lai dangyaba de ani daphlung jang ani bahandao ode ani buma se.

MATTHEW 20:4

Bonsi khe thiba, Nisibo grep bari ha khusi dangtha sang, nisi jajao gothai ang ri nang. Odebani bonsi thang kha.

MATTHEW 21:31

Ebonsi gini ha bupha nangjaoba lai sere dang ba? thihi Jisu bonsi khe sing ba. Bonsi thiphin ba, Sagang ni. Jisu bonsi khe thiphin ba, Gibi jang nisi khe thi du, khajna khrangyarao ode sao phainjiyarao ning tha sagang hi sorgo raji ha hap ma se.

MATTHEW 7:21

Gabra, Gabra thi hi se ning ang khe jirikyaba de sorgo raji ha hap nang niya, thikhabo ani bupha sorgo ha dongyaba ni nangjaothai lai dangyarao de hap ma se.

MARKA 3:35

Sere Madai ni nangjaothai ha khusi dang re, bo ning ani bada buphlung, ani bahandao ar ani buma se.

MARKA 7:21

Bo buthu subung ni bising ni phrang regethai baigo hi,

JOHN 1:13

Bonsi thihjao ni phrang hajai ba niya, saomang ni nangjaoma jang bo niya, miyahrao ni nangjaoma jang bo niya, thikhabo Madai ni nangjao ba lai se hajai ba.

JOHN 7:17

Sere Madai ni nangjaoma khe dang ma nangjao re, ang slingriyaba grao khe Madai ni phrang baigoyaba na ang jarni nangjaoba lai thiba thihi tharmai nang.

ROM 12:2

Ebo habsao ni dongthai lai dongya hi, Madai ni nangjaothai hamba ode khaja jao gothaiyaba sothar si hamba khe nisi ragaosisi mithi phu mani khlai hi, nisi jarni khah gadain jahi gibin ja lang lah.

ROM 14:7

Saosibo jarni khlai hi jing thanghi dongya, saosi bo jarni khlai hibo thihya.

ROM 6:11

Olei jasosi ning nisibo phap gede thih hi, Madai ni gede Krista Jisu ha se thang hi dongba thi hi nisi bao lah.

ROM 6:2

Ode niya dou! Jini phap thih blai bani yaohon ha bedehe jing phap jang thanghi dong ma?

ROM 7:4

Olei jasosi ning, ani daphlungrao, nisibo Krista ni saomang dara jang dara gede de nisi thih kha, gibin subung, subung githi ni gejer ni phrang baijayaba nisi ja kha, Madai ne bathai thaiyaba jing ja kha.

2 KORINTH 5:15

Odehe, bo thang hi dongyarao de bonsi ni khlai hi thangya hi, bonsi ni khlai hi thih dada baija phinyaba ne se bonsi thang hi dong phu mani khlai hi, bo de khrip subung ni khlai hi se thih ba.

EPHESI 2:3

Bo lonyayaba basathu ni bising ha, jingbo sagang ha saomang jang khah nangjaoma ha dang hi, jini saomang ni mijingma buthu lai thamsi ni basa ha jing hajaiyaba se.

EPHESI 4:17

Gabra ni bumu jang ang nisi khe thi du, Jentailrao jarni khah baothai jang dongba lai nisi da dong lah thihi ang khna ri du,

EPHESI 5:17

Odebani, gibir da ja, Gabra ni nangjaothai khe ragao sisi tharmai ma bao lah.

EPHESI 6:6

Subung khe khaja rima baoyaba buthu lai bonsi nuba ha se ning, khusi dangya hi, Krista ni leng lai khah jang muh jang Madai nangjao ba lai dang lah.

KOLOSSA 1:9

Odebani, bese gede ni gyan ode bujima gnang khrip ha Madai ni nangjaothai bujima ha nisi gablai phu mani khlai hi, jing khna khali ni phrang, nisi ne khlai hi, nisi ne sain rihi, bi riba khe jing haigerya.

KOLOSSA 3:3

Bede thikhade, nisi thih kha, ode nisi ni hayu de Madai, Krista niha huihi deng ba.

KOLOSSA 4:12

Nisi ni bising ni subung, Krista ni dangyasa, Epaphrabo nisi khe khlim ha du. Madai ni hamjaoma ha khrao jahi ode lonma khe kha thik thik lahi nisi songphu mani khlai hi nisi ne blai ba lai thaoyasi bo Madai bi riyaba se.

1 THESSALONIKA 5:18

khrip ha khajama ni grao khe sainthi lah, ebo khe nisi ni khlai hi Krista Jisu hade Madai ni nangjaothai se.

HEBRAIRAO 13:21

boni muh ha boni khusi nisi ni gede dong hi, bo nangjaoba lai dang mani khrip hamba khusi jang Jisu Krista ni khlai hi nisi khe phura ja ri thing. Bo Jisu Krista niha ning thaoglao jang muima dong thing. Amen.

JAKOB 1:18

Bo dangma baoyaba phura japhu mani khlai hi, bo slamyaba buthu bathai thai jenyaba ja mani khlai hi, grao gibiyaba jang bo jing khe hajai riba se.

1 PETER 1:14

Basa grao maniyarao lai dong hi, sagang ha jar ni phap libima ha dongba lai nisi da dong lah.

1 PETER 2:1

Odebani, khrip jadi hamyayaba, thokhiyaba, giriklaiyaba, hingsa ode khrip sijiyaba khe dangkhlai hi,

1 JOHN 2:17

Habsao boni libima jang jamsai du, thikhabo Madai nangjaoba lai dangyaba maithai galao thang hi ning dong ma se.